IND vs AUS : सेहवागने खास ‘स्टाईल’मध्ये केले चहलचे कौतुक

कुलदीप यादवच्या जागी संघात युझवेन्द्र चहलला संघात स्थान देण्यात आले. त्याने या संधीचे सोने केले. त्याने ४२ धावांत ६ बळी टिपले आणि ऑस्ट्रेलियाला डाव झटपट गुंडाळला. त्याच्या या कामगिरीवर सर्व स्तरातून स्तुती करण्यात आली. यात माजी क्रिकेटपटू वीरेंद्र सेहवाग याने ‘सेहवाग स्टाईल’ ट्विट करून चहलचे कौतुक केले. ‘चहलका मचा रखा है’, असे विशेष ट्विट त्याने पहिला डाव संपल्यानंतर केले. तसेच त्याला ६ बळी टिपल्याबद्दल शाबासकीदेखील दिली.

त्यावर चहलनेही त्याचे आभार मानले.

दरम्यान, चहलने ऑस्ट्रेलियातील सर्वोत्तम कामगिरी करत माजी क्रिकेटपटू अजित आगरकर याच्या विक्रमाशी बरोबरी केली. आगरकरने २००४ मध्ये मेलबर्नवरच ४२ धावांत ६ फलंदाज बाद केले होते. आज तीच कामगिरी चहलनेही केली.