Yashasvi Jaiswal broke Sourav Ganguly’s record 17 years ago : राजकोट कसोटी सामन्याच्या दुसऱ्या डावात ज्या प्रकारची खेळी खेळली त्या खेळीनंतर यशस्वी जैस्वालने सर्वांची मने जिंकली. इंग्लंडविरुद्धच्या दुसऱ्या कसोटी सामन्यात द्विशतक झळकावल्यानंतर यशस्वीने तिसऱ्या कसोटी सामन्याच्या दुसऱ्या डावात या संघाविरुद्ध पुन्हा एकदा नाबाद द्विशतक झळकावले. या खेळीच्या जोरावर त्याने सौरव गांगुलीचा विक्रम मोडला. त्याचबरोबर वसीम अक्रमच्या विक्रमाशी बरोबरी केली.

यशस्वीला पहिल्या मोठी खेळी करता आली नाही, पण दुसऱ्या डावात त्याने नाबाद २१४ धावा केल्या. यादरम्यान त्याने १२ षटकार आणि १४ चौकार मारले. या खेळीच्या जोरावर यशस्वीने सौरव गांगुलीचा १७ वर्ष जुना विक्रम मोडला. जो त्याने पाकिस्तानविरुद्ध केला होता, तर त्याने १२ षटकार मारून वसीम अक्रमच्या विक्रमाशी बरोबरी केली.

आणखी वाचा
maharashtra vidhan sabha election 2024 sudhir mungantiwar vs santosh singh Rawat Ballarpur Assembly constituency
लक्षवेधी लढत : मुनगंटीवार यांच्यासमोर कडवे आव्हान
Manoj Jarange Patil on Kalicharan
‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…
Sanju Samson Tilak Varma Smash World Record in Johannesburg with Fiery Centuries in T20I IND vs SA
IND vs SA: तिलक वर्मा-संजू सॅमसनचे ‘वर्ल्ड रेकॉर्ड’, जोहान्सबर्गमध्ये लावली विक्रमांची चळत; वाचा १० अनोखे विक्रम
Arshdeep Singh Becomes India Most Successful T20I Fast Bowler Surpasses Jasprit Bumrah and Bhuvneshwar Kumar with 92 Wickets IND vs SA
IND vs SA: अर्शदीप सिंगने बुमराह-भुवनेश्वरला मागे टाकत घडवला इतिहास, ‘ही’ कामगिरी करणारा ठरला भारताचा पहिला वेगवान गोलंदाज
Tilak Varma Statement on Maiden T20I Century Flying Kiss Celebration He Said It is For Suryakumar Yadav Gives credit to him IND vs SA
IND vs SA: तिलक वर्माने शतकानंतर कोणाला फ्लाईंग किस दिला? सामन्यानंतर स्वत:च सांगितलं…
Arjun Tendulkar Maiden Five Wicket Haul in First Class Cricket Ranji Trophy Goa vs Arunachal Pradesh
Arjun Tendulkar: अर्जुन तेंडुलकरने पहिल्यांदाच पटकावल्या ५ विकेट्स; रणजी करंडक स्पर्धेत भेदक गोलंदाजी; ८४ धावांवर संघ सर्वबाद
Pankaja Munde At Rally In Parali Beed.
“डोळ्यांसमोर कमळ येईल, पण तुम्ही घड्याळाचेच बटन दाबा…” धनंजय मुंडेंच्या समोरच काय म्हणाल्या पंकजा? पाहा व्हिडिओ
Suryakumar Yadav made big mistake in India lost the second T20I against South Africa
Suryakumar Yadav : कर्णधार सूर्यकुमार यादवची ‘ती’ चूक टीम इंडियाला पडली महागात, यजमानांनी भारताच्या तोंडचा घास हिरावला

यशस्वी जैस्वालने मोडला गांगुलीचा १७ वर्षे जुना विक्रम –

यशस्वी जैस्वालने इंग्लंडविरुद्धच्या ५ सामन्यांच्या कसोटी मालिकेतील पहिल्या तीन सामन्यांमध्ये ५४५ धावा केल्या आहेत. आता भारतासाठी कोणत्याही कसोटी मालिकेत डावखुरा फलंदाज म्हणून सर्वाधिक धावा करणाऱ्या फलंदाजांच्या यादीत तो पहिल्या क्रमांकावर आहे. पण यापूर्वी हा विक्रम माजी कर्णधार सौरव गांगुलीच्या नावावर होता, ज्याने २००७ मध्ये पाकिस्तानविरुद्धच्या कसोटी मालिकेत एकूण ५३४ धावा केल्या होत्या.

हेही वाचा – IND vs ENG : द्विशतकानंतर यशस्वी जैस्वालची विराट-कांबळीच्या विक्रमाशी बरोबरी, गावसकरांच्या क्लबमध्येही मिळवले स्थान

भारतासाठी कसोटी मालिकेत डावखुऱ्या फलंदाजांनी केलेल्या सर्वाधिक धावा –

५४५ धावा- यशस्वी जैस्वाल विरुद्ध इंग्लंड, २०२४ (मायदेशात)
५३४ धावा- सौरव गांगुली विरुद्ध पाकिस्तान, २००७ (मायदेशात)
४६३ धावा- गौतम गंभीर विरुद्ध ऑस्ट्रेलिया, २००८ (मायदेशात)
४४५ धावा गौतम गंभीर विरुद्ध न्यूझीलंड, २००९ (विदेशात)

यशस्वीने अक्रमच्या २८ वर्षे जुन्या विक्रमाशी केली बरोबरी –

यशस्वी जैस्वालने राजकोट कसोटी सामन्याच्या दुसऱ्या डावात इंग्लंडविरुद्ध १२ षटकार ठोकले. आता तो कसोटी क्रिकेटच्या एका डावात सर्वाधिक षटकार मारण्याच्या बाबतीत वसीम अक्रमसह संयुक्तपणे पहिल्या क्रमांकावर विराजमान झाला आहे. वसीम अक्रमने २८ वर्षांपूर्वी १९९६ मध्ये झिम्बाब्वेविरुद्धच्या कसोटी डावात एकूण १२ षटकार मारले होते.

हेही वाचा – Mike Procter : दक्षिण आफ्रिकेच्या महान क्रिकेटपटूचे निधन, वयाच्या ७७ वर्षी घेतला अखेरचा श्वास

एका कसोटी डावात सर्वाधिक षटकार मारण्याचा विक्रम –

१२ षटकार- यशस्वी जैस्वाल विरुद्ध इंग्लंड, राजकोट २०२४
१२ षटकार- वसीम अक्रम विरुद्ध झिम्बाब्वे, शेखुपुरा १९९६
११ षटकार- मॅथ्यू हेडन विरुद्ध झिम्बाब्वे, पर्थ २००३
११ षटकार- नॅथन ॲस्टल विरुद्ध इंग्लंड, क्राइस्टचर्च २००२
११ षटकार- ब्रेंडन मॅक्क्युलम विरुद्ध पाकिस्तान, शारजाह २०१४