IND vs IRE Live Score Updates : भारतीय टी २० संघ सध्या आयर्लंड दौऱ्यावर गेला आहे. भारत आणि यजमान संघात दोन सामन्यांची टी २० मालिका खेळवली जाणार आहे. यातील पहिला सामना आज (२६ जून) डबलिनमधील ‘द व्हिलेज स्टेडियम’वर झाला. हा सामना भारताने सात गडी राखून जिंकला. आयपीएल विजेता कर्णधार हार्दिक पंड्याकडे भारतीय टी २० संघाचे नेतृत्व देण्यात आले होते. कर्णधार पंड्याने नाणेफेक जिंकून प्रथम गोलंदाजी करण्याचा निर्णय घेतला होता. पावसाच्या व्यत्ययामुळे दोन्ही डावांतील ८-८ षटके कमी करण्यात आली होती. यजमान आयर्लंडने हॅरी टेक्टरच्या अर्धशतकाच्या बळावर तीन बाद १०८ धावांपर्यंत मजल मारली होती.
कर्णधार हार्दिक पंड्या बाद २४ धावा करून बाद झाला. जोशुआ लिटिलच्या गोलंदाजीवर तो पायचित झाला.
भारताचा धडाकेबाज फलंदाज सूर्यकुमार यादव शून्यावर बाद झाला. क्रेगने यंगने त्याला बाद केले.
भारताचा सलामीवीर ईशान किशन २६ धावा करून बाद झाला. किशन बाद झाल्यांतर सुर्यकुमार यादव मैदानात आला आहे.
आयर्लंडने दिलेले १०९ धावांचे आव्हान पार करण्यासाठी भारताचे सलामीवर ईशान किशन आणि दीपक हुड्डा मैदानावर दाखल झाले आहेत.
आयर्लंडचा फलंदाज हॅरी टेक्टरने शानदार अर्धशतक पूर्ण केले. त्याने २९ चेंडूत ५० धावांचा टप्पा ओलांडला.
युझवेंद्र चहलने लोर्कन टकरला १८ धावांवर माघारी धाडले. अक्षर पटेलने सीमारेषेजवळ त्याचा झेल टिपला.
आवेश खानच्या गोलंदाजीवर गॅरेथ डेलानी बाद झाला. आयर्लंडची अवस्था तीन २२ अशी झाली आहे.
सलामीवीर पॉल स्टर्लिंग अवघ्या चार धावा करून बाद झाला. भारतीय कर्णधार हार्दिक पंड्याने दीपक हुड्डाकरवी त्याला बाद केले.
कर्णधार अँड्रयू बालबर्नी खातेही न खोलता बाद झाला. भुवनेश्वर कुमारने त्याला बाद केले.
पावसाच्या अडथळ्यानंतर सरतेशेवटी सामन्याला सुरुवात झाली आहे. आयर्लंडची फलंदाजी सुरू झाली आहे.
पावसामुळे भारत आणि आयर्लंड यांच्यातील सामना कमी षटकांचा खेळवला जाणार आहे. दोन्ही बाजूची प्रत्येकी ८-८ षटके कमी करण्यात आली आहेत.
द व्हिलेज क्रिकेट स्टेडियममध्ये पुन्हा पावसाला सुरुवात झाल्यामुळे सामना सुरू होण्यास उशीर झाला आहे. भारताने नाणेफेक जिंकून प्रथम गोलंदाजी करण्याचा निर्णय घेतला आहे.
भारतीय संघ - ईशान किशन, ऋतुराज गायकवाड, सूर्यकुमार यादव, दीपक हुड्डा, हार्दिक पंड्या (कर्णधार), दिनेश कार्तिक, अक्षर पटेल, भुवनेश्वर कुमार, अवेश खान, उमरान मलिक, युझवेंद्र चहल.
आयर्लंड संघ - पॉल स्टर्लिंग, अँड्रयू बालबर्नी (कर्णधार), गॅरेथ डेलानी, हॅरी टेक्टर, लोर्कन टकर (यष्टिरक्षक), अँडी मॅकब्राईन, जॉर्ज डॉकरेल, मार्क अडायर, बॅरी मॅकार्थी, जोशुआ लिटील, कोनोर ऑल्फर्ट
भारतीय कर्णधार हार्दिक पंड्याने नाणेफेक जिंकून प्रथम गोलंदाजी करण्याचा निर्णय घेतला आहे. भारताच्यावतीने उमरान मलिक आजच्या सामन्यात पदार्पण करणार आहे.
https://platform.twitter.com/widgets.js1ST T20I. India won the toss and elected to field. https://t.co/V1IMXtGMbX #irevind
— BCCI (@BCCI) June 26, 2022
भारत आणि आयर्लंड दरम्यान होणाऱ्या पहिल्या टी २० सामन्यावर पावसाचे सावट आहे. पावसामुळे नाणेफेकीला उशीर झाला आहे.
