IND vs BAN Virat Kohli hilarious dig At Shakib Al Hasan video viral : टीम इंडियाचा दिग्गज विराट कोहली बांगलादेशविरुद्धच्या पहिल्या कसोटी सामन्यात फलंदाजीत विशेष काही करू शकला नाही. पहिल्या डावात त्याने केवळ ६ धावा केल्या, तर दुसऱ्या डावात त्याला केवळ १७ धावा करता आल्या. अर्थात विराट कोहली फलंदाजीत काही विशेष करू शकला नाही, पण असे असूनही सोशल मीडियावर तो चर्चेत आहे. विराट कोहलीचा एक व्हिडीओ सोशल मीडियावर मोठ्या प्रमाणात व्हायरल होत आहे. या व्हिडीओमध्ये विराट कोहली बांगलादेशचा अष्टपैलू खेळाडू शकीब अल हसनसोबत मजा करताना दिसत आहे.
विराट-शकीबचा व्हिडीओ व्हायरल –
विराट कोहली आऊट होण्यापूर्वी शुबमन गिलसोबत बॅटींग करत असताना नॉन स्ट्राइक एंडला त्याने शकीबसोबत मस्ती केली. चेन्नई कसोटीचा दुसरा दिवस संपण्यापूर्वी शकीब आणि मेहदी हसन मिराज बांगलादेशसाठी दोन्ही बाजूंनी फिरकीने सतत आक्रमण करत होते. विराट कोहलीला फिरकी गोलंदाजाने आऊट केले, पण यादरम्यान त्याला काहीतरी जाणवलं की, ज्यामुळे तो स्वतः रोखू शकला नाही आणि त्याने शकीब अल हसनला एक मजेशीर प्रश्न विचारला, ज्याचा व्हिडीओ सोशल मीडियावर व्हायरल झाला आहे.
विराटने शकीबला विचारला मजेशीर प्रश्न –
शकीब अल हसन चेन्नईच्या खेळपट्टीवर वारंवार फुल लेन्थ चेंडू टाकून भारतीय फलंदाजाला अडचणीत आणण्याचा प्रयत्न करत होता. यानंतर जेव्हा शाकिब क्षेत्ररक्षण करत होता, तेव्हा विराटने त्याला विचारले की तू मली बनत आहेस का? पण शकीबला विराटचा प्रश्न समजला नाही. यानंतर विराट त्याला म्हणतो की, तू मलिंगा बनला आहेस, यॉर्करवर यॉर्कर टाकत आहेस. त्यानंतर दोघेही हसू लागतात. अशा प्रकारचे विराट कोहलीचे मजेशीर संभाषण स्टंप माईकमध्ये कैद झाले आहे. जे व्हायरल झाल्याने चाहत्यांनी प्रचंड आवडत आहे.
हेही वाचा – IND vs BAN : ‘चुकीच्या प्रकारातून निवृत्त झालास…’, चेन्नई कसोटीत अपयशी ठरल्यावर रोहित शर्मा होतोय ट्रोल
टीम इंडियाच्या दुसऱ्या डावात कर्णधार रोहित शर्मानंतर यशस्वी जैस्वाल आणि विराट कोहलीच्या रूपाने भारतीय संघाला दोन मोठे धक्के बसले. दुसऱ्या दिवसाचा खेळ संपेपर्यंत भारतीय संघाने ३०८ धावांची आघाडी मिळवली होती. याशिवाय भारतीय संघाची धावसंख्या २३ षटकानंतर ३ बाद ८० धावा आहे. आता शुबमन गिल ६४ चेंडूत ३३ धावांवर आणि ऋषभ पंत १३ चेंडूत १२ धावांवर नाबाद आहे.
