सचिनच्या आचरेकर सरांना टीम इंडियाची अनोखी आदरांजली

आजपासून भारत आणि ऑस्ट्रेलिया यांच्यात सिडनी येथे चौथ्या कसोटी सामन्याला सुरुवात झाली आहे. सामना सुरु होण्यापूर्वी आचरेकर सरांना आदरांजली वाहण्यासाठी टीम इंडियाच्या खेळाडूंनी आपल्या दंडावर काळ्या फिती बांधल्या आहेत. बीसीसीआयने या संदर्भातलं ट्विट केलं आहे.

दरम्यान सिडनी कसोटी सामन्यात नाणेफेक जिंकून भारताने प्रथम फलंदाजी करण्याचा निर्णय घेतला आहे. सलामीवीर लोकेश राहुल लवकर माघारी परतला असून, यानंतर मयांक अग्रवाल आणि चेतेश्वर पुजारा यांनी शतकी भागीदारी करुन संघाचा डाव सावरुन दिला.