IND vs SA 5th T20 Highlights : पावसाच्या व्यत्ययामुळे पाचवा सामना रद्द, मालिका बरोबरीत

बंगळुरूमध्ये पुन्हा पावसाला सुरुवात झाली असून खेळ थांबवण्यात आला आहे. खेळपट्टी झाकून टाकण्यात आली आहे.

सलामीचे दोन्ही फलंदाज स्वस्तात माघारी परतल्याने कर्णधार ऋषभ पंत मैदानात आला आहे. भारतीय चाहत्यांना कर्णधाराकडून भरपूर अपेक्षा आहेत.

बंगळुरूमध्ये सुरू असलेल्या निर्णायक सामन्यात भारताचे दोन्ही सलामीवीर माघारी परतले आहेत. भारताची अवस्था दोन बाद २७ अशी झाली आहे.

भारताचा सलामीवीर ईशान किशन १५ धावा करून बाद झाला. आफ्रिकेचा गोलंदाज लुंगी एनगिडीने त्याला त्रिफळाचित केले.

सलामीवीर ईशान किशनने पहिल्या षटकात सलग दोन षटकार लावल्यामुळे भारताने १६ धावा जमवल्या.

बंगळुरूमध्ये भारत आणि दक्षिण आफ्रिकेदरम्यान पाचवा टी २० सामना सुरू झाला आहे. भारतीय सलामीवीर मैदानात उपस्थित आहेत.

सामना सुरू होण्याच्या काही क्षण अगोदर बंगळुरूमध्ये जोरदार पावसाची सर आल्याने खेळ उशीरा सुरू केला जाणार आहे. दोन्ही संघाच्या डावातील एक-एक षटक कमी करण्यात आले आहे.

बंगळुरूमध्ये पाऊस थांबला असून मैदानावरील कव्हर्स बाजूला केले जात आहेत. त्यामुळे काहीवेळात खेळाला सुरुवात होण्याची शक्यता आहे.

मालिकेतील निर्णायक सामन्यात पावसाने व्यत्यय आणला आहे. बंगळुरूमध्ये पावसाला सुरुवात झाली असून मैदानात उतरलेले खेळाडू पुन्हा माघारी परतले आहेत.

दक्षिण आफ्रिकेने दिलेले फलंदाजीचे निमंत्रण स्वीकारून भारतीय संघ फलंदाजीसाठी उतरला आहे. भारतीय सलामीवीर ईशान किशन आणि ऋतुराज गायकवाड डावाची सुरुवात करण्यासाठी मैदानात आले आहेत.

भारतीय संघ : ईशान किशन, ऋतुराज गायकवाड, श्रेयस अय्यर, ऋषभ पंत (कर्णधार/यष्टीरक्षक), हार्दिक पंड्या, दिनेश कार्तिक, अक्षर पटेल, हर्षल पटेल, भुवनेश्वर कुमार, आवेश खान, युझवेंद्र चहल.

दक्षिण अफ्रीकन संघ : क्विंटन डी कॉक (यष्टीरक्षक), रिझा हेंड्रिक्स, रॉसी व्हॅन डेर डुसेन, हेनरिक क्लासेन, डेव्हिड मिलर, ड्वेन प्रिटोरियस, ट्रिस्टन स्टब्स, केशव महाराज(कर्णधार), एनरिक नॉर्किया, कगिसो रबाडा, लुंगी एनगिडी.

दक्षिण आफ्रिकेचा नियमित कर्णधार टेम्बा बावुमा जखमी असल्याने आज खेळू शकणार नाही. त्यामुळे निर्णायक सामन्यात केशव महाराज कर्णधारपदची जबाबदारी निभावणार आहे.

दक्षिण आफ्रिकेचा कर्णधार केशव महाराजने नाणेफेक जिंकून यजमान भारतीय संघाला फलंदाजीसाठी निमंत्रण दिले आहे.