Ind vs Eng 3rd T20 Highlights : यजमानांनी वाचवला व्हाईट वॉश; भारताचा १७ धावांनी पराभव

तिसऱ्या टी २० सामन्यात भारताचा १७ धावांनी पराभव झाला.

भारताला निर्धारित २० षटकांमध्ये ९ बाद १९८ धावांपर्यंत मजल मारता आली. त्यामुळे भारताचा १७ धावांनी पराभव झाला.

शेवटच्या षटकामध्ये भारताला विजयासाठी २१ धावांची आवश्यकता आहे.

सुर्यकुमार यादव बाद झाला आहे. त्याने ५५ चेंडूमध्ये ११७ धावांची शानदार खेली केली. भारताच्या सात बाद १९१ धावा झाल्या आहेत.

सामना रंगतदार स्थितीमध्ये आला आहे. सुर्यकुमार यादव जोरदार फटकेबाजी करत आहे. मोईन अलीच्या षटकामध्ये त्याने चौफेर फटकेबाजी केली.

रविंद्र जडेजाच्या रुपात भारताचा सहावा गडी बाद झाला आहे. जडेजा सात धावा करून ग्लीसनच्या गोलंदाजीवर पायचित झाला.

दिनेश कार्तिकच्या रुपात भारताचा पाचवा गडी बाद झाला आहे. कार्तिक सहा धावा करून बाद झाला.

भारताचा स्फोटक फलंदाज सुर्यकुमार यावदवे शानदार शतक झळकावले आहे. त्याने केवळ ४८ चेंडूंमध्ये शतकी खेळी केली. हे त्याच्या आंतरराष्ट्रीय टी २० कारकिर्दीतील पहिले शतक ठरले.

खेळ पट्टीवर जम बसवलेला श्रेयस अय्यर २८ धावा करून बाद झाला आहे. त्याने यादवसोबत मिळून शतकीय भागीदारी केली.

१५ षटकांमध्ये भारताच्या तीन बाद १५० धावा झाल्या आहेत. सुर्यकुमार यादव (९३) आणि श्रेयस अय्यरने (२८) भारताला पुन्हा फ्रंटफुटवर आणले आहे.

सुर्यकुमार यादव आणि श्रेयस अय्यरने भारताचा डाव सावरला आहे. यादवने शानदार अर्धशतक झळकावले आहे.

सुरुवातीचे तीन गडी झटपट बाद झाल्यानंतर सुर्यकुमार यादव आणि श्रेयस अय्यर डाव सावरण्याचा प्रयत्न करत आहेत. यादवने फटकेबाजी सुरू केली आहे. भारताच्या ९ षटकांमध्ये ७१ धावा झाल्या आहेत.

भारतीय संघाचे अर्धशतक पूर्ण झाले असून सुर्यकुमार यादव आणि श्रेयस अय्यस डाव सावरण्याचा प्रयत्न करत आहेत.

२१६ धावांच्या लक्ष्याचा पाठलाग करणाऱ्या भारताची सुरुवात अजिबात चांगली झाली नाही. कर्णधार रोहित शर्माच्या रुपात भारताचा तिसरा गडी बाद झाला. रोहित ११ धावा करून माघारी गेला.

पहिल्या तीन षटकांमध्ये भारताच्या दोन बाद १४ धावा झाल्या आहेत. ऋषभ पंत आणि विराट कोहली झटपट बाद झाले आहेत.

विराट कोहली फटकेबाजी करण्याच्या नादात बाद झाला. त्याने सहा चेंडूंमध्ये ११ धावा केल्या.

सलामीवीर ऋषभ पंतच्या रुपात भारताला पहिला झटका बसला आहे. पंत एक धाव करून बाद झाला. भारताची अवस्था एक बाद २ धावा अशी झाली आहे.

भारताच्या फलंजीला सुरुवात झाली असून रोहित शर्मा आणि ऋषभ पंतने डावाची सुरुवात केली आहे.

२० षटकांमध्ये इंग्लंडच्या सात बाद २१५ धावा झाल्या आहेत. भारताला विजयासाठी २१६ धावांची आवश्यकता असेल.

हॅरी ब्रुकच्या रुपात इंग्लंडचा सहवा गडी माघारी गेला. हर्षल पटेलच्या गोलंदाजीवर रवी बिश्नोईने त्याचा झेल घेतला.

१८ षटकांमध्ये इंग्लंडच्या पाच बाद १९० धावा झाल्या आहेत. लिव्हिंगस्टोन अर्धशतकाच्या उंबरठ्यावर आहे.

इंग्लंडचा मोईन अली शून्यावर बाद झाला. रवी बिश्नोईने यजमानांचा पाचवा गडी बाद केला. एकाच षटकात रवीचा हा दुसरा बळी ठरला.

डेव्हिड मलानच्या रुपात इंग्लंडचा चौथा गडी बाद झाला. मलानने ३९ चेंडूंत ७७ धावांची शानदार खेळी केली.

१५ षटकांमध्ये इंग्लंडच्या तीन बाद १५२ धावा झाल्या आहेत. डेव्हिड मलान ७७ धावांवर पोहचला आहे.

डेव्हिड मलानच्या अर्धशतकाच्या बळावर १३ षटकांमध्ये इंग्लंडच्या तीन बाद १२५ धावा झाल्या आहेत.

डेव्हिड मलानने ३० चेंडूत अर्धशतक पूर्ण केले. हे त्याच्या आंतरराष्ट्रीय टी २० कारकिर्दीतील १२वे अर्धशतक ठरले.

फिलीप साल्टच्या रूपात इंग्लंडला तिसरा झटका बसला आहे. हर्षल पटेलच्या गोलंदाजीवर तो बाद झाला. इंग्लंडच्या तीन बाद ८४ धावा झाल्या आहेत.

डेव्हिड मलानने फटकेबाजी सुरू केली आहे. १२ चेंडूंमध्ये त्याने २२ धावा केल्या आहेत.

आठव्या षटकामध्ये इंग्लंडला दुसरा झटका बसला आहे. वेगवान गोलंदाज उमरान मलिकने जेसन रॉयला २७ धावांवर माघारी धाडले.

पावरप्लेच्या सहा षटकांंमध्ये इंग्लंडच्या एक बाद ५२ धावा झाल्या आहेत.