India vs Bangladesh 2nd Test Day 1 Rohit Sharma Reaction Viral Video: भारत वि बांगलादेशमधील दुसऱ्या कसोटीच्या पहिल्या दिवशी लंच ब्रेकपर्यंत बांगलादेशने दोन विकेट्स गमावत ७४ धावा केल्या आहेत. रोहित शर्माने नाणेफेक जिंकत प्रथम गोलंदाजी करण्याचा निर्णय घेतला. यानंतर जसप्रीत बुमराह आणि मोहम्मद सिराजने भारताकडून गोलंदाजीला सुरूवात केली. पण भारताला सुरूवातीला विकेट मिळाली नाही. त्यानंतर आलेल्या तिसऱ्या वेगवान गोलंदाजाने म्हणजेच आकाशदीपने भेदक गोलंदाजी करत विकेट मिळवून दिली. या विकेटनंतर रोहित शर्माच्या प्रतिक्रियेचा व्हीडिओ व्हायरल होत आहे.
कानपूरमध्ये पावसामुळे सामना थोडा उशिरा सुरू झाला. नाणेफेक झाल्यावर कर्णधार रोहित शर्माने प्रथम गोलंदाजी करण्याचा निर्णय घेतला. भारताने नाणेफेक जिंकली तर ते प्रथम फलंदाजी करतील असे मानले जात होते, पण रोहितचा विचार वेगळा होता. कदाचित ढगाळ वातावरणामुळे, त्याने प्रथम गोलंदाजी घेतली आणि संघात तीन वेगवान गोलंदाजांचा समावेश केला.
IND vs BAN: आकाशदीपच्या पहिल्याच षटकात विकेट
सामन्याची आठ षटके झाली होती. जसप्रीत बुमराह आणि मोहम्मद सिराज गोलंदाजी करत होते. दरम्यान, कर्णधार रोहितने आकाश दीपकडे चेंडू सोपवला. दरम्यान, आकाशने त्याच्या पहिल्याच षटकात झाकीर हसनला बाद केले. झाकीरने २४ चेंडू खेळले होते, मात्र त्यानंतरही तो आपले खाते उघडू शकला नाही. म्हणजे बुमराह आणि सिराज जे करू शकले नाहीत, ते आकाशने पहिल्याच षटकात करून दाखवले. यानंतर शादमान इस्लाम चांगली फलंदाजी करत होता. आकाशदीपच्या गोलंदाजीवर यशस्वीने आश्चर्यचकित करणारा झेल टिपत भारताला पहिली विकेट मिळवून दिली.
पहिल्या विकेटनंतर आकाशदीप त्याच्या स्पेलमधील तिसरे षटक टाकण्यासाठी आला. षटकातील पहिल्याच चेंडूवर चेंडू शादमान इस्मालच्या पॅडला लागला. पंचाकडे अपील करण्यात आले, पण त्याला पंचांनी बाद घोषित केले नाही. आकाश दीपला फलंदाज बाद झाल्याची खात्री होती, त्यामुळे त्याने कर्णधार रोहितला डीआरएस घेण्यास सांगितले. ऋषभ पंत, रोहित शर्मा आणि आकाशदीप यांनी मिळून अखेरची दोन सेकंद असताना रिव्ह्यू घेतला आणि डीआरएस घेतला असता इस्माल आऊट असल्याचे दिसले. यावरूनच आकाश दीपचा अंदाज अगदी बरोबर निघाला.
हेही वाचा – SL vs NZ: ८ कसोटी, ८ अर्धशतकं; कामिंदू मेंडिसने रचला विश्वविक्रम, ही कामगिरी करणारा ठरला जगातील पहिला खेळाडू
पण सुरूवातील बॉल ट्रॅकिंग होत असताना चेंडू स्टंपच्या वरून जात असल्याचे दिसले हे पाहताच रोहित निराश झाला होता. पण बॉल ट्रॅकिंगनंतर आऊट झाल्याचे दिसताच रोहित शर्माने आश्चर्यचकित झाल्याची प्रतिक्रिया दिली. रोहित शर्माच्या या प्रतिक्रियेने निर्णयाचा अंदाज भारताच्या बाजूने लागेल अशी आशा कमी होती, पण आकाशदीपला विश्वास होता आणि तोच खरा ठरला. ही विकेट मिळाल्यानंतर भारतीय खेळाडूंच्या प्रतिक्रियेचा व्हीडिओ व्हायरल होत आहे.
