IND vs BAN : मयांकची द्विशतकी खेळी, मात्र ब्रॅडमन यांचा विक्रम थोडक्यात बचावला

अवश्य वाचा – IND vs BAN : मयांकचं द्विशतक, अनोखी कामगिरी करणारा दुसरा भारतीय

कसोटी क्रिकेटमधलं मयांकचं हे दुसरं द्विशतक ठरलं. आपल्या आठव्या कसोटी सामन्यात मयांकने ही कामगिरी करुन दाखवली. सर्वात कमी कसोटी सामन्यांमध्ये दोन द्विशतकं झळकावणाऱ्या फलंदाजांच्या यादीत मयांक तिसऱ्या स्थानावर आहे. सर डॉन ब्रॅडमन यांनी आपल्या सातव्या कसोटी सामन्यात दुसरं द्विशतक झळकावलं होतं, मयांकने आपल्या आठव्या कसोटी सामन्यात ही कामगिरी करुन दाखवल्यामुळे ब्रॅडमन यांचा विक्रम थोडक्यात बचावला.

द्विशतक झळकावल्यानंतर मयांकने पुन्हा एकदा फटकेबाजी सुरु केली. मात्र मेहदी हसनच्या गोलंदाजीवर षटकार खेचण्याच्या प्रयत्नात अबु जायेदने सीमारेषेवर त्याचा झेल पकडला. मयांकने ३३० चेंडूचा सामना करत २४३ धावा केल्या, त्याच्या या खेळीत २८ चौकार आणि ८ षटकारांचा समावेश आहे. दरम्यान मयांकने कसोटी क्रिकेटमध्ये आपल्या सर्वोत्तम धावसंख्येचीही नोंद केली आहे.