Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

विराटने केल्या १२३ धावा

विराट कोहली

भारतीय संघाला दुसऱ्या कसोटीच्या तिसऱ्या दिवसाची साजेशी सुरुवात करता आलेली नाही. कर्णधार विराट कोहलीने ऑस्ट्रेलियाच्या गोलंदाजांना चांगलेच झोडपून काढले. कोहलीने आपले शतक पूर्ण केले. त्याला पॅट कमिन्सने १२३ धावांवर बाद केले. पण या दरम्यान कोहलीने दक्षिण आफ्रिकेच्या जॅक कॅलिसच्या नावावर असलेला विक्रम मोडला.

Massive wicket for Australia! Cummins has Kohli caught at slip for 123!
The Indian captain walks off to a standing ovation. What a spectacular knock this has been!
#AUSvIND LIVE
https://t.co/viG01B7TWC pic.twitter.com/pmWz7IXwhR
— ICC (@ICC) December 16, 2018

कोहलीने पर्थ कसोटीच्या तिसऱ्या दिवशी शतक पूर्ण केले. २०१८ मधील त्याचे हे पाचवे कसोटी आणि सर्व प्रकारच्या फॉरमॅटमधील ११वे शतक ठरले. शतकानंतर अनेक विक्रम नावावर करणाऱ्या कोहलीने १११ धावांचा पल्ला गाठताच पराक्रम केला. त्याने कसोटी क्रिकेटमध्ये चौथ्या क्रमांकावर फलंदाजी करताना पाच हजार धावांचा पल्ला गाठला. चौथ्या क्रमांकावर सर्वात जलद ५००० धावा करण्याचा विक्रम कोहलीने आपल्या नावे केला. त्याने ८६ डावांत ५०१२ धावा करताना कॅलिसचा विक्रम मोडला. कॅलिसने ८७ डावांत हा पल्ला गाठला होता. या यादीत सचिन तेंडुलकर (९३), जावेद मियाँदाद (९९) आणि ब्रायन लारा (१००) या दिग्गजांचाही समावेश आहे.

दरम्यान, ३ बाद १७२ धावांवरून तिसऱ्या दिवसाची सुरुवात करणाऱ्या भारतीय संघाला पहिल्याच षटकात झटका बसला. त्यानंतर कोहलीने जबाबदारीने खेळ करताना भारताच्या धावांचा वेग कायम राखला. त्याने २१४ चेंडूत शतक पूर्ण केले. कोहलीचे हे ऑस्ट्रेलियातील सहावे कसोटी शतक ठरले. तेंडुलकरनेही ऑस्ट्रेलियात यजमानांविरुद्ध सहा कसोटी शतके झळकावली आहेत.

First published on: 16-12-2018 at 10:32 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ind vs aus virat kohli completed 5000 runs to break jacques kalliss record

IND vs AUS : पराक्रमी विराट! ‘हा’ विक्रम करत जॅक कॅलिसला टाकले मागे

विराटने केल्या १२३ धावा