Virat Kohli-Ishan Kishan Dance: कोलकात्याच्या ईडन गार्डन्सवर भारत आणि श्रीलंका यांच्यातील दुसऱ्या एकदिवसीय सामन्यात टीम इंडियाने दणदणीत विजय नोंदवला. भारतीय गोलंदाजांनी प्रथम श्रीलंकेचा संघ ३९.४ षटकांत २१५ धावांत गुंडाळला. यानंतर संकटात सापडलेल्या टीम इंडियासाठी पाचव्या क्रमांकावर उतरलेल्या यष्टीरक्षक केएल राहुलने शानदार फलंदाजी करत सामना जिंकला. या विजयासह संघाने मालिकेवर कब्जा केला. यानंतर ईडन गार्डन्समध्ये स्लाईड आणि साउंड शो आयोजित करण्यात आला, ज्यामध्ये विराट कोहली आणि इशान किशनने जबरदस्त ‘झिंगाट’ डान्स करून लोकांचे मनोरंजन केले.
व्हिडिओमध्ये फिल्डिंग करताना विराट कोहली सलमान खानच्या सिनेमातील गाण्यावर डान्स करताना दिसत आहे. यानंतर चाहत्यांनी आनंदाने उड्या मारल्या. त्याचवेळी एक व्हिडिओ व्हायरल होत आहे. ज्यामध्ये युवा फलंदाज इशान किशननेही विराटसोबत डान्स केला. दोन्ही खेळाडूंचा डान्स सोशल मीडियावर चांगलाच व्हायरल होतो. इशान किशन आतापर्यंत या मालिकेत प्लेइंग-११ चा भाग झालेला नाही. त्याने गेल्या महिन्यात बांगलादेशविरुद्धच्या एकदिवसीय सामन्यात द्विशतक झळकावून अनेक मोठे विक्रम मोडीत काढले होते.
विराट-इशानने सामन्यानंतर ठुमके देत केला डान्स
२०२३ मध्ये खेळली गेलेली पहिली एकदिवसीय मालिका जिंकल्यानंतर भारतीय शिबिरात आनंदाची लाट उसळली आणि हा विजय खास बनवण्यासाठी ईडन गार्डन्समध्ये संगीत सुरू झाले आणि सर्वांनी खूप आनंद साजरा केला. यातील एक व्हिडिओ सोशल मीडियावर प्रचंड व्हायरल होत आहे, ज्यामध्ये इशान किशन आणि विराट कोहली नेत्रदीपक स्टेप्स करून लोकांचे मनोरंजन करत आहेत. या दोघांचा डान्स पाहून सगळेच थक्क झाले आहेत. या मालिकेत संधी न मिळाल्याने इशान किशनने बॅटने चमत्कार केला नसेल पण त्याने या नृत्याने सर्वांची मने नक्कीच जिंकली.
विराट कोहलीने २०२३ मध्ये चांगली सुरुवात केली
टीम इंडियाच्या माजी कर्णधारासाठी तीन वर्षे खूप वाईट होती. पण २०२२ मध्ये त्याचे ‘रन मशीन’ पुन्हा सुरू झाले आहे. तीन वर्षांनंतर आशिया चषकादरम्यान कोहलीने शतकाचा दुष्काळ संपवला. त्यानंतर बांगलादेशविरुद्धच्या एकदिवसीय सामन्यामध्येही त्याने शानदार शतक झळकावले. त्याचबरोबर कोहलीने २०२३ ची सुरुवातही शानदार शतकाने केली आहे.
