आशिया चषक क्रिकेट स्पर्धेत आज भारत-पाकिस्तान यांच्यात लढत होत आहे. या सामन्याची जगभरातील क्रिकेट चाहते आतुरतेने वाट पाहत होते. यावेळी भारतीय संघ मागील पराभवाचा वचपा काढणार का? हे पाहणे महत्त्वाचे ठरणार आहे. दरम्यान, सामन्याला सुरुवात झाली असूनपूर्ण स्टेडियम गच्च भरले आहे. सुपसीद्ध अभिनेता विजय देवरकोंडादेखील हा सामना पाहण्यासाठी आला आहे. काळा गॉगल आणि पांढरा शर्ट परिधान करून तो भारतीय संघाला पांठिबा देताना दिसतोय. (येथे क्लिक करुन पाहा लाईव्ह अपडेट्स)
हेही वाचा >>> IND vs PAK Asia Cup 2022 Live Update : भारत-पाकिस्तान सामन्याला सुरूवात; नाणेफेक जिंकत भारताचा गोलंदाजीचा निर्णय
सध्या विजय देवरकोंडाचा ‘लायगर’ हा चित्रपट प्रदर्शित झाला आहे. हा चित्रपट बॉक्स ऑफिसवर चागली कमाई करताना दिसत नाहीये. मात्र आजचा भारत-पाकिस्तान यांच्यातील सामना पाहण्यासाठी त्यानेदेखील हजेरी लावली आहे. विशेष म्हणजे सामना सुरु हाण्यापूर्वी त्याने मैदानात उतरत भारतीय खेळाडूंसाठी चिअरिंगदेखील केली. सध्या स्टेडियममधील त्याचे फोटो सोशल मीडियावर व्हायरल झाले आहेत.
हेही वाचा >>> IND vs PAK Asia Cup 2022 : ‘यावेळी बदला घ्या,’ चाहत्यांमध्ये उत्साह शिगेला, टीम इंडिया पराभवाचा वचपा काढणार?
दरम्यान, भारताने नाणेफेक जिंकून गोलंदाजी करण्याचा निर्णय घेतला. त्यानंतर फलंदाजीसाठी आलेल्या पाकिस्तानची सुरुवात खराब जाली. पाकिस्तानचा आघाडीचा फलंदाज बाबर आझम (१०) स्वस्तात बाद झाला. तिसऱ्या षटकात अर्शदीपने टाकलेल्या चेंडूवर तो झेलबाद झाला.
