IND vs PAK Abhishek Sharma and Pakistani Bowler Fights Indian Batter Gives Death Stare After Fiery Send Off Watch Video

India A vs Pakistan A: भारत वि पाकिस्तान अ संघांमध्ये झालेल्या सामन्यात युवा फलंदाज अभिषेक शर्मा आणि पाकिस्तानी गोलंदाज यांच्यात मैदानात वाद झाल्याचे पाहायला मिळाले.

भारत-पाकिस्तान सामन्यात राडा (फोटो-एक्स व्हीडिओ)

India A vs Pakistan A Emerging Asia Cup: भारत-पाकिस्तान या हायव्होल्टेज सामन्याची चाहत्यांना कायमच आतुरता असते. याचदरम्यान सध्या सुरू असलेल्या इमर्जिंग आशिया कप २०२४ मध्ये या दोन्ही संघांमध्ये एक रोमांचक सामना पाहायला मिळाला. या सामन्यात दोन्ही संघांचे एकापेक्षा एक जबरदस्त खेळाडू होते. दरम्यान भारतीय संघाने नाणेफेक जिंकत प्रथम फलंदाजी करण्याचा निर्णय घेतला होता. भारताकडून विस्फोटक फलंदाज अभिषेक शर्मा आणि प्रभसिमरन सिंह हे सलामीसाठी उतरले. दरम्यान अभिषेक शर्मा आणि पाकिस्तानी गोलंदाज मैदानावर भिडताना पाहायला मिळाले.

भारत-पाकिस्तान सामन्यात अभिषेक शर्माने २२ चेंडूत ५ चौकार व २ षटकारासह ३५ धावांची खेळी केली. प्रभसिमरन सिंहच्या साथीने त्याने पॉवरप्लेमध्ये ६८ धावा केल्या. अभिषेक शर्माची विस्फोटक फलंदाजी पाहून पाकिस्तानी गोलंदाज चांगलेच गडबडले होते. पॉवरप्लेनंतर पाकिस्तानकडून सुफियान मुकीम फलंदाजीला आला.

हेही वाचा – IND vs PAK: भारताच्या पाकिस्तानवरील विजयापेक्षा रमणदीपच्या कॅचची चर्चा, बाऊंड्रीजवळ असा चित्तथरारक झेल कधीच पाहिला नसेल, VIDEO व्हायरल

सुफियान मुकीमने त्याच्या षटकाच्या पहिल्याच चेंडूवर अभिषेक शर्माला बाद केले. तो बाद होताच पाकिस्तानी गोलंदाजाने अभिषेक शर्माला त्याच्या अॅक्शनमधून मैदान सोडण्याचे संकेत दिले. जे अभिषेक शर्माला आवडले नाही. याशिवाय पाकिस्तानी क्षेत्ररक्षकांही काहीतरी बोलताना दिसले. अभिषेक शर्मा शांतपणे पॅव्हेलियनच्या दिशेने जात होता, मात्र तो अचानक थांबला आणि त्याने पाकिस्तानी खेळाडूंना प्रत्युत्तर दिले. पंच मध्ये आल्यानंतर अभिषेक शर्माने जाताना असा काही रागात एक कटाक्ष टाकला, ज्याचा व्हीडिओ व्हायरल होत आहे.

हेही वाचा – IND vs NZ: भारताने न्यूझीलंडविरूद्ध पहिली कसोटी गमावली तर काय होणार? कसं असणार WTC फायनलचं समीकरण?

पाकिस्तानविरुद्धच्या सामन्यात सलामीवीर अभिषेक शर्मा आणि प्रभसिमरन सिंह यांनी चांगलीच फटकेबाजी केली. दोघांनी मिळून सामन्याच्या सहाव्या षटकात खोऱ्याने धावा केल्या. या सामन्याच्या सहाव्या षटकात दोघांनी मिळून २५ धावा केल्या आणि पाकिस्तानच्या गोलंदाजांवर चांगलाच दबाव टाकला. या षटकातील पहिल्या दोन चेंडूंवर अभिषेक शर्माने दोन चौकार मारले. यानंतर पुढच्या दोन चेंडूंवर दोघांनी दोन षटकार ठोकले.

हेही वाचा – IND vs NZ: बंगळुरू कसोटीत झाला वाद, रोहित शर्मा पंचांवर भडकला, किवी फलंदाजही गेले मैदानाबाहेर; नेमकं काय घडलं?

WATCH:
SUFIYAN MUQEEM ASKED ABHISHEK SHARMA TO LEAVE THE GROUND#INDvPAK #EmergingAsiaCup2024 pic.twitter.com/RJHOLCULYc
— Junaid (@ccricket713) October 19, 2024

अभिषेक शर्माची फटकेबाजी पाहून पाकिस्तानी कॅम्पमध्ये खळबळ उडाली आणि षटक सुरू असताना कर्णधाराने सर्वांना चर्चा करण्यासाठी जमवले. यानंतर पुढच्या चेंडूवर अभिषेकने धाव घेतली आणि प्रभसिमरन स्ट्राईकवर आला. प्रभासिमरनने ओव्हरच्या शेवटच्या चेंडूवर चौकार मारला, अशारितीने दोघांनी २५ धावा केल्या. भारत-पाकिस्तान सामना अखेरच्या षटकापर्यंत रंगला पण यात भारतीय संघाने ७ धावांनी विजय नोंदवला.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ind vs pak abhishek sharma and pakistani bowler fights indian batter gives death stare after fiery send off watch video bdg

IND vs PAK: भारत-पाकिस्तान सामन्यात राडा, पाकिस्तानी गोलंदाजाने डिवचलं, अभिषेक शर्माकडून चोख प्रत्युत्तर, पाहा VIDEO