IND vs ENG : जुरेलच्या शानदार खेळीनंतर वीरेंद्र सेहवागने मीडियाकडे ‘ही’ मागणी केल्याने सर्फराझचे चाहते संतापले

वास्तविक, टीम इंडियाने पहिल्या डावात १७७ धावांमध्ये सात विकेट गमावल्या होत्या, परंतु ध्रुव जुरेलने कुलदीप यादवसह भागीदारी करत भारताची धावसंख्या ३०० धावांच्या पुढे नेण्यात महत्त्वपूर्ण योगदान दिले. यानंतर माजी सलामीवीराने त्याच्या या कामगिरीचे कौतुक केले. याशिवाय जुरेल आणि इतर खेळाडूंचे कौतुक करताना दुटप्पी वृत्ती स्वीकारणाऱ्या लोकांच्या वर्गाला सुनावले.

आणखी वाचा

IND vs AUS : ‘… तो भारतीय क्रिकेट संघासाठी योग्य नाही’, रिकी पॉन्टिंगनंतर टिम पेनने गौतम गंभीरवर साधला निशाणा

Nana Patole : निकालाआधी राजकीय घडामोडींना वेग; यातच…

Suryakumar Yadav : याला म्हणतात देशभक्ती… देशाचा अपमान होताना पाहून सूर्यकुमार यादवने केलं असं काही की, तुम्हीही कराल सलाम, पाहा VIDEO

Ricky Ponting on Gautam Gambhir: “स्वभावच इतका चिडचिडा…”, गौतम गंभीरबाबत रिकी पॉन्टिंगचे मोठे वक्तव्य, विराट कोहलीच्या फॉर्मवरून रंगला वाद

Pat Cummins: पॅट कमिन्स भारताविरुद्धच्या मालिकेची तयारी सोडून कोल्डप्ले कॉन्सर्टला; ऑस्ट्रेलियाच्या विश्रांती देण्याच्या निर्णयावर टीका

IND vs AUS : ‘ते पहिल्याच सामन्यात कळेल…’, गंभीरने पॉन्टिंगची बोलती बंद केल्यानंतर माईक हसीचे मोठे वक्तव्य; म्हणाला, ‘भारताला त्रास होईल…’

Champions Trophy: “भारतीय संघासाठी पाकिस्तान सुरक्षित नाही…”, पाकिस्तानच्या माजी खेळाडूच्या पोस्टने उडाली खळबळ, PCBला दाखवला आरसा

Gautam Gambhir: “पॉन्टिंगचा भारतीय क्रिकेटशी काय संबंध? त्याने तर…”; रोहित-विराटबद्दल केलेल्या वक्तव्यावर गंभीर संतापला

सेहवागच्या पोस्टमुळे सर्फराझचे चाहते नाराज –

सेहवागने ज्युरेलचे कौतुक करणारी पोस्ट केली आणि त्याला सन्मान आणि प्रसिद्धी देण्याची मागणी केली. सेहवागने लिहिले की, “कोणतीही मीडिया प्रसिद्धी नाही, नाटक नाही, कठीण परिस्थितीत शांत राहून फक्त मजबूत कौशल्ये आणि उत्तम स्वभाव दाखवला. त्याबद्दल ध्रुव जुरेलचे खूप अभिनंदन.”

सेहवागचे ही पोस्ट सर्फराझ खानच्या चाहत्यांना आवडली नाही. त्यांनी दिग्गज क्रिकेटपटूला यावरुन ट्रोल करण्यास सुरुवात केली. वास्तविक, सर्फराझने पदार्पणाच्या कसोटीत अर्धशतकी खेळी केली होती. या काळात मीडियामध्ये त्याचे खूप कौतुक झाले. या अनुभवी क्रिकेटपटूला युवा फलंदाजाची स्तुती पचवता आली नाही, असे चाहत्यांचे मत आहे.

सोशल मीडियावर झालेल्या गदारोळानंतर सेहवागने आणखी एका ट्विटमध्ये स्पष्ट केले की, त्याने कोणालाही कमी लेखण्यासाठी किंवा अपमान करण्यासाठी पोस्ट केली नाही. सन्मान आणि प्रसिद्धी ही कामगिरीवर आधारित असावी असे त्याला वाटते. त्याने लिहिले, “मला कोणालाही कमी लेखायचे नाही, परंतु सन्मान आणि प्रसिद्धी कामगिरीच्या जोरावर मिळाली पाहिजे आणि सर्वांसाठी समान असली पाहिजे. काहींनी चमकदार गोलंदाजी केली, काहींनी असाधारण फलंदाजी केली. परंतु त्यांना योग्य सन्मान मिळाला नाही, जो त्यांना मिळायला हवा होता. आकाश दीपची कामगिरी उत्कृष्ट होती. यशस्वी संपूर्णपणे मालिकेत जबरदस्त कामगिरी राहिली आहे. राजकोटमध्ये सर्फराझ आणि ध्रुव जुरेल यांनी त्यांच्या सर्व संधींमध्ये चमकदार कामगिरी केली. त्यामुळे प्रसिद्धी सर्वांना समान मिळाली पाहिजे.”