IND vs WI 4th T20 News in Marathi, 06 August 2022: भारत आणि वेस्ट इंडीज दरम्यान पाच सामन्यांची टी २० मालिका खेळवली जात आहे. या मालिकेतील चौथा सामना फ्लोरिडातील लॉडरहिलमधील ‘सेंट्रल ब्रॉवर्ड रीजनल पार्क स्टेडियम टर्फ ग्राउंड’वरती झाला. या सामन्यात भारताने वेस्ट इंडीजचा ५९ धावांच्या फरकाने पराभव केला. त्यामुळे पाच सामन्यांच्या मालिकेत भारताकडे ३-१ अशी विजयी आघाडी आली आहे. वेस्ट इंडीजचा कर्णधार निकोलस पूरनने नाणेफेक जिंकून गोलंदाजी करण्याचा निर्णय घेतला होता. प्रथम फलंदाजीसाठी उतरलेल्या भारतीय संघाने निर्धारित २० षटकांमध्ये पाच बाद १९१ धावा केल्या होत्या. या लक्ष्याचा पाठलाग करताना विंडीजचा सर्व संघ १९.१ षटकांमध्येच गुंडाळला गेला.
India vs West Indies 4th T20 Live Match Updates: भारत विरुद्ध वेस्ट इंडीज टी २० सामन्यातील सर्व अपडेट्स
अकील होसेनच्या रुपात वेस्ट इंडीजचा सातवा गडी माघारी परतला आहे. १४.१ षटकांमध्ये विंडीजच्या सात बाद १०६ धावा झाल्या आहेत.
भारतीय गोलंदाजांनी विंडीजचा अर्धा संघ तंबूत पाठवला आहे. रोव्हमन पॉवेल २४ धावा करून बाद झाला. विंडीजच्या नऊ षटकांमध्ये पाच बाद ८२ धावा झाल्या आहेत.
सलामीवीर कायले मेयर्स १४ धावा करून माघारी परतला आहे. विंडीच्या सात षटकांमध्ये चार बाद ६४ धावा झाल्या आहेत.
कर्णधार निकोलस पूरनच्या रुपात विंडीजचा तिसरा गडी बाद झाला आहे. त्याने आठ चेंडूत २४ धावा केल्या. विंडीजची अवस्था पाच षटकांमध्ये तीन बाद ४९ अशी झाली आहे.
भारतीय गोलंदाज आवेश खानने विंडीजला सलग दोन धक्के दिले आहेत. डेव्हॉन थॉमस अवघी एक धाव करून बाद झाला आहे. विंडीजच्या ३.१ षटकांमध्ये दोन बाद २३ धावा झाल्या आहेत.
ब्रँडन किंगच्या रुपात वेस्ट इंडीजला पहिला धक्का बसला आहे. आवेश खानने त्याला १३ धावांवर माघारी धाडले. विंडीजच्या दोन षटकांमध्ये एक बाद १८ धावा झाल्या आहेत.
वेस्ट इंडीजच्या फलंदाजीला सुरुवात झाली असून सलामीवीर मैदानात उतरले आहेत.
१५ षटकांमध्ये भारताच्या चार बाद १४६ धावा झाल्या आहेत. ऋषभ पंत ४४ धावा करून बाद झाला.
दीपक हुडाच्या रुपात भारताचा तिसरा गडी बाद झाला आहे. त्याने २१ धावा केल्या.
१० षटकांमध्ये भारताचा दोन बाद धावा ९६ झाल्या आहेत. दीपक हुडा आणि ऋषभ पंतने फटकेबाजी सुरू केली आहे.
आठ षटकांमध्ये भारताचा दोन बाद धावा ७७ झाल्या आहेत. दीपक हुडा आणि ऋषभ पंत डावाला आकार देण्याचा प्रयत्न करत आहेत.
स्फोटक फलंदाज सूर्यकुमार यादव बाद झाला आहे. तो २४ धावा करून माघारी परतला. भारताच्या सहा षटकांमध्ये दोन बाद ६५ धावा झाल्या आहेत.
कर्णधार रोहित शर्माच्या रुपात भारताला पहिला धक्का बसला आहे. अकील होसेनने त्याला त्रिफळाचित केले. पाच षटकांमध्ये भारताच्या एक बाद ५४ धावा झाल्या आहेत.
रोहित शर्मा आणि सूर्यकुमारच्या जोडीने ओबेड मॅकॉयच्या एका षटकात २५ धावा जमवल्या.
कर्णधार रोहित शर्मा आणि सूर्यकुमार यादवने फटकेबाजी सुरू केली आहे. तीन षटकांमध्ये भारताच्या बिनबाद ३९ धावा झाल्या आहेत.
भारताची फलंदाजीला सुरुवात झाली आहे. कर्णधार रोहित शर्मा आणि सूर्यकुमार यादव सलामीसाठी मैदानात उतरले आहेत.
भारतीय संघ : रोहित शर्मा (कर्णधार), ऋषभ पंत, संजू सॅमसन, सूर्यकुमार यादव, दीपक हुडा, दिनेश कार्तिक, अक्षर पटेल, भुवनेश्वर कुमार, आवेश खान, रवी बिश्नोई, अर्शदीप सिंग
वेस्ट इंडीज: ब्रँडन किंग, कायले मेयर्स, निकोलस पूरन (कर्णधार), रोव्हमन पॉवेल, शिमरॉन हेटमायर, डेव्हॉन थॉमस (यष्टीरक्षक), जेसन होल्डर, डॉमिनिक ड्रेक्स, अकील होसेन, अल्झारी जोसेफ, ओबेड मॅकॉय
नाणेफेक जिंकून वेस्ट इंडीजने प्रथम गोलंदाजी करण्याचा निर्णय घेतला आहे.
फ्लोरिडामध्ये पावसाचे वातावरण असून काही तासांपूर्वी तिथे पाऊस पडला आहे. ओल्या मैदानामुळे नाणेफेकीला उशीर झाला आहे.
