IND vs AUS: भारताच्या RRR ने वाजवला ऑस्ट्रेलियाचा बँड, क्रिकेटचा देव सचिन तेंडुलकरही आनंदी, ट्विट करून टीम इंडियाचे केले कौतुक

जडेजाने पहिल्या डावात पाच आणि अश्विनने तीन बळी घेतले. यानंतर रोहितने २१२ चेंडूत १२० धावांची खेळी केली. जडेजा ७० आणि अक्षर पटेल ८४ धावा करून टीम इंडियाला मजबूत स्थितीत नेले मात्र त्यांचे शतक हुकले. दोघांनी आठव्या गड्यासाठी ८८ धावांची भागीदारी केली आहे. अश्विननेही फलंदाजीचे योगदान दिले. त्याने २४ धावा केल्या. रोहित शर्मा, रविचंद्रन अश्विन आणि रवींद्र जडेजा यांच्या अप्रतिम कामगिरीला सचिन तेंडुलकरने एसएस राजामौलीच्या आरआरआरशी जोडले.

हेही वाचा: IND vs AUS 1st Test:  बापू तमे छा गयो! अक्षर पटेलची तुफानी खेळी; तब्बल २२३ धावांची आघाडी घेत टीम इंडिया भक्कम स्थितीत

सचिनने काय केले ट्विट?

मास्टर-ब्लास्टर सचिनने ट्विटरवर रोहित, अश्विन आणि जडेजाचे कौतुक केले आहे. टीम इंडियाशी आरआरआरचे कनेक्शन जोडून त्याने लिहिले, “RRR… रोहित, रवींद्र आणि रविचंद्रन या त्रिकुटाने या कसोटीत टीम इंडियाला पुढे केले आहे.” रोहितने शतक झळकावून संघाचे नेतृत्व केले आहे. रविचंद्रन अश्विन आणि रवींद्र जडेजाने महत्त्वपूर्ण विकेट्स घेतल्या.

कर्णधार रोहित शर्माने इतिहास रचला

रोहित शर्माने १७ महिन्यांनंतर कसोटीत शतक केले आहे. शेवटच्या वेळी त्याने सप्टेंबर २०२१ मध्ये ओव्हलवर इंग्लंडविरुद्ध १२७ धावांची इनिंग खेळली होती. रोहितनेही ऑस्ट्रेलियाचे शतक झळकावून इतिहास रचला. कर्णधार म्हणून तिन्ही फॉरमॅटमध्ये (कसोटी, एकदिवसीय आणि टी२०) शतक झळकावणारा रोहित हा पहिला भारतीय फलंदाज ठरला आहे. अशी कामगिरी करणारा तो जगातील चौथा खेळाडू आहे. श्रीलंकेचा तिलकरत्ने दिलशान, दक्षिण आफ्रिकेचा फाफ डुप्लेसिस आणि पाकिस्तानचा बाबर आझम यांनी कर्णधार म्हणून तिन्ही फॉरमॅटमध्ये शतके झळकावली आहेत. रोहितने कर्णधार म्हणून एकदिवसीय मध्ये तीन आणि टी२०मध्ये दोन शतके झळकावली आहेत.