IND vs SA: ना सूर्या ना हार्दिक; दक्षिण आफ्रिका दौऱ्यावर टी-२० कर्णधारपदासाठी BCCI करणार ‘या’ खेळाडूची मनधरणी

रोहितने टी-२० मध्ये पुनरागमन करावे अशी बीसीसीआयची इच्छा आहे

नुकत्याच पार पडलेल्या एकदिवसीय विश्वचषकादरम्यान घोट्याच्या दुखापतीमुळे टी-२० कर्णधार हार्दिक पंड्या आणखी एका महिन्यासाठी बाहेर झाला आहे. अशा परिस्थितीत ऑस्ट्रेलियाविरुद्धच्या पाच सामन्यांच्या टी-२० मालिकेची जबाबदारी सूर्यकुमार यादवकडे देण्यात आली आहे. मात्र, आता टी-२० विश्वचषकाला सात महिने बाकी असताना संघाची तयारी जवळपास सुरू झाली आहे. अशा परिस्थितीत रोहितने पुन्हा टी-२०मध्ये पुनरागमन करावे आणि कर्णधारपदाची जबाबदारी स्वीकारावी, अशी बोर्डाची इच्छा आहे.

आणखी वाचा

IND vs AUS : ‘… तर रोहित पुन्हा कधीही ऑस्ट्रेलियाला जाणार नाही’, सौरव गांगुलीचे हिटमॅनबद्दल मोठं वक्तव्य

Nana Patole : निकालाआधी राजकीय घडामोडींना वेग; यातच…

IND vs SA 3rd T20 Highlights : रोमहर्षक सामन्यात भारताने मारली बाजी! तिलक वर्माचा शतकी तडाखा, मालिकेत २-१ घेतली आघाडी

भारतीय फलंदाजांकडे लक्ष; दक्षिण आफ्रिकेविरुद्ध तिसरा ट्वेन्टी२० सामना आज; सूर्यकुमार, पंड्याकडून अपेक्षा

Suryakumar Yadav : तुम्ही चॅम्पियन्स ट्रॉफीसाठी पाकिस्तानात का येत नाही? चाहत्याच्या प्रश्नावर सूर्या म्हणाला, ‘हे आमच्या…’

Gautam Gambhir : रोहित शर्मा नाही तर कोण…? बुमराह नेतृत्व करणार अन् ‘हा’ खेळाडू देणार सलामी, गौतम गंभीरने केलं स्पष्ट

IND vs SA : संजू सॅमसनने सलग दोन शतकांनंतर केला नकोसा विक्रम, ‘या’ बाबतीत युसूफ-रोहितला टाकले मागे

हेही वाचा: राहुल द्रविडची पुन्हा प्रशिक्षकपदी नियुक्ती झाल्यानंतर गंभीरचे सूचक विधान; म्हणाला, “विश्वचषक पराभवाचा…”

हार्दिक परत आला तर काय होईल?

रोहितला टी-२० फॉरमॅटमध्ये खेळायचे नसल्याचा अहवाल यापूर्वी आला होता आणि त्याने याबाबत बीसीसीआयला स्पष्टपणे कळवले होते. पण एकदिवसीय विश्वचषकात त्याने ज्या प्रकारे संघाचे नेतृत्व केले त्यामुळे बीसीसीआयला खात्री पटली की त्याने जून-जुलैमध्ये अमेरिकेत होणाऱ्या टी-२० विश्वचषकापर्यंत मर्यादित षटकांचे क्रिकेट खेळावे.

बीसीसीआयच्या एका वरिष्ठ अधिकाऱ्याने गोपनीयतेच्या अटीवर सांगितले की, “हार्दिक परतल्यावर काय होईल हा प्रश्न आहे, पण बीसीसीआयला वाटते की जर रोहितने टी-२० आंतरराष्ट्रीय सामन्यांमध्ये कर्णधारपद स्वीकारले तर तो टी-२० विश्वचषकात कर्णधारपद सांभाळेल. जर रोहित सहमत नसेल तर सूर्यकुमार दक्षिण आफ्रिकेविरुद्धच्या टी-२० सामन्यांचे नेतृत्व करेल.”

हेही वाचा: IPL 2024: आर. अश्विनने हार्दिक पंड्याबाबत केला मोठा खुलासा; म्हणाला,“मुंबई इंडियन्समध्ये जाण्यासाठी त्याने…”

के.एल. राहुलच्या टी-२० मध्ये पुनरागमन करण्याबाबतही निर्णय घेतला जाऊ शकतो

विराट कोहलीने दक्षिण आफ्रिकेत मर्यादित षटकांच्या सामन्यांमधून माघार घेत बोर्डाकडे विश्रांतीची विनंती केली आहे. जोपर्यंत कोहलीचा विषय आहे, तो आयपीएलमध्ये कसा खेळतो यावर सर्व काही अवलंबून असेल आणि के.एल. राहुलच्या बाबतीतही तेच होईल. आगामी हंगामात राहुल लखनऊ सुपर जायंट्सकडून कर्णधार आणि यष्टीरक्षक फलंदाजाच्या भूमिकेत दिसणार आहे. त्याचा फॉर्म पाहूनच त्याच्या टी-२० कारकिर्दीबाबत निर्णय घेतला जाईल. दुसरा प्रश्न वर्कलोड मॅनेजमेंटचा देखील आहे कारण दक्षिण आफ्रिका दौऱ्यावर भारताला ११ दिवसात सहा मर्यादित षटकांचे सामने खेळायचे आहेत, ज्यात ५० षटकांचे तीन सामने आहेत.

वर्कलोड मॅनेजमेंटवरही भर दिला जाईल

दुसरीकडे, पाच दिवसांच्या अंतरानंतर (२६ डिसेंबर) दोन्ही देशांमधील कसोटी मालिका सुरू होणार आहे. बीसीसीआयच्या अधिकाऱ्याने सांगितले की, “पुढील सहा महिन्यांत आयसीसी स्पर्धा होणार असल्याने बीसीसीआय नेहमीच मर्यादित षटकांच्या फॉरमॅटला प्राधान्य देते. ज्यामध्ये विश्वचषकानंतर वन डेला प्राधान्य आहे आणि टी-२० विश्वचषकापर्यंत पाच एकदिवसीय सामने पुरेसे आहेत. त्यामुळे जर रोहितने टी-२० आंतरराष्ट्रीय सामन्यांमध्ये कर्णधारपद भूषवले तर तो कसोटी सामन्यांसाठी ताजेतवाने होण्यासाठी विश्रांती घेऊ शकतो. याबाबत संघ व्यवस्थापन निर्णय घेईल.”