IND vs WI 1st T20 Live News in Marathi, 29 July 2022 : भारत आणि वेस्ट इंडीज दरम्यान पाच सामन्यांची टी २० मालिका आजपासून (२९ जुलै) सुरू झाली आहे. या मालिकेतील पहिला सामना तारौबा येथील ब्रायन लारा क्रिकेट स्टेडियममध्ये खेळवला गेला. या सामन्यात भारताने वेस्ट इंडीजचा ६८ धावांनी पराभव केला. वेस्ट इंडीजचा कर्णधार निकोलस पूरनने नाणेफेक जिंकून प्रथम गोलंदाजी करण्याचा निर्णय घेतला होता. प्रथम फलंदाजी करणाऱ्या भारतीय संघाने निर्धारित २० षटकांमध्ये सहा बाद १९० धावा केल्या. कर्णधार रोहित शर्माचे शानदार अर्धशतक आणि दिनेश कार्तिकच्या फटकेबाजीमुळे भारताला १९० धावांपर्यंत मजल मारता आली.
India vs West Indies 1st T20 Live : भारत विरुद्ध वेस्ट इंडीज पहिल्या टी २० सामन्यातील सर्व लाईव्ह अपडेट्स
अर्शदीप सिंगने वेस्ट इंडीजचा आठवा गडी माघारी धाडला आहे. यजमानांची अवस्था आठ बाद १०५ अशी झाली आहे.
ओडेन स्मिथच्या रुपात वेस्ट इंडीजचा सातवा गडी बाद झाला आहे. रवी बिश्नोईने स्मिथला भोपळाही फोडू दिला नाही.
शिमरॉन हेटमायर स्वस्तात बाद झाला आहे. तो १६ धावा करून माघारी परतला. यजमानांची अवस्था ६ बाद ८६ अशी झाली आहे.
विंडीजची फलंदाजी कोसळली असून रोव्हमन पॉवेलच्या रुपात त्यांचा पाचवा गडी बाद झाला आहे. विंडीजची अवस्था पाच बाद ८२ अशी झाली आहे.
कर्णधार निकोलस पूरन बाद १८ धावा करून बाद झाला आहे. रविचंद्रन अश्विनने त्याला ऋषभ पंतकरवी बाद केले. विंडीजच्या ८.२ षटकांमध्ये चार बाद ६६ धावा झाल्या आहेत.
पावर प्लेच्या सहा षटकांमध्ये विंडीजच्या तीन बाद ४२ धावा झाल्या आहेत.
आश्वासक सुरुवातीनंतर विंडीजचा डाव गडगडण्याच्या स्थितीत आहे. भुवनेश्वर कुमारने शामराह ब्रुक्सला त्रिफळाचित केले आहे.
रविंद्र जडेजाने आपल्या पहिल्या षटकात वेस्ट इंडीजला धक्का दिला. त्याने जेसन होल्डरला शून्यावर तंबूत धाडले. विंडीजच्या तीन षटकांमध्ये दोन बाद २७ धावा झाल्या आहेत.
विंडीजच्या पहिल्या दोन षटकांमध्ये एक बाद २२ धावा झाल्या आहेत. शामराह ब्रूक्स आणि जेसन होल्डर मैदानावरती उपस्थित आहेत.
अर्शदीप सिंगने वेस्ट इंडीजचा पहिला गडी बाद केला आहे. कायले मेयर्स १५ धावा करून बाद झाला.
वेस्ट इंडीजची फलंदाजी सुरू झाली आहे. १९१ धावांचा पाठलाग करण्यासाठी विंडीजचे सलामीवीर मैदानात उतरले आहेत.
प्रथम फलंदाजी करणाऱ्या भारतीय संघाने निर्धारित २० षटकांमध्ये सहा बाद १९० धावा केल्या.
रविंद्र जडेजाच्या रुपात भारताचा सहावा गडी बाद झाला. जडेजाला अल्झारी जोसेफने माघारी धाडले. भारताच्या १६ षटकांमध्ये सहा बाद १३८ धावा झाल्या आहेत.
कर्णधार रोहित शर्मा बाद झाला आहे. त्याने ४४ चेंडूत ६४ धावा केल्या. १५ षटकांमध्ये भारताच्या पाच बाद १३१ धावा झाल्या आहेत.
हार्दिक पंड्याच्या रुपात भारताचा चौथा गडी बाद झाला आहे. तो अवघी एक धाव करून बाद झाला. भारताची अवस्था चार बाद १०२ अशी झाली आहे.
रोहितने ३५ चेंडूत ५२ धावा फटकावल्या आहेत.
१०व्या षटकामध्ये भारताचा तिसरा गडी बाद झाला आहे. ऋषभ पंत १४ धावा करून माघारी परतला. भारताच्या तीन बाद ८८ धावा झाल्या आहेत.
रोहित शर्मा आणि ऋषभ पंत डाव सावरण्याचा प्रयत्न करत आहेत. रोहित शर्मा ३३ तर पंत ९ धावांवर खेळत आहेत.
सात षटकांमध्ये दोन गडी गमावून भारताचे अर्धशतक पूर्ण झाले आहे.
श्रेयस अय्यरच्या रुपात भारताचा दुसरा गडी बाद झाला. अय्यर शून्यावर बाद झाला आहे. भारताच्या सहा षटकांमध्ये दोन बाद ४५ धावा झाल्या आहेत.
सूर्यकुमार यादवच्या रुपात भारताचा पहिला गडी बाद झाला आहे. अकिल होसेनच्या गोलंदाजीवर तो झेलबाद झाला. भारताच्या पाच षटकांमध्ये एक बाद ४४ धावा झाल्या आहेत.
चार षटकांमध्ये भारताच्या बिनबाद ४३ धावा झाल्या आहेत. रोहित शर्मा १४ आणि सूर्यकुमार यादव २४ धावांवर खेळत आहेत.
दोन षटकांमध्ये भारताच्या बिनबाद २० धावा झाल्या आहेत. भारतीय सलामीवीरांनी आक्रमक सुरुवात केली.
भारतीय फलंदाजीला सुरुवात झाली आहे. सलामीवीर रोहित शर्मा आणि सूर्यकुमार यादव यांनी डावाची सुरुवात केली आहे.
वेस्ट इंडीज संघ : शामराह ब्रूक्स, कायले मेयर्स, निकोलस पूरन (कर्णधार), शिमरॉन हेटमायर, रोव्हमन पॉवेल, ओडियन स्मिथ, जेसन होल्डर, अकिल होसेन, रोमारियो शेफर्ड, ओबेड मॅककॉय, अल्झारी जोसेफ, किमो पॉल
भारतीय संघ: रोहित शर्मा (कर्णधार), ऋषभ पंत, श्रेयस अय्यर, सूर्यकुमार यादव, हार्दिक पंड्या, दिनेश कार्तिक, रविंद्र जडेजा, रवी बिश्नोई, आर अश्विन, भुवनेश्वर कुमार, अर्शदीप सिंग
वेस्ट इंडीजचा कर्णधार निकोलस पूरनने नाणेफेक जिंकून प्रथम गोलंदाजी करण्याचा निर्णय घेतला आहे.
