IND vs WI 1st ODI: इशान-कुलदीपच्या जोरावर भारताचा वेस्ट इंडिजवर पाच विकेट्सने विजय, मालिकेत १-० ने घेतली आघाडी IND vs WI 1st ODI India win over West Indies by 5 wickets

IND vs WI 1st ODI Match Updates: पहिल्या वनडे सामन्यात वेस्ट इंडिजने २३ षटकांत सर्वबाद ११४ धावा केल्या होत्या. प्रत्युत्तरात भारतीय संघाने इशान किशनच्या अर्धशतकाच्या जोरावर २२.५ षटकांत ५ गडी गमावून ११८ धावा करत विजय मिळवला

कुलदीप यादव आणि इशान किशन (फोटो-लोकसत्ता ग्राफिकिस टीम)

IND vs WI 1st ODI India Beat West Indies by 5 Wickets: भारत आणि वेस्ट इंडिज संघातील तीन सामन्यांच्या वनडे मालिकेतील पहिला सामना गुरुवारी केन्सिंग्टन ओव्हल येथे खेळला गेला. या सामन्यात टीम इंडियाने वेस्ट इंडिज ५ विकेट्स राखून निसटता विजय मिळवला. त्याचबरोबर तीन सामन्यांच्या मालिकेत १-० अशी आघाडी घेतली आहे. भारताकडून इशान किशनने अर्धशतक झळकावले. इशानने ४६ चेंडूत ५२ धावा केल्या. त्याने ७ चौकार आणि एक षटकार लगावला. त्याचवेळी कुलदीप यादव आणि रवींद्र जडेजा यांनी गोलंदाजीत आपली ताकद दाखवून दिली. कुलदीपने ४ आणि जडेजाने ३ बळी घेतले. तीन सामन्यांच्या वनडे मालिकेत भारताने १-० अशी आघाडी घेतली आहे.

११५ धावांच्या लक्ष्याचा पाठलाग करताना टीम इंडियाने बॅटिंग ऑर्डरमध्ये बरेच प्रयोग केले. रोहित शर्मा आणि विराट कोहली फलंदाजीला येण्याच्या मूडमध्ये नव्हते. इशान आणि गिलने डावाची सुरुवात केली. सूर्यकुमार तिसऱ्या क्रमांकावर आला. हार्दिक चौथ्या क्रमांकावर तर जडेजा पाचव्या क्रमांकावर आहे. शार्दुलने सहाव्या क्रमांकावर फलंदाजी केली. मात्र, भारताच्या पाच गडी बाद झाल्याने कर्णधार रोहित (१२) आणि रवींद्र जडेजाला (१६) फलंदाजीला उतरून सामना संपवावा लागला. वेस्ट इंडिजकडून गुडाकेश मोतीने दोन, जेडेन सेल्स आणि यानिकने प्रत्येकी एक गडी बाद केला.

आणखी वाचा

India Suffered Humiliating Defeat Against New Zealand on Home Ground After 12 Years What Are The Reasons IND vs NZ

IND vs NZ: रोहित-विराट अपयशी, आततायी फटकेबाजी… पुण्यात न्यूझीलंडने भारताचा विजयरथ कसा रोखला? पराभवाची ५ कारणं

IND vs NZ AB de Villiers on Rishabh Pant Controversial Dismissal

IND vs NZ : ऋषभ पंतच्या वादग्रस्त विकेटवर…

IND vs NZ India lost a Test series at home after 12 years

IND vs NZ : पुण्यात पानिपत; १२ वर्षानंतर भारतीय संघाने मायदेशात गमावली कसोटी मालिका

IND vs NZ Ravindra Jadeja cleverly run out William O Rourke in Pune test

IND vs NZ : वॉशिंग्टन सुंदरच्या अचूक थ्रोवर रवींद्र जडेजाने हुशारीने विल्यम ओ रुकला केले रनआऊट, VIDEO व्हायरल

IND vs NZ New Zealand set India a target of 359 runs

IND vs NZ : भारताला १२ वर्षांचा विजयरथ कायम राखण्याचे आव्हान, विजयासाठी न्यूझीलंडने दिले ३५९ धावांचे लक्ष्य

IND vs NZ India All Out on 156 Runs in Pune Test with Mitchell Santner First 7 Wicket Haul

IND vs NZ: भारतीय फलंदाजांची पुन्हा उडाली दाणादाण, १५६ वर टीम इंडिया ऑल आऊट; सँटनरच्या फिरकीसमोर टेकले गुडघे

Western Australia Just Lose 8 Wickets for Just One Run in Domestic one day cup 6 Batters Goes on Duck vs Tasmania

VIDEO: ५२/२ ते ५३ वर ऑल आऊट, वेस्टर्न ऑस्ट्रेलिया संघाने एका धावेच्या अंतरात गमावल्या ८ विकेट्स

Washington Sundar 7 wickets and 5 batters bowled records in IND vs NZ 2nd Test

Washington Sundar : त्रिफळाचीत करत ७ विकेट्स आणि खास पराक्रम

India take a 1-0 lead in the ODI series ?#WIvIND | ?: https://t.co/FFklS75Jr0 pic.twitter.com/TPI1Oa5Le9
— ICC (@ICC) July 27, 2023

विंडीज संघाची सुरुवात खूपच खराब झाली –

पहिल्या एकदिवसीय सामन्यात नाणेफेक गमावल्यानंतर विंडीज संघाची सुरुवात खराब झाली. अवघ्या दोन धावा करून हार्दिक पांड्याचा बळी ठरलेल्या काईल मेयर्सच्या रूपाने संघाने ७ धावांवर आपली पहिली विकेट गमावली. यानंतर ४५ धावांवर संघाला दोन धक्के बसले, त्यात मुकेश कुमारने अथानाजला पॅव्हेलियनमध्ये पाठवले. त्याचवेळी शार्दुल ठाकूरने ब्रँडन किंगला त्याच्या वैयक्तिक १७ धावांवर त्याच्या सर्वोत्तम चेंडूवर बोल्ड केले.

? Milestone Alert ?#TeamIndia pair of @imkuldeep18 (4⃣/6⃣) & @imjadeja (3⃣/3⃣7⃣ ) becomes the first-ever pair of Indian left-arm spinners to scalp 7⃣ wickets or more in an ODI ? #WIvIND pic.twitter.com/F18VBegnbJ
— BCCI (@BCCI) July 27, 2023

येथून शिमरॉन हेटमायर आणि कर्णधार शाई होप यांच्यात ४३ धावांची भागीदारी पाहायला मिळाली. ही भागीदारी मोडून काढत रवींद्र जडेजाने ८८ धावांवर हेटमायरच्या रूपाने विंडीज संघाला चौथा धक्का दिला. ९६ च्या स्कोअरवर संघाला पाचवा धक्का रोवमन पॉवेलच्या रूपाने बसला. रवींद्र जडेजाच्या फिरकी गोलंदाजीसमोर झुंजणाऱ्या विंडीजच्या फलंदाजांसाठी कुलदीप यादवची फिरकी खेळणे आणखी कठीण ठरले.

हेही वाचा – ICC T20 World Cup 2023: विश्वचषकासाठी आयर्लंडचा संघ ठरला पात्र, इटलीला करावे लागणार ‘हे’ काम

९९ धावांवर विंडीज संघाने डॉमिनिक ड्रेक्सच्या रूपाने आपली ७वी विकेट गमावली. यानंतर, ११४ धावांवर, कर्णधार शाई होपच्या रूपाने संघाला ९वा धक्का बसला, जो ४३ च्या वैयक्तिक धावसंख्येवर पॅव्हेलियनमध्ये परतला. या सामन्यात विंडीज संघाचा डाव ११ धावांवरच मर्यादित राहिला.कुलदीप यादवने ३ षटके गोलंदाजी करताना दोन मेडन षटकांसह अवघ्या ६ धावांत ४ बळी घेतले. दुसरीकडे, रवींद्र जडेजाने ६ षटकांत ३७ धावा देत ३ बळी घेतले. याशिवाय हार्दिक पांड्या, मुकेश कुमार आणि शार्दुल ठाकूर यांनीही १-१ विकेट घेतली.

First published on: 27-07-2023 at 23:24 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ind vs wi 1st odi india win over west indies by 5 wickets vbm