IND vs SA 2nd T20 Highlights : भुवनेश्वर कुमारची अप्रतिम गोलंदाजी निष्फळ; भारताचा सलग दुसरा पराभव

क्विंटन डी कॉकच्या जागी संधी मिळालेल्या हेनरिक क्लासेन शानदार अर्धशतकीय खेळी करून बाद झाला.

दक्षिण आफ्रिकेचा फलंदाज हेनरिक क्लासेनने शानदार अर्धशतक पूर्ण केले. त्याने ३२ चेंडूंमध्ये टी ट्वेंटी कारकीर्दीतील चौथे अर्धशतक झळकावले.

भारताने दिलेले १४९ धावांच्या आव्हानाचा पाठलाग करण्यासाठी उतरलेल्या आफ्रिकेच्या संघाची सुरुवात फारशी चांगली झाली नाही. १० षटकांनंतर आफ्रिकेच्या संघाने तीन बाद ५७ धावा केल्या आहेत. आफ्रिकेला विजयासाठी ६० चेंडूत ९२ धावांची गरज आहे.

भारताने दिलेले १४९ धावांच्या आव्हानाचा पाठलाग करण्यासाठी उतरलेल्या आफ्रिकेच्या संघाची सुरुवात फारशी चांगली झाली नाही. पाच षटकांनंतर आफ्रिकेच्या संघाने २ बाद २८ धावा केल्या आहेत. कर्णधार टेम्बा बावुमा आणि रॉसी डुसेन मैदानावर उपस्थित आहेत.

सलामीवीर रिझा हेनड्रिक्स स्वस्तात बाद झाला. भुवनेश्वर कुमारच्या अप्रतिम चेंडूवर तो त्रिफळाचित झाला.

अक्षर पटेल १० धावा करून त्रिफळाचित झाला. १७ षटकांनंतर भारताची अवस्था सहा बाद ११२ अशी झाली आहे.

पहिल्या दहा षटकांनंतर भारताने तीन बाद ७१ धावांपर्यंत मजल मारली आहे. कर्णधार ऋषभ पंत फटकेबाजी करण्याच्या नादात बाद झाला. पंत बाद झाल्यानंतर आयपीएल विजेता कर्णधार हार्दिक पंड्या मैदानात आला आहे.

सात षटकांनंतर भारतीय संघाच्या ५० धावा पूर्ण झाल्या आहेत. दोन्ही सलामीवीर स्वस्तात माघारी परतल्यानंतर कर्णधार ऋषभ पंत आणि श्रेयस अय्यर मैदानात उपस्थित आहेत.

पावर प्लेच्या शेवटच्या षटकामध्ये ड्वे प्रिटोरिअच्या गोलंदाजीवर वेन पार्नेलने ईशान किशनचा झेल सोडला.

सलामीवीर ऋतुराज लवकर बाद झाल्यानंतर मैदानात आलेल्या श्रेयस अय्यर आणि ईशान किशनने संयमी खेळ करण्यास सुरुवात केली आहे.

सामना सुरू होण्यापूर्वी ओडिशाचे मुख्यमंत्री नवीन पटनायक यांच्या हस्ते मैदानातील घंटा वाजवण्यात आली. यावेळी बीसीसीआयचे अध्यक्ष सौरव गांगुली मैदानात उपस्थित होते.

दक्षिण आफ्रिकेचा तारांकित यष्टीरक्षक क्विंटन डी कॉक हाताला जखम झाल्यामुळे आज खेळणार नाही. त्याच्याऐवजी हेनरिक क्लासेनला संधी देण्यात आली आहे.