भारत आणि बांगलादेश संघांत तिसरा एकदिवसीय सामना खेळला जात आहे. या सामन्यात भारतीय संघाने प्रथम फलंदाजी करताना, ८ बाद ४०९ धावा केल्या आहेत. त्याचबरोबर बांगलादेश संघाला विजयसाठी ४१० धावांचे लक्ष्य दिले आहे. या सामन्यात विराटने शतक आणि इशानने द्विशतक झळकावून डावात महत्वाची भूमिका निभावली. तसेच विराट कोहलीने शतक झळकावून अनेक विक्रम मोडीत काढले आहेत.

बांगलादेश विरुद्धच्या तिसऱ्या वनडे सामन्यात विराटने ९१ चेंडूचा सामना करताना, ११ चौकार आणि २ षटकार लगावत ११३ धावा केल्या. कोहलीने ४० महिन्यांच्या प्रदीर्घ प्रतिक्षेनंतर एकदिवसीय क्रिकेटमध्ये शतक झळकावले आहे. या शतकी खेळीसह कोहलीने अनेक विक्रम आपल्या नावावर केले. विराट कोहलीचे हे वनडे कारकिर्दीतील ४४ वे शतक झळकावले आहे. त्याचबरोबर कोहली सध्या सक्रिय असलेल्या क्रिकेटपटूंमध्ये सर्वाधिक शतके झळकावणार खेळाडू आहे.

आणखी वाचा
Virat Kohli chanted om namah shivay Gautam Gambhir listened Hanuman Chalisa
कोहलीने कोणत्या सीरिजमध्ये प्रत्येक चेंडूपूर्वी ओम नम: शिवाय म्हटलं? गंभीरसाठी हनुमान चालिसा कशी ठरली किमयागार?
What Sharad Pawar Said About Ladki Bahin Yojana
Sharad Pawar : “लाडकी बहीण योजनेमुळे महायुतीचं राज्य…
How Divya Deshmukh Wins with Match Winning Move in Just 17 seconds left on clock in Chess Olympiad
Chess Olympiad 2024: १७ सेकंद शिल्लक असताना दिव्या देशमुखने कशी मारली बाजी? निसटलेल्या सामन्यात अनपेक्षित चाल खेळून मिळवला विजय
Pratham Singh Scores Maiden Duleep Trophy Century for India A vs India D Match
Duleep Trophy 2024: शुबमन गिलच्या जागी आलेल्या ३२ वर्षीय बदली खेळाडूने झळकावले दुलीप ट्रॉफीतील पहिले शतक, जाणून घ्या कोण आहे?
Mitchell Starc on Virat Kohli about IND vs AUS Test Series
‘मला त्याच्याविरुद्ध खेळताना…’, मिचेल स्टार्कचे विराटबरोबरच्या स्पर्धेबाबत मोठे वक्तव्य; म्हणाला, ‘आमच्या दोघात…’
png jewellers ipo analysis
पीएनजी ज्वेलर्सच्या ‘आयपीओ’त शेवटच्या दिवशी ५९.४१ पट भरणा
ENG vs SL Joe Root sixth highest run scorer in Test cricket
ENG vs SL Test : जो रुटने कुमार संगकाराला मागे टाकत केला मोठा पराक्रम, ‘ही’ कामगिरी करणारा ठरला जगातील सहावा खेळाडू
Musheer Khan Century in India b vs India a
Duleep Trophy 2024: मुशीर खानचे दुलीप ट्रॉफीमध्ये शानदार शतक, भाऊ सर्फराज खानच्या प्रतिक्रियेने वेधले लक्ष, पाहा VIDEO

सक्रिय खेळाडूंमध्ये सर्वाधिक आंतरराष्ट्रीय शतके झळकावणारे खेळाडू:

विराट कोहली – ७२
जो रूट – ४४
डेव्हिड वॉर्नर – ४४
स्टीव्ह स्मिथ – ४१
रोहित शर्मा – ४१

रिकी पाँटिंगला टाकले मागे –

आंतरराष्ट्रीय क्रिकेटमध्ये सर्वाधिक शतके झळकावण्याच्या बाबतीत कोहलीने रिकी पाँटिंगला मागे टाकले आहे. हे त्याचे ७२ वे आंतरराष्ट्रीय शतक आहे, तर पाँटिंगच्या नावावर ७१ शतके आहेत. कोहलीने हा पराक्रम आपल्या ५३६व्या डावात केला आहे.

सचिन तेंडुलकरलाही टाकले मागे –

कोहलीने एकदिवसीय क्रिकेटमध्ये सर्वात जलद ४४ शतके करण्याचा सचिन तेंडुलकरचा विक्रम मोडला आहे. सचिनने ४१८ डावांमध्ये ४४ एकदिवसीय शतके पूर्ण केली होती, तर कोहलीने यासाठी केवळ २५६ डाव घेतले आहेत. या फॉरमॅटमध्ये शतकांच्या बाबतीत फक्त तेंडुलकर (४९ शतके) कोहलीच्या पुढे आहे.

धोनी-रोहित आणि राहुलचा विक्रम मोडला –

कोहलीने बांगलादेशच्या भूमीवर १००० एकदिवसीय धावा देखील पूर्ण केल्या आहेत. तसेच असे करणारा तो पहिला भारतीय क्रिकेटपटू ठरला. यासह कोहलीने एमएस धोनी, रोहित शर्मा आणि राहुल द्रविड यांचा सर्वाधिक देशांत १००० किंवा त्याहून अधिक धावा करण्याचा विक्रम मोडला. बांगलादेश हा चौथा देश आहे जिथे कोहलीने एकदिवसीय सामन्यात १००० धावा केल्या आहेत. धोनी-रोहित आणि राहुल यांनी तीन देशांमध्ये १००० वनडे धावा केल्या आहेत.

हेही वाचा – IND vs BAN 3rd ODI: विराट कोहलीने शतक झळकावत रिकी पॉंटिंगचा ‘हा’ विक्रम काढला मोडीत

आंतरराष्ट्रीय क्रिकेटमध्ये सर्वाधिक शतके करणारे फलंदाज –

१०० – सचिन तेंडुलकर (भारत)
७२ – विराट कोहली (भारत)
७१ – रिकी पाँटिंग (ऑस्ट्रेलिया)
६३ – कुमार संगकारा (श्रीलंका)
६२ – जॅक कॅलिस (दक्षिण आफ्रिका)