Yashasvi Jaiswal’s chance to create history : भारत आणि इंग्लंड यांच्यातील कसोटी मालिकेतील पाचवा आणि शेवटचा सामना ७ मार्चपासून (गुरुवार) धरमशाला येथे खेळवला जाणार आहे. रोहित शर्माच्या नेतृत्वाखालील भारतीय संघाने या मालिकेत आधीच ३-१ अशी अभेद्य आघाडी घेतली आहे. आता हा सामना जिंकून मालिका ४-१ अशी जिंकण्याचा त्याचा प्रयत्न असेल. या सामन्यात यशस्वी जैस्वालकडे इतिहास रचण्याबरोबर अनेक विक्रम मोडण्याची संधी आहे.

२२ वर्षीय यशस्वीने विझाग (विशाखापट्टणम) कसोटी सामन्यात २०९ धावांची इनिंग खेळली होती. त्यानंतर राजकोट कसोटीतही या युवा फलंदाजाने भारताच्या दुसऱ्या डावात २१४ धावा केल्या होत्या. यानंतर यशस्वीने रांची कसोटी सामन्यातही दमदार कामगिरी केली. यशस्वी जैस्वालने आतापर्यंत इंग्लंडविरुद्धच्या चालू कसोटी मालिकेत आठ डावात ९३.५७ च्या सरासरीने ६५५ धावा केल्या आहेत, ज्यात दोन द्विशतके आणि दोन अर्धशतकांचा समावेश आहे. या कालावधीत, यशस्वीचा स्ट्राइक-रेट ७८.६३ राहिला आहे. यशस्वीने सध्याच्या मालिकेत ६३ चौकार आणि २३ षटकार मारले आहेत.

आणखी वाचा
Rohit Sharma to miss first Test against Australia Jasprit Bumrah to captain in Perth Devdutt Padikkal will be added in Team
IND vs AUS: रोहित शर्मा पहिल्या कसोटीतून बाहेर, BCCIला दिली माहिती; त्याच्या जागी ‘या’ खेळाडूला संघात स्थान मिळणार
Eknath Shinde on Ladki Bahin Yojana Sixth installment
महायुतीला सत्ता मिळाली, लाडक्या बहिणींना २१०० रुपये कधीपासून…
Harbhajan Singh believes India has a 50-50 chance of retaining the Border-Gavaskar Trophy in Australia
Harbhajan Singh : ‘जर सुरुवात चांगली झाली नाही तर…’, हरभजन सिंगचे पर्थ कसोटीपूर्वी मोठं वक्तव्य; म्हणाला, ‘पहिलाच सामना खूप…’
KL Rahul returns to nets after injury scare ahead BGT
KL Rahul : टीम इंडियासाठी आनंदाची बातमी! पर्थ कसोटी सामन्यापूर्वी ‘हा’ स्टार खेळाडू दुखापतीतून सावरला
Shubman Gill ruled out of first Test match in Perth because of fractured thumb IND vs AUS Border Gavaskar Trophy
IND vs AUS: शुबमन गिल ऑस्ट्रेलियाविरूद्ध पहिल्या कसोटीतून बाहेर, टीम इंडियाच्या अडचणी वाढल्या, ‘हा’ खेळाडू करणार पदार्पण?
India Scored 2nd Highest T20 Total of 283 Runs Tilak Varma and Sanju Samson Scored Individual Centuries with Record Breaking Partnership IND vs SA
IND vs SA: टीम इंडियाचा धावांचा पर्वत, संजू-तिलकची शतकं आणि विक्रमी भागीदारी
india vs south africa 3rd t20I match india eye batting revival against sa at centurion
भारतीय फलंदाजांकडे लक्ष; दक्षिण आफ्रिकेविरुद्ध तिसरा ट्वेन्टी२० सामना आज; सूर्यकुमार, पंड्याकडून अपेक्षा

यशस्वीला विराटला मागे टाकण्याची संधी –

यशस्वी जैस्वालने धर्मशाला कसोटी सामन्यात ९८ धावा केल्या, तर तो भारत आणि इंग्लंड यांच्यातील कसोटी मालिकेत सर्वाधिक धावा करणारा फलंदाज देखील बनेल. सध्या हा विक्रम इंग्लंडचा फलंदाज दिग्गज ग्रॅहम गूचच्या नावावर आहे, ज्यांनी १९९० च्या कसोटी मालिकेत ७५२ धावा केल्या होत्या. त्याचबरोबर जैस्वालने या सामन्यात एक धाव घेताच, तो विराट कोहलीला मागे टाकेल.

हेही वाचा – IRE vs AFG : आयर्लंडचा पहिलावहिला कसोटी विजय; अफगाणिस्तानवर ६ विकेट्सनी मात

भारत-इंग्लंड कसोटी मालिकेत सर्वाधिक धावा करणारे फलंदाज –

१. ग्रॅहम गूच (१९९०) – ३ सामने, ७५२ धावा, ३ शतके
२. जो रूट (२०२१-२२) – ५ सामने, ७३७ धावा, ४ शतके
३. यशस्वी जैस्वाल (२०२४) – ४* सामने, ६५५ धावा, २ शतके
४. विराट कोहली (२०१६) – ५ सामने, ६५५ धावा, २ शतके
५. मायकेल वॉन (२००२) – ४ सामने, ६१५ धावा, ३ शतके

यशस्वीकडे गावसकरांचा ५३ वर्ष जुना विक्रम मोडण्याची संधी –

यशस्वी जैस्वाललाही माजी भारतीय कर्णधार सुनील गावसकर यांचा ५३ वर्ष जुना विक्रम मोडण्याची संधी आहे. सुनील गावसकर हे भारतीय फलंदाज आहेत, ज्यांनी कसोटी मालिकेत सर्वाधिक ७७४ धावा केल्या आहेत. म्हणजेच यशस्वीने धरमशाला कसोटी सामन्यात १२० धावा केल्या, तर तो गावसकरांना मागे टाकून कोणत्याही कसोटी मालिकेत सर्वाधिक धावा करणारा भारतीय फलंदाज ठरेल.सुनील गावसकरांनी १९७१ साली वेस्ट इंडिजविरुद्धच्या पदार्पणाच्या कसोटी मालिकेत संस्मरणीय कामगिरी केली होती. त्यानंतर गावसकरांनी ४ कसोटी सामन्यांमध्ये विक्रमी ७७४ धावा (४ शतके आणि ३ अर्धशतकांसह द्विशतक) केल्या होत्या. या काळात गावसकरांची सरासरी १५४.८० होती.

हेही वाचा – Kapil Dev : “काही लोकांना त्रास होईल, परंतु देशापेक्षा कोणीही…”, कपिल देव यांनी बीसीसीआयच्या ‘त्या’ निर्णयाचे केले स्वागत

कसोटी मालिकेत सर्वाधिक धावा करणारे भारतीय फलंदाज –

सुनील गावसकर विरुद्ध वेस्ट इंडिज (१९७१) – ४ सामने, ७७४ धावा, १५४.८० सरासरी, ४ शतके
सुनील गावसकर विरुद्ध वेस्ट इंडिज (१९७८-७९) – ६ सामने, ७३२ धावा, ९१.५० सरासरी, ४ शतके
विराट कोहली विरुद्ध ऑस्ट्रेलिया (२०१४-१५) – ४ सामने, ६९२ धावा, ८६.५० सरासरी, ४ शतके
विराट कोहली विरुद्ध इंग्लंड (२०१६) – ५ सामने, ६५५ धावा, १०९.१६ सरासरी, २ शतके
दिलीप सरदेसाई विरुद्ध वेस्ट इंडीज (१९७१) – ५ सामने, ६४२ धावा, ८०.२५ सरासरी, ३ शतके
यशस्वी जैस्वाल विरुद्ध इंग्लंड (२०२४) – ४* सामने, ६५५* धावा, ९३.५७ सरासरी, २ शतके