Ind vs WI : कसोटी क्रिकेटमध्ये दोन वर्षांत सर्वात कमी सरासरी, त्याच खेळाडूंनी सावरला भारताचा डाव

वेस्ट इंडिजविरुद्ध पहिल्या कसोटी सामन्यात भारताने ६ गड्यांच्या मोबदल्यात २०३ धावांपर्यंत मजल मारली. नाणेफेक जिंकून पहिल्यांदा गोलंदाजी करण्याचा जेसन होल्डरचा निर्णय विंडीजच्या गोलंदाजांनी सार्थ ठरवला. मयांक अग्रवाल, चेतेश्वर पुजारा आणि कर्णधार विराट कोहली हे झटपट माघारी परतले. यानंतर लोकेश राहुल आणि अजिंक्य रहाणेने चौथ्या विकेटसाठी ६८ धावांची भागीदारी केली. महत्वाची गोष्ट म्हणजे पहिल्या कसोटीआधी दोन वर्षांमध्ये लोकेश राहुल आणि अजिंक्य रहाणे यांची सरासरी ही सर्वात कमी होती. मात्र या दोन्ही अनुभवी खेळाडूंनी वेळेला धावून येत भारताचा डाव सावरला.