Ind vs WI : पहिल्याच सामन्यात भारतीय गोलंदाजांची ऐतिहासिक कामगिरी

भारतीय संघाने आपल्या वेस्ट इंडिज दौऱ्याची सुरुवात मोठ्या धडाक्यात केली आहे. फ्लोरिडाच्या मैदानावर खेळवण्यात आलेल्या पहिल्या टी-२० सामन्यात, भारतीय गोलंदाजांनी टिच्चून मारा करत वेस्ट इंडिजला ९५ धावांवर रोखलं. नवदीप सैनी-भुवनेश्वर कुमार यांच्या भेदक गोलंदाजीसमोर विंडीजचे फलंदाज ढेपाळले. विंडीजचे दोन्ही सलामीवीर पहिल्या सामन्यात भोपळाही न फोडता माघारी परतले. आंतरराष्ट्रीय टी-२० क्रिकेटच्या इतिहासात, भारतीय गोलंदाजांनी प्रतिस्पर्धी संघाचे सलामीवीर शून्यावर बाद करण्याची ही पहिलीच वेळ ठरली आहे.