Ind vs Eng 1st T20 Highlights : भारतीय गोलंदाजांसमोर यजमानांचे लोटांगण; पहिला सामना जिंकत भारताची मालिकेत आघाडी

दीपक हुडाने मोईन अलीच्या षटकामध्ये सलग दोन षटकार ठोकले.

मोईन अलीच्या गोलंदाजीवर रोहित शर्मा बाद झाला. जोस बटलरने यष्ट्यांमागे त्याचा झेल घेतला. रोहितने १४ चेंडूंमध्ये २४ धावा केल्या.

दुसऱ्या षटकामध्ये भारतीय कर्णधार रोहित शर्माने रीस टॉपली सलग दोन चौकार लगावले.

भारतीय कर्णधार रोहित शर्मा ईशान किशनच्या साथीने सलामीसाठी मैदानात उतरला आहे.

भारतीय संघ – रोहित शर्मा (कर्णधार), ईशान किशन, दीपक हुडा, सुर्यकुमार यादव, हार्दिक पंड्या, दिनेश कार्तिक (यष्टीरक्षक), अक्षर पटेल, हर्षल पटेल, भुवनेश्वर कुमार, अर्शदीप सिंग, युझवेंद्र चहल.

इंग्लंड संघ – जोस बटलर (कर्णधार आणि यष्टीरक्षक), जेसन रॉय, डेव्हिड मलान, मोईन अली, लियाम लिव्हिंगस्टोन, हॅरी ब्रूक, सॅम कुरेन, क्रिस जॉर्डन, टायमल मिल्स, मॅथ्यू पार्किंसन, रीस टॉपली

भारतीय कर्णधार रोहित शर्माने नाणेफेक जिंकून प्रथम फलंदाजी करण्याचा निर्णय घेतला आहे.

आजच्या टी २० सामन्यात अर्शदीप सिंग पदार्पण करत आहे. कर्णधार रोहित शर्माने त्याला कॅप दिली.

भारत आणि इंग्लंड यांच्यातील हा २०वा आंतरराष्ट्रीय टी २० सामना आहे. आतापर्यंत झालेल्या १९ सामन्यांपैकी १० भारताने तर नऊ इंग्लंडने जिंकलेले आहेत.

आयर्लंड दौऱ्यासाठी व्हीव्हीएस लक्ष्मण हे भारतीय संघाचे प्रशिक्षक होते. इंग्लंड विरुद्धच्या पहिल्या टी २० सामन्यातही तेच ही जबाबदारी पार पाडणार आहेत.

भारतीय संघाचा कर्णधार रोहित शर्मा कोविड १९ मधून बरा झाला आहे. इंग्लंडविरुद्ध होत असलेल्या पहिल्या टी २० सामन्यातून तो मैदानावर परत येत आहे.