IND vs SA 3rd ODI : ‘हे शतक त्याच्या कारकिर्दीसाठी…’, सुनील गावसकरांकडून संजू सॅमसनच्या खेळीचे कौतुक

टीम इंडियाचा माजी कर्णधार सुनील गावसकर यांनी संजूच्या या शतकाचे भरभरून कौतुक केले आहे. गावसकरांनी संजूच्या या शतकाला गेम चेंजर म्हटले आहे. संजूचे हे शतक त्याचे संपूर्ण करिअर बदलून टाकेल, असे टीम इंडियाच्या माजी सलामीवीराला वाटते. संजू सॅमसनने ११४ चेंडूत ६ चौकार आणि ३ षटकारांसह १०८ धावांची खेळी केली. संजूला तिसऱ्या क्रमांकावर फलंदाजीसाठी पाठवले होते आणि त्याचा पुरेपूर फायदा घेतला. संजूने कर्णधार केएल राहुलसोबत तिसऱ्या विकेटसाठी ५२ धावांची भागीदारी केली, तर तिलक वर्मासोबत चौथ्या विकेटसाठी ११६ धावांची भागीदारी केली.

आणखी वाचा

IND vs SA: भारताचा दक्षिण आफ्रिकेवर विक्रमी १३५ धावांनी मोठा विजय, मालिकाही जिंकली

Nana Patole : निकालाआधी राजकीय घडामोडींना वेग; यातच…

IND vs SA 3rd T20 Highlights : रोमहर्षक सामन्यात भारताने मारली बाजी! तिलक वर्माचा शतकी तडाखा, मालिकेत २-१ घेतली आघाडी

Gautam Gambhir : ‘कोणत्याही प्रकारची खेळपट्टी तयार करा, आम्ही…’, गौतम गंभीरने बॉर्डर-गावस्कर ट्रॉफीपूर्वी ऑस्ट्रेलियाला दिले आव्हान

IND vs SA : संजू सॅमसनने सलग दोन शतकांनंतर केला नकोसा विक्रम, ‘या’ बाबतीत युसूफ-रोहितला टाकले मागे

निराशाजनक पराभवामुळे आव्हान खडतर! विजय निसटल्याची महाराष्ट्राचे प्रशिक्षक सुलक्षण कुलकर्णी यांना खंत

Sanju Samson : ‘कारकीर्दीत बरेच चढ-उतार आले, पण…’, शतकी खेळीनंतर संजू सॅमसनने ‘या’ दोन माणसांचे मानले आभार

सुनील गावसकर संजूच्या खेळीचे झाले चाहते –

संजू सॅमसनची ही खेळी पाहून ‘स्टार स्पोर्ट्स’च्या कार्यक्रमात बोलताना सुनील गावसकर म्हणाले, ‘संजू सॅमसनच्या या खेळीत मी जे पाहिले, ते त्याचे वेगळे शॉट सिलेक्शन होते. यापूर्वी चांगली सुरुवात करूनही तो बाद होत होता. पण आज तो खराब चेंडूंची वाट पाहत होता आणि मग फटके खेळत होता. त्याने उत्कृष्ट खेळी खेळली. हे शतक त्याच्या कारकिर्दीत गेम चेंजर ठरेल, असे मला वाटते. त्याच्या या शतकामुळे आता त्याला अधिक संधी मिळतील.’

हेही वाचा – IND vs SA : तिसऱ्या सामन्यात सॅमसन-अर्शदीपची कमाल! भारताची दक्षिण आफ्रिकेवर ७८ धावांनी मात, मालिका २-१ ने जिंकली

संजूने २०१५ मध्ये आंतरराष्ट्रीय क्रिकेटमध्ये प्रवेश केला –

संजू सॅमसनने २०१५ मध्ये टी-२० च्या माध्यमातून आंतरराष्ट्रीय क्रिकेटमध्ये प्रवेश केला होता. २०२१ मध्ये त्याने एकदिवसीय क्रिकेटमध्ये पदार्पण केले. तेव्हापासून आजतागायत संजू संघात आत-बाहेर होत राहिला आहे. त्याला सातत्यपूर्ण संधी मिळत नव्हती. हा सामना त्याच्यासाठी खूप महत्त्वाचा होता. कारण सध्याच्या मालिकेतील दुसऱ्या सामन्यात तो काही विशेष करू शकला नव्हता.

हेही वाचा – IND vs SA : तिसर्‍या वनडे सामन्यातून ऋतुराज गायकवाडला का वगळलं? बीसीसीआयने सांगितले कारण

तो स्वत:वर अधिक विश्वास ठेवू लागेल –

सुनील गावसकर पुढे म्हणाले, ‘मला वाटतं आता तो स्वत:वर अधिक विश्वास ठेवू लागेल. हे शतक त्याला पटवून देईल की तो योग्य दिशेने जात आहेत. तो काय करू शकतो, हे आपल्या सर्वांना माहीत आहे. त्याच्या क्षमतेवर कोणालाच शंका नाही. आज त्याने खरोखरच शानदार खेळी केली आहे.’