IND vs ENG 1st ODI : मोहम्मद शमीची राशिद खान आणि स्टार्कच्या क्लबमध्ये एंट्री; अजित आगरकरलाही सोडले मागे

आजच्या सामन्यात इंग्लंडचा कर्णधार जोस बटलर शमीचा १५०वा बळी ठरला. शमीने ८० एकदिवसीय सामने खेळत १५० बळींचा टप्पा गाठला. या कामगिरीमुळे त्याने माजी भारतीय गोलंदाज अजित आगरकरचा विक्रम मोडला आहे. अजित आगरकरने ९७ एकदिवसीय सामन्यांमध्ये १५० बळी घेतले होते.

जागतिक क्रिकेटचा विचार केला तर, एकदिवसीय क्रिकेटमध्ये १५० बळींचा टप्पा पार करून शमीने अफगाणिस्तानच्या राशीद खानची बरोबरी केली आहे. ऑस्ट्रेलियाच्या मिचेल स्टार्कने ७७ सामने आणि सकलेन मुश्ताकने ७८ सामन्यांमध्ये अशी कामगिरी केलेली आहे.

रविचंद्रन अश्विनची केली बरोबरी

इंग्लंड विरुद्धच्या पहिल्या सामन्यात मोहम्मद शमीने सात षटके गोलंदाजी केली. त्यात त्याने ३१ धावा देऊन ती बळी घेतले. त्यामुळे त्याला आजच्या सामन्यात १५० धावांचा टप्पा पार करता आला. तो दीडशे एकदिवसीय बळी घेणारा भारताचा १४वा गोलंदाज ठरला आहे. याबाबत त्याने विकेट्सच्या रविचंद्रन अश्विनची (१५१ बळी) बरोबरी केली आहे.