IND vs ENG Shubman Gill scores seventh ODI century against England : भारतीय एकदिवसीय संघाचा उपकर्णधार शुबमन गिलने अहमदाबादमध्ये इंग्लंडविरुद्ध शतक झळकावते मोठा पराक्रम केला आहे. त्याने सलग तिसऱ्या सामन्यात ५० हून अधिक धावा करण्याचा पराक्रम केला आहे. यासह तो भारताच्या दिग्गज खेळाडूंच्या एक खास यादीत सामील झाली आहे. त्याचबरोबर तो एकदिवसीय क्रिकेटमध्ये सर्वात जलद २५०० धावा करणारा फलंदाज ठरला आहे. त्याने दक्षिण आफ्रिकेच्या हाशिम आमलाचा ​​विक्रम मोडला, ज्याने ५३ डावांमध्ये हा पराक्रम केला होता.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

टीम इंडियाचा उपकर्णधार शुबमन गिल तीन सामन्यांच्या वनडे मालिकेतील सलग तिसऱ्या सामन्यात अर्धशतक झळकावणारा भारताचा सातवा फलंदाज ठरला आहे. या यादीत पहिल्या स्थानावर के. श्रीकांत आहेत, ज्यानी १९८२ मध्ये श्रीलंकेविरुद्ध ही खास कामगिरी केली होती. या यादीत त्यांच्यानंतर अनुक्रमे दिलीप वेंगसकर, मोहम्मद अझरुद्धीन, महेंद्रसिंग धोनी, श्रेयस अय्यर आणि इशान किशन या खेळाडूंचा समावेश आहे. त्याचबरोबर के. श्रीकांत यांच्यानंतर मायदेशात हा पराक्रम करणारा दुसरा भारतीय खेळाडू ठरला आहे.

नक्की वाचा

भारतासाठी ३ एकदिवसीय द्विपक्षीय मालिकेतील प्रत्येक सामन्यात ५० हून अधिक धावा करणारे खेळाडू :

  • क्रिस श्रीकांत विरुद्ध श्रीलंका १९८२ (मायदेशात)
  • दिलीप वेंगसरकर विरुद्ध श्रीलंका १९८५ (विदेशात)
  • मोहम्मद अझरुद्दीन विरुद्ध श्रीलंका १९९३ (विदेशात)
  • एमएस धोनी विरुद्ध ऑस्ट्रेलिया २०१९ (विदेशात)
  • श्रेयस अय्यर विरुद्ध न्यूझीलंड २०२० (विदेशात)
  • इशान किशन विरुद्ध वेस्ट इंडिज २०२३ (विदेशात)
  • शुभमन गिल विरुद्ध इंग्लंड २०२५ (मायदेशात)
हेही वाचा

बुधवारी गिलला एकदिवसीय सामन्यात २५०० धावा पूर्ण करण्यासाठी २५ धावांची आवश्यकता होती. त्याने इंग्लंडचा वेगवान गोलंदाज गस अ‍ॅटकिन्सनच्या भारतीय डावाच्या १० व्या षटकाच्या पाचव्या चेंडूवर चौकार मारून ही कामगिरी केली. भारत आणि इंग्लंड यांच्यातील सुरू असलेल्या मालिकेत गिल उत्तम फॉर्ममध्ये आहे. ६ फेब्रुवारी रोजी नागपूरच्या विदर्भ क्रिकेट असोसिएशन स्टेडियमवर खेळल्या गेलेल्या मालिकेतील पहिल्या सामन्यात पंजाबच्या या क्रिकेटपटूने ९६ चेंडूत ८७ धावा आणि रविवारी कटकच्या बाराबती स्टेडियमवर खेळल्या गेलेल्या दुसऱ्या एकदिवसीय सामन्यात ५१ चेंडूत ६० धावा केल्या होत्या.