India vs West Indies 3rd ODI Match Update: भारत आणि वेस्ट इंडिज यांच्यातील वनडे मालिकेतील तिसरा आणि निर्णायक सामना त्रिनिदादच्या ब्रायन लारा स्टेडियमवर होत आहे. दोन्ही संघांनी प्रत्येकी एक सामना जिंकला असून तीन सामन्यांच्या मालिकेत १-१ अशी बरोबरी आहे. हा सामना जिंकणारा संघ मालिकेवरही नाव कोरेल. तत्पुर्वी तिसऱ्या सामन्यासाठी रोहित शर्मा आणि विराट कोहलीला विश्रांती देण्यात आली आहे. रोहितच्या जागी हार्दिक पांड्या संघाचे नेतृत्व करत आहे. दुसरीकडे वेस्ट इंडिजने नाणेफेक जिंकून टीम इंडियाला प्रथम फलंदाजीसाठी आमंत्रित केले आहे.
वेस्ट इंडिजचा कर्णधार शाई होपने नाणेफेक जिंकून प्रथम गोलंदाजी करण्याचा निर्णय घेतला. या मालिकेत संघाने प्रथम गोलंदाजी करत दोन्ही सामने जिंकले आहेत. अशा परिस्थितीत आशाने पुन्हा एकदा तोच निर्णय घेतला आहे. वेस्ट इंडिजच्या संघात कोणताही बदल झालेला नाही. त्याचवेळी भारतीय संघ दोन बदलांसह मैदानात उतरला आहे. अक्षर पटेल आणि उमरान मलिक यांच्या जागी ऋतुराज गायकवाड आणि जयदेव उनाडकट यांचा संघात समावेश करण्यात आला आहे.
तिसरा सामना जिंकणारा संघ मालिकेवर नाव कोरेल –
या मालिकेतील पहिल्या सामन्यात वेस्ट इंडिजचा संघ केवळ ११४ धावाच करू शकला आणि सामना ५ विकेट्सने गमावला. या सामन्यात विराट कोहली फलंदाजीसाठी आला नाही. रोहितनेही सातव्या क्रमांकावर फलंदाजी केली. दुसऱ्या सामन्यात रोहित आणि विराट खेळले नाहीत. अशा स्थितीत टीम इंडियाचा डाव १८१ धावांवर आटोपला. त्यानंतर वेस्ट इंडिजने सहा विकेट्सने सामना जिंकला. आता तिसरा सामना जिंकणारा संघ मालिकेवर नाव कोरेल.
हेही वाचा – Kapil Dev: “मी बीसीसीआयचा अध्यक्ष असतो, तर…”; कपिल देव यांनी टीम इंडियाच्या वेळापत्रकावरून साधला निशाणा
तिसऱ्या वनडे सामन्यासाठी दोन्ही संघाची प्लेइंग इलेव्हन –
वेस्ट इंडिज: ब्रेंडन किंग, काइल मेयर्स, अलिक अथंजे, शाई होप (यष्टीरक्षक/कर्णधार), शिमरॉन हेटमायर, केसी कार्टी, रोमॅरियो शेफर्ड, यानिक कारिया, अल्झारी जोसेफ, गुडाकेश मोती, जयडेन सेल्स.
भारत : इशान किशन (यष्टीरक्षक), शुबमन गिल, ऋतुराज गायकवाड, संजू सॅमसन, सूर्यकुमार यादव, हार्दिक पांड्या (कर्णधार), रवींद्र जडेजा, शार्दुल ठाकूर, जयदेव उनाडकट, कुलदीप यादव, मुकेश कुमार.
