IND vs SA 3rd T20 Highlights : मालिका वाचविण्यात भारताला यश; आफ्रिकेवर ४८धावांनी मिळवला विजय

आफ्रिकन संघाचा नववा गडी बाद झाला असून भारतीय संघाचा विजय दृष्टीक्षेपात आला आहे. आणखी एक गडी बाद केल्यानंतर हा सामना भारताच्या पारड्यात जाईल.

दक्षिण आफ्रिकेची अवस्था सात बाद ११३ अशी झाली आहे. फिरकीपटू युझवेंद्र चहल आणि अक्षर पटेल यांच्या शानदार गोलंदापुढे आफ्रिकन फलंदाजांना तग धरता आला नाही.

आफ्रिकन कर्णधार आणि सलामीवीर टेम्बा बावुमाला अक्षर पटेलने माघारी धाडले आहे. तो ८ धावा करून बाद झाला. आवेश खानने त्याचा झेल टिपला.

भारताचा पाचवा फलंदाज बाद झाला असून दिनेश कार्तिक अवघ्या ६ धावा करून बाद झाला.

१५ षटकांमध्ये भारतीय संघाने तीन बाद १३८ धावांपर्यंत मजल मारली आहे. भारताचे दोन्ही सलामीवीर आणि श्रेयस अय्यर बाद झालेले आहेत. सध्या कर्णधार ऋषभ पंत आणि उपकर्णधार हार्दिक पंड्या मैदानात आहेत.

सलामीवीर ऋतुराज गायकवाड आणि त्यापाठोपाठ श्रेयस अय्यर बाद झाल्यानंतर भारतीय संघाचा कर्णधार ऋषभ पंत फलंदाजीसाठी मैदानात दाखल झाला आहे. कटकमधील सामन्यात फटकेबाजी करण्याच्या नादात पंत झटपट बाद झाला होता.

सलामीवीर ईशान किशनने या मालिकेतील दुसरे आणि टी २० कारकीर्दीतील चौथे अर्धशतक पूर्ण केले आहे.

पावरप्लेच्या पहिल्या सहा षटकांमध्ये भारतीय संघाने आपले अर्धशतक पूर्ण केले आहे. सलामीवीर ईशान किशन आणि ऋतुराज गायकवाड मैदानात फटकेबाजी करत आहेत.

भारतीय संघ : ईशान किशन, ऋतुराज गायकवाड, श्रेयस अय्यर, ऋषभ पंत (कर्णधार आणि यष्टिरक्षक), हार्दिक पंड्या, दिनेश कार्तिक, अक्षर पटेल, हर्षल पटेल, भुवनेश्वर कुमार, युझवेंद्र चहल, आवेश खान.

दक्षिण आफ्रिकेचा संघ : टेम्बा बावुमा (कर्णधार), रीझा हेंड्रिक्स, ड्वेन प्रिटोरियस, रॉस व्हॅन डेर डुसेन, हेनरिक क्लासेन (यष्टीरक्षक), डेव्हिड मिलर, वेन पार्नेल, कागिसो रबाडा, केशव महाराज, एनरिक नॉर्किया, तबरेझ शम्सी.