Ind vs WI : सचिनला मागे टाकत गेलने रचला इतिहास, तिसऱ्या वन-डेत आक्रमक खेळी

घरच्या मैदानावर भारताविरुद्ध मर्यादीत षटकांच्या मालिकेत खेळण्यासाठी आपल्या निवृत्तीचा निर्णय मागे घेतलेल्या ख्रिस गेलला अखेरीस सूर सापडला आहे. तिसऱ्या वन-डे सामन्यात ख्रिस गेलने आक्रमक खेळी करत अर्धशतकी खेळी केली. ख्रिसने ४१ चेंडूत ८ चौकार आणि ५ षटकारांच्या सहाय्याने ७२ धावा केल्या. या खेळीदरम्यान गेलने भारताचा माजी खेळाडू सचिन तेंडुलकरचा विक्रमही मोडीत काढला.