“एवढ्या चाहत्यांना शांत करण्यात..”, IND vs AUS सामन्याची स्थिती पाहता पॅट कमिन्सचं ‘ते’ बोचणारं विधान चर्चेत

कमिन्स म्हणाला की, “इंडियन प्रीमियर लीगमध्ये खेळल्यानंतर, पाचवेळा चॅम्पियन असलेला ऑस्ट्रेलिया संघ भारतीयांच्या क्रिकेटप्रेमाला ओळखून आहे. मोठ्या गर्दीसमोर खेळणे ही सध्याच्या ऑस्ट्रेलियन संघातील अनेकांसाठी नवी गोष्ट नाही. स्टीव्ह स्मिथ, डेव्हिड वॉर्नर, मिचेल स्टार्क, जोश हेझलवूड आणि ग्लेन मॅक्सवेल हे सर्व २०१५ च्या फायनलमध्ये होते. तेव्हा ऑस्ट्रेलियाने ८० हजारहून अधिक चाहत्यांसमोर MCG येथे न्यूझीलंडचा पराभव केला होता. संघातील बरेच जण आयपीएलही खेळले आहेत.”

ऑस्ट्रेलियाच्या संघाच्या तयारीविषयी बोलताना पॅट कमिन्स म्हणाला होता की, “एक गोष्ट जी सातत्यपूर्ण राहिली ती म्हणजे संघाचं मनोबल. सर्वच आशावादी आहेत. प्रत्येक जण खेळासाठी तयार आहे. हा सामना आमच्या सर्वांच्याच करिअरसाठी महत्त्वाचा ठरू शकतो, जेव्हा मागे वळून आजच्या सामन्याकडे पाहू तेव्हा अभिमान वाटू शकतो. नेदरलँड्सविरुद्ध, सामना वगळल्यास आम्हाला कोणतेही मोठे विजय मिळालेले नाहीत. आम्हाला विजय गवसताना खूप अडचणी आल्या पण विजयी कसे व्हायचे हे आम्ही ओळखले आहे. प्रत्येक विजयासाठी वेगवेगळ्या वेळी वेगवेगळा खेळाडू संघासाठी उत्तम कामगिरी करताना दिसला आहे.

हे ही वाचा<< IND vs AUS: “तुझं फक्त एकच काम..”, माजी स्टार खेळाडूची अभिषेक बच्चनसाठी पोस्ट, लोक म्हणतात, “चुकूनही..”

दरम्यान, सहा आठवड्यांपूर्वी ऑस्ट्रेलियाने भारत आणि दक्षिण आफ्रिकेकडून पराभव पत्करून विश्वचषक मोहिमेची सुरुवात केली तेव्हा यंदाच्या विश्वचषकात कांगारूंचा कितपत निभाव लागू शकेल याविषयी शंका होती. त्यात अनेक खेळाडूंना झालेल्या दुखापती ऑस्ट्रेलियाच्या अडचणी वाढवण्याची शक्यता वाटत होती. दुसरीकडे, भारतीय संघ विश्वचषकातील आतापर्यंतचा एकमेव अपराजित संघ ठरला आहे. पण आजच्या सामन्याकडून पॅट कमिन्सच्या अपेक्षा वेगळ्या होत्या. आजचा सामना जिंकून सहाव्यांदा ऑस्ट्रेलियाला विजय मिळवून देणे हे त्याच्या करिअरच्या महत्त्वाचे असल्याचे त्याने पत्रकार परिषदेत सांगितले होते.