IND vs SA 3rd T20 Highlights : रोमहर्षक सामन्यात भारताने मारली बाजी! तिलक वर्माचा शतकी तडाखा, मालिकेत २-१ घेतली आघाडी

रमणदीपचे आज पदार्पण

रमणदीप सिंगला पदार्पणाची कॅप देण्यात आली आहे. म्हणजेच आज तो भारतासाठी पहिला सामना खेळत आहे. केकेआरने नुकतेच रमणदीपला रिटेन केले होते.

एडन मार्करमच्या बोटाला दुखापत

दक्षिण आफ्रिकेचे कर्णधार एडन मार्करम, डेव्हिड मिलर आणि हेनरिक क्लासेन हे आपल्या लौकिकाला साजेसे खेळ करू शकले नाहीत. ट्रिस्टन स्टब्स आणि गेराल्ड कोएत्झी यांनी दुसऱ्या सामन्यात संघाला विजय मिळवून दिला. आता अनुभवी फलंदाजांना जबाबदारी घ्यावी लागणार आहे. रविवारी सेंट जॉर्ज पार्कमध्ये हार्दिक पांड्याला पकडण्याचा प्रयत्न करताना एडन मार्करमच्या बोटाला दुखापत झाली, त्यामुळे तो मैदानाबाहेर राहणार आहे. गेल्या दोन सामन्यांपासून लुथो सिपामालाचा संघात समावेश करण्यात आला आहे.

अभिषेक शर्माला चांगली खेळी खेळावी लागणार

दुसऱ्या T20 मध्ये दक्षिण आफ्रिकेच्या वेगवान गोलंदाजांनी भारतीय फलंदाजांना खूप त्रास दिला आणि भारतीय संघ सहा विकेट्सवर 124 धावाच करू शकला. अभिषेक शर्मा सातत्याने अव्वल स्थानावर अपयशी ठरला आहे. संघव्यवस्थापन संयोजनात बदल करण्याचा विचार करण्यापूर्वी त्याला चांगली खेळी खेळावी लागणार आहे.

भारतीय फलंदाजांना चांगली कामगिरी करावी लागेल

मागील सामन्यात पूर्णपणे अपयशी ठरलेल्या त्यांच्या फलंदाजांकडून बुधवारी दक्षिण आफ्रिकेविरुद्धच्या तिसऱ्या टी-20 सामन्यात भारतीय फलंदाजांना चांगल्या कामगिरीची आशा असेल. 2009 पासून भारताने येथे फक्त एकच T20 सामना खेळला आहे आणि 2018 मध्ये झालेल्या या सामन्यात सहा विकेट्सनी पराभव पत्करावा लागला होता.

भारत आणि दक्षिण आफ्रिका हेड टू हेड रेकॉर्ड

भारत आणि दक्षिण आफ्रिका यांच्यात आतापर्यंत २९ टी-२० सामने खेळले गेले आहेत. ज्यापैकी भारताने १७ आणि दक्षिण आफ्रिकेने ११ सामने जिंकले आहेत. एक सामना अनिर्णित राहिला. प्रोटीजच्या मैदानावर दोन्ही संघ ११ वेळा आमनेसामने आले आहेत. यापैकी भारताने सात सामने जिंकले असून दक्षिण आफ्रिकेने चार सामने जिंकले आहेत.

चाहत्यांना पूर्ण सामना पाहायला मिळणार

पहिल्या दोन सामन्यांमध्ये खेळपट्ट्या वेगवान होत्या आणि चेंडू जास्त उसळी घेत होते. गेल्या काही दिवसांतील पावसामुळे तयारी गुंतागुंतीची झाली होती, परंतु दोन्ही सामन्यांच्या दिवसांवर हवामानाचा परिणाम झाला नाही. सेंच्युरियनमध्ये पावसाचा अंदाज वर्तवण्यात आला आहे, परंतु सामन्यादरम्यान त्याची शक्यता कमी आहे. अशा परिस्थितीत क्रिकेट चाहत्यांना पूर्ण सामना बघायला मिळू शकते.

भारत-दक्षिण आफ्रिका तिसऱ्या सामन्याची योग्य वेळ

भारत आणि दक्षिण आफ्रिका यांच्यातील दुसरा टी-२० सामना संध्याकाळी ७.३० वाजता सुरू झाला होता. मात्र तिसऱ्या टी-२० सामन्याच्या वेळेत बदल झाला आहे. हा सामना एका तासाने उशिरा म्हणजे भारतीय वेळेनुसार ८.३० वाजता सुरू होईल आणि या सामन्याची नाणेफेक रात्री ८ वाजता होईल. त्यामुळे हा सामना रात्री उशिरापर्यंत सुरू राहण्याची शक्यता आहे. यानंतर, दोन्ही संघांमधील चौथा आणि अखेरचा टी-२० सामना १५ नोव्हेंबर रोजी होणार आहे, जो भारतीय वेळेनुसार रात्री ८.३० वाजता खेळवला जाईल.