India vs Australia 3rd T20: ग्लेन मॅक्सवेलने मंगळवारी भारताविरुद्धच्या तिसऱ्या टी-२० सामन्यात २२३ धावांच्या लक्ष्याचा पाठलाग करताना ४७ चेंडूत नाबाद शतक झळकावून ऑस्ट्रेलियाला रोमहर्षक विजय मिळवून दिला. पॉवरप्लेच्या शेवटच्या षटकात मॅक्सवेल ट्रॅविस हेडसह फलंदाजीला आला आणि त्याने धावांचा पाठलाग करताना संघाला चांगली सुरुवात करून दिली. एका बाजूला विकेट्स पडत राहिल्या, पण दुसऱ्या बाजूने मॅक्सवेल झंझावाती खेळ करत राहिला. अखेरच्या षटकांमध्ये त्याने कर्णधार मॅथ्यू वेडच्या साथीने शानदार विजय मिळवला.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
सामन्यानंतर भारतीय कर्णधार सूर्यकुमार यादवने सामन्यातील पराभवाची वेगवेगळी कारणे सांगितली. ग्लेन मॅक्सवेलच्या फलंदाजीवर तो म्हणाला, “मॅक्सीला लवकरात लवकर बाद करण्याची आमची योजना होती. २२० धावा या मैदानावर खूप होत्या. रात्री मोठ्या प्रमाणात दव पडले मात्र, असे जरी असले तरी ही धावसंख्या गोलंदाजांना टीम इंडियाला विजय मिळवून देण्यासाठी खूप होती. ऑस्ट्रेलिया नेहमीच शेवटच्या चेंडूपर्यंत हार मनात नाही. गोलंदाजांना मी सांगितले की, त्याला (मॅक्सवेल) लवकर बाद करण्याचा प्रयत्न करा पण तसे झाले नाही. मॅक्सवेलला बाद करण्याकडे अधिक लक्ष्य देण्याच्या नादात आम्ही धावा रोखण्यात अपयशी ठरलो, हा वेडेपणा होता.”
A Glenn Maxwell special leads Australia to a crucial win in a thrilling run-chase ?#INDvAUS | ?: https://t.co/EH7foKCSti pic.twitter.com/OTqP2NdWBE
— ICC (@ICC) November 28, 2023
अक्षर पटेलला १९वे षटक देण्याबाबत सूर्या म्हणाला, “अक्षर हा अनुभवी गोलंदाज आहे. मैदानावर दव जास्त असल्याने मी अनुभवी गोलंदाजाला गोलंदाजी करायला सांगितली, मग तो फिरकीपटू असला तरीही. मला माझ्या खेळाडूंचा खूप अभिमान आहे.” गेल्या महिन्यात क्रिकेट विश्वचषकात सर्वात वेगवान शतक झळकावणारा मॅक्सवेल जेव्हा २२ चेंडूत ४२ धावांवर होता, तेव्हा स्टॉयनिस बाद झाला. त्यावेळी ऑस्ट्रेलियाला सात षटकात ९५ धावांची गरज होती. रवी बिश्नोईने पुढच्याच षटकात टीम डेव्हिडला याच टी-२० मालिकेत दुसऱ्यांदा बाद करून ऑस्ट्रेलियन संघाला आणखी एक धक्का दिला, पण मॅक्सवेलने हार न मानता अर्शदीप सिंगच्या चेंडूवर षटकार ठोकत आपले अर्धशतक पूर्ण केले.
ऑस्ट्रेलियाला पाच षटकांत ७८ धावा हव्या होत्या आणि डावाच्या १८व्या षटकात प्रसिध कृष्णाने सहा धावा दिल्याने तो हा सामना टीम इंडियाकडे झुकला होता. शेवटच्या दोन षटकांत ४३ धावा हव्या असताना ऑस्ट्रेलियाचे समीकरण कठीण झाले होते. मॅथ्यू वेडने अक्षर पटेलच्या १९व्या षटकात दोन चौकार आणि एक षटकार खेचून मॅक्सवेलवरील दडपण कमी केले, पण तरीही ऑस्ट्रेलियन संघाला शेवटच्या षटकात २१ धावांची गरज होती. मॅक्सवेल स्ट्राईकवर येण्यापूर्वी २०व्या षटकाची सुरुवात वेडने चौकाराने केली.
अष्टपैलू मॅक्सवेलने प्रसिधच्या चेंडूवर षटकार मारला आणि त्यानंतर चौकारांची हॅट्ट्रिक साधत ऑस्ट्रेलियाला शानदार विजय मिळवून दिला आणि आपले शतकही पूर्ण केले. ४७ चेंडूत त्याने हे वादळी शतक ठोकले. मॅक्सवेलने पुरुषांच्या टी-२० आंतरराष्ट्रीयमध्ये ऑस्ट्रेलियनकडून सर्वात जलद शतक करत अ‍ॅरोन फिंच आणि जोश इंग्लिस (मालिकापूर्वी) यांच्या विक्रमाची बरोबरी केली. मॅक्सवेलने या फॉरमॅटमधील चौथ्या शतकासह पुरुषांच्या टी-२० आंतरराष्ट्रीयमध्ये सर्वाधिक शतकांच्या बाबतीत रोहित शर्माच्या विक्रमाची बरोबरी केली. मालिकेत अजून दोन टी-२० सामने बाकी आहेत. पुढचा सामना रायपूरमध्ये १ डिसेंबरला होणार आहे.
सामन्यानंतर भारतीय कर्णधार सूर्यकुमार यादवने सामन्यातील पराभवाची वेगवेगळी कारणे सांगितली. ग्लेन मॅक्सवेलच्या फलंदाजीवर तो म्हणाला, “मॅक्सीला लवकरात लवकर बाद करण्याची आमची योजना होती. २२० धावा या मैदानावर खूप होत्या. रात्री मोठ्या प्रमाणात दव पडले मात्र, असे जरी असले तरी ही धावसंख्या गोलंदाजांना टीम इंडियाला विजय मिळवून देण्यासाठी खूप होती. ऑस्ट्रेलिया नेहमीच शेवटच्या चेंडूपर्यंत हार मनात नाही. गोलंदाजांना मी सांगितले की, त्याला (मॅक्सवेल) लवकर बाद करण्याचा प्रयत्न करा पण तसे झाले नाही. मॅक्सवेलला बाद करण्याकडे अधिक लक्ष्य देण्याच्या नादात आम्ही धावा रोखण्यात अपयशी ठरलो, हा वेडेपणा होता.”
A Glenn Maxwell special leads Australia to a crucial win in a thrilling run-chase ?#INDvAUS | ?: https://t.co/EH7foKCSti pic.twitter.com/OTqP2NdWBE
— ICC (@ICC) November 28, 2023
अक्षर पटेलला १९वे षटक देण्याबाबत सूर्या म्हणाला, “अक्षर हा अनुभवी गोलंदाज आहे. मैदानावर दव जास्त असल्याने मी अनुभवी गोलंदाजाला गोलंदाजी करायला सांगितली, मग तो फिरकीपटू असला तरीही. मला माझ्या खेळाडूंचा खूप अभिमान आहे.” गेल्या महिन्यात क्रिकेट विश्वचषकात सर्वात वेगवान शतक झळकावणारा मॅक्सवेल जेव्हा २२ चेंडूत ४२ धावांवर होता, तेव्हा स्टॉयनिस बाद झाला. त्यावेळी ऑस्ट्रेलियाला सात षटकात ९५ धावांची गरज होती. रवी बिश्नोईने पुढच्याच षटकात टीम डेव्हिडला याच टी-२० मालिकेत दुसऱ्यांदा बाद करून ऑस्ट्रेलियन संघाला आणखी एक धक्का दिला, पण मॅक्सवेलने हार न मानता अर्शदीप सिंगच्या चेंडूवर षटकार ठोकत आपले अर्धशतक पूर्ण केले.
ऑस्ट्रेलियाला पाच षटकांत ७८ धावा हव्या होत्या आणि डावाच्या १८व्या षटकात प्रसिध कृष्णाने सहा धावा दिल्याने तो हा सामना टीम इंडियाकडे झुकला होता. शेवटच्या दोन षटकांत ४३ धावा हव्या असताना ऑस्ट्रेलियाचे समीकरण कठीण झाले होते. मॅथ्यू वेडने अक्षर पटेलच्या १९व्या षटकात दोन चौकार आणि एक षटकार खेचून मॅक्सवेलवरील दडपण कमी केले, पण तरीही ऑस्ट्रेलियन संघाला शेवटच्या षटकात २१ धावांची गरज होती. मॅक्सवेल स्ट्राईकवर येण्यापूर्वी २०व्या षटकाची सुरुवात वेडने चौकाराने केली.
अष्टपैलू मॅक्सवेलने प्रसिधच्या चेंडूवर षटकार मारला आणि त्यानंतर चौकारांची हॅट्ट्रिक साधत ऑस्ट्रेलियाला शानदार विजय मिळवून दिला आणि आपले शतकही पूर्ण केले. ४७ चेंडूत त्याने हे वादळी शतक ठोकले. मॅक्सवेलने पुरुषांच्या टी-२० आंतरराष्ट्रीयमध्ये ऑस्ट्रेलियनकडून सर्वात जलद शतक करत अ‍ॅरोन फिंच आणि जोश इंग्लिस (मालिकापूर्वी) यांच्या विक्रमाची बरोबरी केली. मॅक्सवेलने या फॉरमॅटमधील चौथ्या शतकासह पुरुषांच्या टी-२० आंतरराष्ट्रीयमध्ये सर्वाधिक शतकांच्या बाबतीत रोहित शर्माच्या विक्रमाची बरोबरी केली. मालिकेत अजून दोन टी-२० सामने बाकी आहेत. पुढचा सामना रायपूरमध्ये १ डिसेंबरला होणार आहे.
