Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

गेल-लुईसची ११५ धावांची भागीदारी

Ind vs WI : अखेरच्या वन-डेत विंडीज सलामीवीरांची फटकेबाजी, १७ वर्षांनी रचला विक्रम

टी-२० मालिकेत पराभवाचा सामना करावा लागल्यानंतर, वन-डे मालिकेतही यजमान विंडीज संघाच्या फलंदाजांना सूर सापडत नव्हता. अखेरीस तिसऱ्या वन-डे सामन्यात विंडीजच्या सलामीवीरांनी आपल्या लौकिकाला साजेशी खेळी करत भारतीय गोलंदाजांवर हल्लाबोल चढवला. सलामीवीर ख्रिस गेल आणि एविन लुईस यांनी पहिल्या विकेटसाठी ११५ धावांची भागीदारी रचली. दोन्ही फलंदाजांनी चौफेर फटकेबाजी करत भारतीय गोलंदाजांना पळता भुई थोडी केली.

या भागीदारीदरम्यान विंडीजच्या सलामीवीरांनी तब्बल १७ वर्षांच्या कालावधीनंतर विक्रमाची नोंद केली. विंडीजच्या सलामीवीरांनी ९.१ षटकांमध्येच संघाचं शतक धावफलकावर लावलं. २००२ पासून वन-डे क्रिकेटमध्ये विंडीजच्या संघाला अशी कामगिरी करता आली नव्हती.

v
In terms of overs, this is the fastest the #MenInMaroon have scored 100 runs in an innings. #WIvIND #ItsOurGame pic.twitter.com/bTxdDVan7h
— Windies Cricket (@windiescricket) August 14, 2019

ख्रिस गेलने ४१ चेंडूत ७२ धावांची खेळी केली. या खेळीत ख्रिस गेलने ८ चौकार आणि ५ षटकार लगावले. खलिल अहमदने ख्रिस गेलला विराट कोहलीकरवी झेलबाद करत भारताला अपेक्षित यश मिळवून दिलं.

First published on: 14-08-2019 at 23:16 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ind vs wi west indies openers start aggressively in 3rd odi set record after 17 years psd

Ind vs WI : अखेरच्या वन-डेत विंडीज सलामीवीरांची फटकेबाजी, १७ वर्षांनी रचला विक्रम

गेल-लुईसची ११५ धावांची भागीदारी