Suryakumar Yadav on Shreyas Iyer: भारत विरुद्ध ऑस्ट्रेलिया यांच्यातील तीन एकदिवसीय सामन्यांच्या मालिकेतील पहिला सामना शुक्रवारी खेळला गेला. या सामन्यात सूर्यकुमार यादवने शानदार फलंदाजी करत वन डे कारकिर्दीतील तिसरे अर्धशतक झळकावले. या सामन्यात भारताने नाणेफेक जिंकून प्रथम गोलंदाजी करण्याचा निर्णय घेतला. यादरम्यान प्रथम फलंदाजी करण्यासाठी आलेल्या ऑस्ट्रेलियन संघाने ५० षटकांत १० गडी गमावून २७६ धावा केल्या.
जर सूर्यकुमार यादवच्या खेळीबद्दल सांगायचे झाले तर त्याने ऑस्ट्रेलियाविरुद्ध ४९ चेंडूंचा सामना करत ५० धावांची खेळी खेळली होती. ज्यामध्ये एक षटकार आणि पाच चौकारांचा समावेश होता. अनेक दिवसांपासून एकदिवसीय क्रिकेटमधील खराब कामगिरीच्या काळातून जात असलेल्या सूर्याने आपण वन डे क्रिकेटमध्ये उत्कृष्ट फलंदाज असल्याचे सिद्ध केले आहे. त्याच्या खेळीने दुखापतीतून सावरत असलेल्या श्रेयस अय्यरचे स्थान धोक्यात आले आहे. सध्या त्याच्या वाईट फॉर्ममधून जात आहे.
ऑस्ट्रेलियाविरुद्धची तीन एकदिवसीय सामन्यांची मालिका टीम इंडियाच्या अनेक खेळाडूंसाठी महत्त्वाची मानली जात आहे. विश्वचषकापूर्वी पहिल्या दोन सामन्यांमध्ये वरिष्ठ खेळाडूंना विश्रांती देण्यात आली आहे. सूर्यकुमार यादवने या संधीचा फायदा घेत पहिल्या सामन्यात दमदार खेळी करत संघाच्या विजयाचा हिरो ठरला. त्याला बाहेर बसण्याचे कारण म्हणजे फलंदाज फ्लॉप झाला.
ऑस्ट्रेलिया मालिकेमुळे भारतीय संघातील काही खेळाडूंना विश्वचषकापूर्वी स्वत:ला सिद्ध करण्याची संधी मिळाली आहे. गेल्या काही सामन्यांमध्ये इशान किशनने संधीचा फायदा घेत प्लेइंग इलेव्हनमध्ये आपले स्थान पक्के केले. असाच काहीसा प्रकार आता सूर्यकुमार यादवच्या बाबतीत झाला. एकदिवसीय संघातील खराब कामगिरीमुळे टीकेचा सामना करणाऱ्या या फलंदाजाने ऑस्ट्रेलियाविरुद्धच्या वन डे मालिकेतील पहिल्या सामन्यात शानदार अर्धशतक झळकावून संघाला विजय मिळवून दिला. या खेळीमुळे बरेच काही बदलू शकते.
सूर्यकुमारचे नशीब बदलेल का?
गेल्या काही सामन्यांमध्ये कसोटी असो वा वन डे, सूर्यकुमार यादवला एका खेळाडूमुळे बाहेर बसावे लागले, तो म्हणजे श्रेयस अय्यर. श्रेयस अय्यरला दुखापत झाल्याने सूर्याने ऑस्ट्रेलियाविरुद्ध कसोटी पदार्पण केले. एकदिवसीय मालिकेत अय्यरच्या अनुपस्थित सूर्यकुमार यादव खेळायला आला. आता दोघांचाही समावेश ऑस्ट्रेलियाविरुद्धच्या प्लेईंग-११ मध्ये करण्यात आला होता. त्या सामन्यात जिथे श्रेयस फ्लॉप ठरला आणि सूर्याने अर्धशतक केले. यामुळे श्रेयस अय्यरचे स्थान धोक्यात आले आहे. जर आगामी दोन वन डे सामन्यात मोठी खेळी करू शकला नाही तर त्याला विश्वचषक संघातून देखील वगळले जाऊ शकते.
भारताने सामना जिंकला
ऑस्ट्रेलियाविरुद्धच्या पहिल्या एकदिवसीय सामन्यात भारताने नाणेफेक जिंकली. यादरम्यान प्रथम फलंदाजी करण्यासाठी आलेल्या ऑस्ट्रेलियाने ५० षटकांत १० गडी गमावून २७६ धावा केल्या. प्रत्युत्तरात या लक्ष्याचा पाठलाग करण्यासाठी आलेल्या टीम इंडियाने हा सामना पाच विकेट्स राखून जिंकला. आता या विजयासह भारतीय संघाने मालिकेत १-० अशी आघाडी घेतली आहे.
