Virat Kohli Catch India vs West Indies: भारत आणि वेस्ट इंडिज यांच्यातील वन डे मालिकेतील पहिला सामना बार्बाडोस येथे खेळला गेला. या सामन्यात वेस्ट इंडिजचा संघ प्रथम फलंदाजी करताना ११४ धावांवर गारद झाला. वेस्ट इंडिजच्या डावात विराट कोहलीने अप्रतिम झेल घेतला. त्याने रवींद्र जडेजाच्या षटकात रोमॅरियो शेफर्डचा झेल घेतला. कोहलीच्या या झेलचे खूप कौतुक होत आहे. त्याचा हा व्हिडीओ सोशल मीडियावर प्रचंड व्हायरल होत आहे.
टीम इंडियाने नाणेफेक जिंकून प्रथम गोलंदाजी करण्याचा निर्णय घेतला. यादरम्यान कर्णधार रोहित शर्माचा हा निर्णय चांगलाच ठरला, कारण वेस्ट इंडिजचा संघ केवळ ११४ धावांवर ऑलआऊट झाला. वेस्ट इंडिजविरुद्धच्या पहिल्या एकदिवसीय सामन्यात रवींद्र जडेजाच्या गोलंदाजीदरम्यान विराट कोहलीने स्लिपमध्ये पापणी लवते लवते तोच एका हाताने शानदार झेल घेतला होता. वास्तविक, रवींद्र जडेजा १८व्या षटकात गोलंदाजी करत होता. रोमारियो शेफर्ड फलंदाजी करत होता आणि विराट कोहली स्लिपवर उपस्थित आहे. यादरम्यान चौथ्या चेंडूवर किंग कोहलीने सूर मारत झेल घेतला.
वास्तविक शेफर्ड वेस्ट इंडिजसाठी ७व्या क्रमांकावर फलंदाजीला आला होता. यादरम्यान जडेजाच्या षटक टाकत होता. जडेजाच्या षटकातील चौथ्या चेंडूवर शेफर्ड कोहलीकरवी झेलबाद झाला. हा झेल खूप कठीण होता, पण कोहलीने तो एका हाताने सहजरित्या पकडला. शेफर्ड शून्य धावांवर बाद झाला. कोहलीच्या या झेलचे सोशल मीडियावर खूप कौतुक होत आहे. त्याच्या चाहत्यांनी या झेलचे अनेक फोटो ट्वीटरवर शेअर केले आहेत.
भारताने पहिला सामना जिंकला
प्रथम फलंदाजी करताना वेस्ट इंडिजने २२ षटके खेळली. यादरम्यान २३ षटकांत ११४ धावा करून संघ ऑलआऊट झाला. संघाकडून शाई होपने ४३ धावा केल्या. कुलदीपने टीम इंडियासाठी ४ विकेट्स घेतल्या, त्याला सामनावीराचा पुरस्कार देण्यात आला. याशिवाय जडेजाने ३ आणि हार्दिक पांड्या, शार्दुल आणि मुकेशने १-१ विकेट घेत त्याला साथ दिली. त्याचवेळी वेस्ट इंडिजचा संपूर्ण संघ अवघ्या २३ षटकांत गडगडला आणि भारतापुढे ५० षटकांत ११५ धावांचे माफक आव्हान ठेवले होते. भारताने हे आव्हान पाच विकेट्सच्या मोबदल्यात सहजरीत्या पार केले. टीम इंडियाने हा सामना जिंकत तीन सामन्यांच्या मालिकेत १-० अशी आघाडी घेतली आहे.
