India vs England t20 : कसोटी मालिका पार पडल्यानंतर भारत आणि इंग्लंड आता टी २० सामन्यांमध्ये आपापली क्षमता सिद्ध करण्यासाठी जोर लावणार आहे. दोन्ही संघांदरम्यान तीन सामन्याची टी २० मालिका सुरू झाली आहे. या मालिकेतील पहिला सामना साउथॅम्प्टनमधील ‘द रोज बाऊल’ स्टेडियममध्ये पार पडला. ५० धावांनी भारताने हा सामना जिंकला. परिणामी भारताला तीन सामन्यांच्या मालिकेत १-० अशी आघाडी मिळाली आहे. निर्धारित २० षटकांमध्ये भारताने आठ बाद १९८ धावा केल्या होत्या. त्याला प्रत्युत्तर म्हणून इंग्लंडला सर्वबाद १४८ धावांपर्यंत मजल मारता आली.
England vs India 1st T20 Live Update : भारत आणि इंग्लंड यांच्यातील पहिल्या टी २० सामन्याबद्दल सर्व ताजी माहिती
भारताने दिलेले १९९ धावांचे लक्ष्य पार करण्यात इंग्लंडला अपयश आले आहे. इंग्लंडचा सर्वसंघ १९.३ षटकांमध्येच गारद झाला.
आपला पहिलाच आंतरराष्ट्रीय टी २० सामना खेळणाऱ्या अर्शदीप सिंगला पदार्पणाच्या सामन्यात बळी मिळाला. त्याने रीस टॉपलीला बाद केले.
टायमल मिल्सच्या रुपात इंग्लंडचा आठवा फलंदाज बाद झाला. हर्षल पटेलने त्याला तंबूचा रस्ता दाखवला.
हार्दिक पंड्याचा चेंडू फटकावण्याच्या नादात सॅम कुरेन चार धावा करून बाद झाला. इंग्लंडची अवस्था सात बाद १०६ अशी झाली आहे.
खेळपट्टीवर जम बसवण्याच्या प्रयत्नात असलेल्या मोईल अलीला युझवेंद्र चहलने त्रिफळाचित केले. इंग्लंडची अवस्था सहा बाद १०० अशी झाली आहे.
हॅरी ब्रूकच्या रुपात इंग्लंडचा पाचवा गडी बाद झाला आहे. युझवेंद्र चहलच्या चेंडूवर सुर्यकुमार यादवने त्याचा अप्रतिम झेल टिपला.
सुरुवातीचे चार फलंदाज झटपट बाद झाल्याने मोईन अली आणि हॅरी ब्रूक इंग्लंडचा डाव सावरण्याचा प्रयत्न करत आहेत.
१९९ धावांचा पाठलाग करण्यासाठी उतरलेल्या इंग्लंडने १० षटकांमध्ये चार बाद ७२ धावा केल्या आहेत.
हॅरी ब्रुकला जीवदान १६ धावांवर असताना जीवदान मिळाले. यष्टीरक्षक दिनेश कार्तिककडून त्याचा झेल सुटला.
जेसन रॉय १६ चेंडूत अवघ्या चार धावा करून माघारी परतला आहे. इंग्लंडची अवस्था चार बाद ३३ अशी झाली आहे.
बँटिंग पावप्लेमध्ये इंग्लंडने तीन गडी गमवाले आहेत. हार्दिक पंड्याला एकाच षटकामध्ये दोन बळी मिळाले. लियाम लिव्हिंगस्टोन शून्यावर बाद झाला.
डेव्हिड मिलानच्या रुपात इंग्लंडचा दुसरा गडी बाद झाला. हार्दिक पंड्याच्या चेंडूवर तो बाद झाला. इंग्लंडच्या दोन बाद २७ धावा झाल्या आहेत.
पहिल्या चार षटकांमध्ये इंग्लंडने एक बाद २३ धावा केल्या आहेत. अर्शदीप सिंगच्या षटकामध्ये सलग दोन चौकार मारण्यात आले.
जोस बटलर पहिल्याच षटकात बाद झाल्यानंतर इंग्लंडने सावध पवित्रा घेतला आहे. रॉय आणि डेव्हिड मलान संथ खेळत आहेत.
भुवनेश्वर कुमारने इंग्लंडला पहिला झटका दिला. कर्णधार जोस बटलर शून्यावर बाद झाला.
भारताने दिलेले १९९धावांचे आव्हान पार करण्यासाठी इंग्लंडचे सलामीवीर मैदानात उतरले आहेत. कर्णधार जोस बटलर आणि जेसन रॉय यांनी डावाची सुरुवात केली.
निर्धारित २० षटकांमध्ये भारताने आठ बाद १९८ धावा केल्या. त्यामुळे इंग्लंडला विजयासाठी १९९ धावा कराव्या लागणार आहेत.
चोरटी धाव काढण्याच्या नादात हर्षल पटेल धावबाद झाला.
धडाकेबाज फलंदाजीसाठी ओळखला जाणारा दिनेश कार्तिक ११ धावा करून बाद झाला.
हार्दिक पंड्या अर्धशतक करून बाद झाला. त्याने ३३ चेंडूत ५१ धावा केल्या.
हार्दिक पंड्याने ३० चेंडूंमध्ये शानदार अर्धशतक पूर्ण केले. हे त्याच्या आंतरराष्ट्रीय टी २० कारकिर्दीतील पहिलेच अर्धशतक ठरले आहे.
अक्षर पटेल १७ धावा करून बाद झाला. जेसन रॉयने त्याचा अप्रतिम झेल घेतला. भारताच्या पाच बाद १७१ धावा झाल्या आहेत.
१५ षटकांमध्ये भारताच्या चार बाद १५७ धावा झाल्या आहेत. अशीच फटकेबाजी सुरू राहिली तर निर्धारित २० षटकांमध्ये भारत दोनशेपेक्षा जास्त धावा करू शकेल.
१३ षटकात लिव्हींगस्टोनच्या गोलांदाजीवर भारतीय फलंदाजांनी तीन चौकार लगावले.
सुर्यकुमार यादव १९ चेंडूमध्ये ३९ धावा करून बाद झाला. भारताने ११.४ षटकांमध्ये चार बाद १२६ धावा केल्या आहेत.
भारतीय फलंदाजांनी चौफेर फटकेबाजी करत दहा षटकांमध्ये धावफलक शंभरीपार नेला आहे.
दीपक हुडाच्या रुपात भारताचा तिसरा गडी बाद झाला. क्रिस जॉर्डनच्या चेंडूवर तो झेलबाद झाला. त्याने १७ चेंडूंमध्ये झटपट ३३ धावा केल्या. त्यामध्ये तीन चौकार आणि दोन षटकारांचा समावेश आहे.
भारतीय फलंदाजांनी फटकेबाजी करत सात षटकांमध्ये धावफलक दोन बाद ७५ धावांपर्यंत आणला आहे.
पहिल्या पाच षटकांमध्ये भारताच्या दोन बाद ५० धावा झाल्या. सुर्यकुमार यादव आणि दीपक हुडा मैदानावरती फलंदाजी करत आहेत.
सलामीवीर ईशान किशन आठ धावा करून बाद झाला. मोईन अलीच्या गोलंदाजीवर पार्किंसनने त्याचा झेल घेतला.
