IND vs ENG 5th Test : चेतेश्वर पुजाराच्या नावे झाली ‘नको त्या’ विक्रमाची नोंद

जेम्स अँडरसनला इंग्लंडच्या कसोटी क्रिकेटमधील सर्वात महत्त्वाचा गोलंदाज मानले जाते. वेळोवेळी त्याने आपले महत्त्व सिद्धही केले आहे. सध्या सुरू असलेल्या भारताविरुद्धच्या कसोटी सामन्यातील पहिल्या दिवशी त्याने अँडरसनने चांगली कामगिरी करत तीन भारतीय फलंदाजांना बाद केले. चेतेश्वर पुजारा हा या सामन्यातील त्याचा दुसरा बळी ठरला.

अँडरसनने कसोटी क्रिकेटमध्ये सर्वाधिक वेळा बाद केलेल्या फलंदाजांच्या यादीत पुजारा अव्वल स्थानावर गेला आहे. अँडरसनने पुजाराला १२ वेळा बाद केले. यापूर्वी त्याने ऑस्ट्रेलियन वेगवान गोलंदाज पीटर सीडलला ११ वेळा बाद केले होते. याशिवाय त्याने ऑस्ट्रेलियाचा सलामीवीर डेव्हिड वॉर्नरला १० वेळा, सचिन तेंडुलकर, मायकेल क्लार्क आणि अझहर अली यांना प्रत्येकी नऊ वेळा बाद केले आहे.