IND vs AUS : कसोटी क्रिकेटची फलंदाजी पंतला शिकावी लागेल – व्ही व्ही एस लक्ष्मण

लॉयनच्या गोलंदाजीवर ऋषभ पंत मोठा फटका मारण्याच्या प्रयत्नात बाद झाला. त्याबाबत बोलताना भारताचा माजी कसोटीपटू व्ही व्ही एस लक्ष्मण म्हणाला की ऋषभ पंत हा नवोदित खेळाडू आहे.पण त्याला त्याच्या खेळीत बचावात्मक फटके कसे खेळावेत याकडे लक्ष पुरवणे गरजेचे आहे. कारण तुम्ही सर्व फॉरमॅटमध्ये एकसारखेच खेळू शकत नाही. सामन्याचे ठिकाण, गोलंदाज, खेळाचा फॉरमॅट आणि सामन्याची स्थिती यानुसार खेळाडूने फलंदाजीतील फटके ठरवले पाहिजेत, असे तो म्हणाला.

ऋषभ पंतच्या खेळीत बचावात्मक फटके दिसत नाहीत. मी त्याला १९ वर्षाखालील क्रिकेट स्पर्धांमध्ये खेळत असल्यापासून पाहत आहे. तो बचावात्मक फटके खेळण्यात खूपच असमर्थ ठरताना दिसतो. पण चांगली कारकीर्द घडवायची असेल, तर कसोटी क्रिकेटची फलंदाजी पंतला शिकावी लागेल, असेही लक्ष्मण म्हणाला.