IND vs WI 3rd T20 News in Marathi, 01 August 2022 : भारत आणि वेस्ट इंडीज यांच्यात पाच सामन्यांची टी २० मालिका सुरू आहे. या मालिकेतील तिसरा सामना मंगळवारी (२ ऑगस्ट) रोजी सेंट किट्समधील बॅस्टेअर वॉर्नर पार्क येथे झाला. या सामन्यात भारताने वेस्ट इंडीजचा सात गडी राखून पराभव केला. भारताचा कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला होता. त्यामुळे यजमान वेस्ट इंडीजला सुरुवातीला फलंदाजी करावी लागली. निर्धारित २० षटकांमध्ये विंडीजने कायले मेयर्सच्या अर्धशतकाच्या बळावर पाच बाद १६४ धावा केल्या होत्या. भारताने १९ षटकांमध्ये तीन गड्यांच्या बदल्यात हे लक्ष्य पार केले.
India vs West Indies 3rd T20 Live : भारत विरुद्ध वेस्ट इंडीज टी २० सामन्यातील सर्व अपडेट्स
भारताचा तिसरा गडी बाद झाला आहे. हार्दिक पंड्या चार धावा करून माघारी गेला.
सूर्यकुमार यादवच्या रुपात भारताचा दुसरा गडी बाद झाला आहे. त्याने ४४ चेंडूत ७६ धावा फटकावल्या.
श्रेयस अय्यरच्या रुपात भारताचा पहिला गडी बाद झाला आहे. भारताच्या ११.३ षटकांमध्ये एक बाद १०५ धावा झाल्या आहेत.
सूर्यकुमार यादवने २६ चेंडूत आपले अर्धशतक पूर्ण केले आहे. भारताच्या ९ षटकांमध्ये बिनबाद ८३ धावा झाल्या आहेत.
पाच षटकांमध्ये भारताच्या बिनबाद ४९ धावा झाल्या आहेत. सूर्यकुमार यादव आणि श्रेयस अय्यर डावाला आकार देत आहेत.
कर्णधार रोहित शर्मा दुखापतीमुळे बाहेर गेला आहे. त्याच्या जागी श्रेयस अय्यर फलंदाजीसाठी मैदानात उतरला आहे.
भारताच्या डावाला सुरुवात झाली असून सलामीवीर रोहित शर्मा आणि सूर्यकुमार यादव खेळपट्टीवर उपस्थित आहेत.
निर्धारित २० षटकांमध्ये विंडीजने कायले मेयर्सच्या अर्धशतकाच्या बळावर पाच बाद १६४ धावा केल्या आहेत.
१८ षटकांमध्ये वेस्ट इंडीजच्या तीन बाद १३७ धावा झाल्या आहेत.
वेस्ट इंडीजचा तिसरा गडी बाद झाला आहे. कायले मेयर्स ५० चेंडूंत ७३ धावा करून बाद झाला. विंडीजच्या १६.२ षटकांमध्ये तीन बाद १२८ धावा झाल्या आहेत.
निकोलस पूरनच्या रुपात वेस्ट इंडीजचा दुसरा गडी बाद झाला आहे. यजमानांच्या १५ षटकांमध्ये दोन बाद १०८ धावा झाल्या आहेत.
१५व्या षटकांमध्ये विंडीजचा धावफलक शंभरीपार गेला आहे. निकोलस पूरन आणि मेयर्स यांच्यात ५० धावांची भागीदारी झाली आहे.
कायले मेयर्सने ३८ चेंडूत अर्धशतक पूर्ण केले आहे. १३ षटकांमध्ये विंडीजच्या एक बाद धावा ८४ झाल्या आहेत.
१२ षटकांमध्ये विंडीजच्या एक बाद ७७ धावा झाल्या आहेत. मेयर्स अर्धशतकाच्या जवळ पोहचला आहे.
नऊ षटकांमध्ये विंडीजच्या एकबाद ६३ धावा झाल्या आहेत. सलामीवीर कायले मेयर्स दमदार फलंदाजी करत आहेत.
पाच षटकांमध्ये विंडीजच्या बिनबाद ४१ धावा झाल्या आहेत. लामीवीर ब्रँडन किंग आणि कायले मेयर्स डावाला आकार देत आहेत.
विंडीजने आपल्या डावाची आक्रमक सुरुवात केली आहे. तीन षटकांमध्ये बिनबाद २२ धावा झाल्या आहेत.
वेस्ट इंडीजच्या फलंदाजीला सुरुवात झाली असून सलामीवीर ब्रँडन किंग आणि कायले मेयर्स मैदानात उतरले आहेत.
वेस्ट इंडीजचा संघ: कायले मेयर्स, ब्रँडन किंग, निकोलस पूरन (कर्णधार), शिमरॉन हेटमायर, रोव्हमन पॉवेल, डेव्हॉन थॉमस (यष्टीरक्षक), जेसन होल्डर, अकील होसेन, डोमिनिक ड्रेक्स, अल्झारी जोसेफ, ओबेड मॅकॉय.
भारतीय संघ: रोहित शर्मा (कर्णधार), ऋषभ पंत (यष्टीरक्षक), श्रेयस अय्यर, सूर्यकुमार यादव, हार्दिक पंड्या, दिनेश कार्तिक, दीपक हुडा, आवेश खान, भुवनेश्वर कुमार, रविचंद्रन अश्विन, अर्शदीप सिंग.
भारताचा कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला आहे.
