भारतीय संघाविरुद्ध टी-२० मालिका गमावल्यानंतर, न्यूझीलंडच्या चिंतेत आणखी भर पडली आहे. तिसऱ्या टी-२० सामन्यात धडाकेबाज खेळी करणारा न्यूझीलंडचा कर्णधार केन विल्यमसन चौथ्या टी-२० सामन्यातून बाहेर पडला आहे. विल्यमसनच्या डाव्या खांद्याला दुखापत झालेली आहे, त्याच्या बदली संघातला अनुभवी गोलंदाज टीम साऊदी चौथ्या सामन्यात न्यूझीलंडचं नेतृत्व करेल.
Captain Kane Williamson has been ruled out of tonight’s 4th T20I with a left-shoulder injury (AC joint) sustained while diving in the field in game 3. He will hopefully be available for the final game of the series at Bay Oval. Tim Southee will captain the side in T20I 4. #NZvIND pic.twitter.com/0Igj6RMnzg
— BLACKCAPS (@BLACKCAPS) January 31, 2020
तिसऱ्या टी-२० सामन्यात क्षेत्ररक्षणादरम्यान विल्यमसनला ही दुखापत झाली होती. मात्र चौथ्या टी-२० सामन्यात विल्यमसन खेळू शकला नसला तरीही अखेरच्या टी-२० सामन्यापर्यंत तो पुनरागमन करेल अशी माहिती, न्यूझीलंडच्या संघ व्यवस्थापनाने दिली आहे. दरम्यान न्यूझीलंडच्या धरतीवर भारतीय संघाने टी-२० मालिका जिंकण्याची ही पहिलीच वेळ ठरली आहे. टी-२० मालिकेनंतर भारतीय संघ न्यूझीलंडमध्ये ३ वन-डे आणि २ कसोटी सामन्यांची मालिका खेळणार आहे. त्यामुळे या मालिकेत न्यूझीलंडचा संघ कसं पुनरागमन करतो हे पाहणं महत्वाचं ठरणार आहे.