IND vs NED Warm Up: पावसाने टीम इंडियाच्या सरावावर फिरवले पाणी, इंग्लंडनंतर भारत-नेदरलँड्स यांच्यातील सामनाही रद्द

पावसाने केला चाहत्यांचा हिरमोड

तिरुअनंतपुरममधील भारतीय संघाचा दुसरा सराव सामनाही पावसामुळे रद्द करण्यात आला. गुवाहाटीनंतर इथेही पावसाने चाहत्यांची मने तोडली आहेत. या दोन्ही शहरांतील चाहत्यांना वर्ल्डकपपूर्वी टीम इंडियाला त्यांच्या देशात खेळताना पाहायचे होते, पण तसे झाले नाही. गुवाहाटीमध्ये नाणेफेक शक्य झाली होती, पण तिरुअनंतपुरममध्ये ते ही होऊ शकले नाही. भारतीय संघ ८ ऑक्टोबरला ऑस्ट्रेलियाविरुद्धच्या सामन्याने विश्वचषकात आपल्या मोहिमेला सुरुवात करणार आहे. हा सामना चेन्नईच्या एम.ए. चिदंबरम स्टेडियमवर होणार आहे. टीम इंडिया १४ ऑक्टोबरला अहमदाबादमध्ये पाकिस्तानविरुद्ध खेळणार आहे. भारतीय संघ तिसऱ्यांदा चॅम्पियन बनण्याची स्वप्न बघत असून चाहत्यांनी त्यासाठी देवाकडे साकडे घातले आहे. भारताने याआधी १९८३ आणि २०११ मध्ये विश्वचषक जिंकण्यात यश मिळवले होते.

आणखी वाचा

IND W vs NZ W: भारताबरोबर पहिल्याच सामन्यात झाली चिटिंग, पंचांच्या चुकीमुळे भारताने गमावली विकेट, हरमनप्रीत-कोच भडकले, VIDEO व्हायरल

४ ऑक्टोबर पंचांग: मेष, वृषभसह ‘या’ राशींवर देवी…

IND vs BAN : बांगलादेशविरुद्धच्या T20I मालिकेपूर्वी गोलंदाजी प्रशिक्षक मॉर्केल हार्दिकवर नाराज? जाणून घ्या कारण

VIDEO : ‘विराटपेक्षा ‘या’ २४ वर्षीय खेळाडूचा रेकॉर्ड चांगला…’, पाकिस्तानच्या कसोटी कर्णधाराचे वक्तव्य

‘पाकिस्तान भारताकडून हरला की मॅच फिक्सिंगचे आरोप व्हायचे…’, पाकिस्तानच्या माजी खेळाडूचे मोठे वक्तव्य

IND vs BAN: दुसऱ्या कसोटीसाठी टीम इंडियात होऊ शकतात दोन मोठे बदल, कानपूरच्या खेळाडूचे होणार पुनरागमन, वाचा संभाव्य प्लेईंग इलेव्हन

IND vs BAN सामन्यादरम्यान ‘या’ भारतीय खेळाडूवर कोसळला होता दुःखाचा डोंगर, तरीही त्याने पार पाडली जबाबदारी

Duleep Trophy 2024: श्रेयस अय्यरच्या संघाचा दुलीप ट्रॉफीत सलग दुसरा पराभव, शम्स मुलानीच्या अष्टपैलू खेळीच्या बळावर इंडिया ए विजयी

विश्वचषकाचे सामने भारतातील १० शहरांमध्ये खेळवले जाणार आहेत. हैदराबाद, अहमदाबाद, धरमशाला, दिल्ली, चेन्नई, लखनऊ, पुणे, बंगळुरू, मुंबई आणि कोलकाता येथे स्पर्धा आहेत. या विश्वचषकात एकूण १० संघ सहभागी होणार आहेत. ही स्पर्धा राऊंड रॉबिन पद्धतीने आयोजित केली जाईल. १० पैकी अव्वल चार संघ उपांत्य फेरीत पोहोचतील. मागच्या वेळी इंग्लंडमध्ये याच फॉरमॅटमध्ये वर्ल्ड कप आयोजित करण्यात आला होता. त्यानंतर इंग्लिश संघाने अंतिम फेरीत न्यूझीलंडचा पराभव केला.

कोहली मुंबईत परतला होता

पहिला सराव सामना रद्द झाल्यानंतर विराट कोहली गुवाहाटीहून थेट मुंबईत परतला. तो संघासह तिरुअनंतपुरमला गेला नाही. कौटुंबिक कारणामुळे कोहलीने संघ व्यवस्थापनाकडे रजा मागितली होती. कोहली दुसऱ्या सराव सामन्यात खेळणार असल्याचे मानले जात आहे. मात्र, याची अद्याप पुष्टी झालेली नाही.

दोन्ही संघ पुढीलप्रमाणे आहेत

भारत: रोहित शर्मा (कर्णधार), शुबमन गिल, विराट कोहली, इशान किशन, श्रेयस अय्यर, के.एल. राहुल (यष्टीरक्षक), सूर्यकुमार यादव, हार्दिक पांड्या, रवींद्र जडेजा, रविचंद्रन अश्विन, कुलदीप यादव, शार्दुल ठाकूर, मोहम्मद शमी, जसप्रीत बुमराह. मोहम्मद सिराज.

नेदरलँड्स: विक्रमजीत सिंग, मॅक्स ओडाड, वेस्ली बरेसी, बास डी लीडे, कॉलिन अकरमन, सिब्रांड एंजेलब्रेक्ट, स्कॉट एडवर्ड्स (विकेटकीपर/कर्णधार), लोगान व्हॅन बीक, शारीझ अहमद, आर्यन दत्त, रोएलॉफ व्हॅन डर मर्वे, तेजा निदामनुरु, पॉल व्हॅन मीकर , रायन क्लेन, साकिब झुल्फिकार.