In;dia vs England t20 Live Updates, 09 July 2022 : भारत आणि इंग्लंड यांच्यात तीन सामन्यांची टी २० मालिका खेळवली जात आहे. या मालिकेतील दुसरा आज (९ जुलै) बर्मिंगहॅम येथील एजबस्टन क्रिकेट स्टेडियमवर झाला. ४९ धावांनी भारताने हा सामना जिंकला आहे. या विजयासह भारताने तीन सामन्यांच्या मालिकेत २-० अशी विजयी आघाडी घेतली आहे. भारताने प्रथम फलंदाजी करून २० षटकांमध्ये आठ बाद १७० धावा केल्या होत्या. त्याला प्रत्त्युत्तर म्हणून इंग्लंडला सर्वबाद २१२ धावांपर्यंतच मजल मारता आली. भारताने मालिकेतील पहिला सामनादेखील ५० धावांच्या मोठ्या फरकाने जिंकलेला आहे.
England vs India 2nd T20 Live Update : भारत विरुद्ध इंग्लंड दुसऱ्या टी २० सामन्याच्या सर्व लाइव्ह अपडेट्स
भारताने इंग्लंडच्या संघाला १२१ धावांमध्ये गुंडाळले. या विजयासह भारताने मालिकेत विजयी आघाडी घेतली आहे.
रिचर्ड ग्लीसनच्या रुपात इंग्लंडचा नववा गडी बाद झाला. भारताचा विजय दृष्टीपथात आला आहे.
इंग्लंडचा आठवा गडी स्वस्तात तंबूत परतला आहे. क्रिस जॉर्डन अवघी एक धाव करून धावबाद झाला.
डाव सावरण्याच्या प्रयत्नात असलेल्या मोईन अलीला हार्दीक पंड्याने माघारी धाडले आहे. अलीने २१ चेंडूत ३५ धावांची खेळी केली.
इंग्लंडचा अष्टपैलू खेळाडू मोईन अलीचा डाव सावरण्याचा प्रयत्न करत आहे. त्याने दोन षटकार ठोकले.
सुरुवातीचे सहा फलंदाज झटपट बाद झाल्यामुळे इंग्लंड बॅकफुटवर गेला आहे. विजयासाठी ४४ चेंडूत १०१ धावा आवश्यक आहेत.
भारतीय गोलंदाजांनी शानदार कामगिरी करत इंग्लंडला संकटात आणले आहे. जसप्रीत बुमराहने सॅम कुरेनच्या रुपात यजमानांना सहावा झटका दिला.
झटपट गडी बाद झाल्यामुळे इंग्लंडचा संघ अडचणीत आला आहे. पहिल्या १० षटकांमध्ये इंग्लंडच्या पाच बाद ५९ धावा झाल्या आहेत.
डेव्हिड मलानच्या रुपात इंग्लंडचा पाचवा गडी बाद झाला. युझवेंद्र चहलच्या गोलंदाजीवर हर्षल पटेलने त्याचा झेल घेतला. इंग्लंडची अवस्था पाच बाद ५५ अशी झाली आहे.
नवव्या षटकामध्ये इंग्लंडचे अर्धशतक धाव फलकावर लागले. मोईन अली (५) आणि डेव्हिड मलान (१७) खेळपट्टीवर आहेत.
यजमानांना हॅरी ब्रुकच्या रुपात चौथा झटका बसला आहे. युझवेंद्र चहलच्या गोलंदाजी सुर्यकुमार यादवने त्याचा झेल टिपला. हॅरीने आठ धावा केल्या.
पावर प्लेमध्ये इंग्लंडने तीन बाद ३६ धावांपर्यंत मजल मारली आहे.
१७१ धावांच्या लक्ष्याचा पाठलाग करण्यासाठी उतरलेल्या यजमानांची सुरुवात चांगली झाली नाही. पहिल्या पाच षटकांमध्ये इंग्लंडच्या तीन बाद २७ धावा झाल्या आहेत.
लियाम लिव्हिंगस्टोनच्या रुपात यजमानांचा तिसरा गडी बाद झाला. जसप्रीत बुमराहने त्याला त्रिफळाचित केले. इंग्लंडची अवस्था तीन बाद २७ अशी झाली आहे.
हार्दिक पंड्याच्या गोलंदाजीवर लिव्हिंगस्टोनला जीवदान मिळाले. युझवेंद्र चहलने त्याचा झेल सोडला.
इंग्लंडचा कर्णधार जोस बटरल चार धावा करून बाद झाला. भुवनेश्वर कुमारच्या गोलंदाजीवर पंतने त्याचा झेल घेतला. इंग्लंडच्या दोन बाद ११ धावा झाल्या आहेत.
भुवनेश्वर कुमारने जेसन रॉयला शून्यावर बाद केले. रोहित शर्माने जेसनचा झेल घेतला.
इंग्लंडच्या फलंदाजीला सुरुवात झाली असून सलामीवीर जोस बटलर आणि जेसन रॉय मैदानात आले आहेत.
भारताने प्रथम फलंदाजी करून २० षटकांमध्ये आठ बाद १७० धावा केल्या आहेत.
फटकेबाजी करण्याच्या नादात हर्षल पटेल बाद झाला. त्यापूर्वी त्याने क्रिस जॉर्डनच्या ७१ मीटर लांबीचा षटकार ठोकला होता. भारताची अवस्था सात बाद १४५ झाली आहे.
भारतीय फलंदाजी ढेपाळली असून दिनेश कार्तिकच्या रुपात भारताचा सहावा गडी बाद झाला. भारताची अवस्था सहा बाद १२२ अशी झाली आहे.
१५ षटकांमध्ये भारताच्या पाच बाद ११५ धावा झाल्या आहेत. दिनेश कार्तिक आणि रविंद्र जडेजा मैदानावरती उपस्थित आहेत.
सुर्यकुमार यादव पाठोपाठ हार्दिक पंड्यादेखील बाद झाला. क्रिस जॉर्डनने त्याला माघारी पाठवले. भारताची अवस्था पाच बाद ८९ अशी झाली आहे.
सुर्यकुमार यादवच्या रुपात भारताचा चौथा गडी बाद झाला आहे. क्रिस जॉर्डनच्या गोलंदाजीवर सॅम कुरेनने त्याचा अप्रतिम झेल टिपला. भारताच्या १० षटकांमध्ये चार बाद ८९ धावा झाल्या आहेत.
सुर्यकुमार यादव आणि हार्दिक पंड्या डाव सावरण्याचा प्रयत्न करत आहेत. दहाव्या षटामध्ये यादवने सलग दोन चौकार लगावले.
इंग्लंडच्या रिचर्ड ग्लीसनने भारताला सलग तिसरा धक्का दिला आहे. ऋषभ पंत २६ धावा करून बाद झाला. भारताची धावसंख्या तीन बाद ६१ अशी आहे.
विराट कोहली एक धाव करून बाद झाला. रिचर्ड ग्लीसनने त्याचा बळी घेतला. आपला पहिलाच सामना खेळणाऱ्या ग्लीसनसाठी ही मोठी कामगिरी ठरली.
भारतीय सलामीवीरांच्या फटकेबाजीमुळे सहव्या षटकामध्ये भारताने अर्धशतक फलकावर लावले आहे.
रोहित शर्माच्या रुपात भारताला पहिला झटका बसला. रिचर्ड ग्लीसनच्या गोलंदाजीवर तो बाद झाला. त्याने २० चेंडूत ३१ धावांची खेळी केली.
भारतीय कर्णधार रोहित शर्माचे टी २० क्रिकेटमधील ३०० चौकार पूर्ण झाले. असे करणारा तो जागतिक क्रिकेटमधील दुसरा फलंदाज ठरला आहे.
