IND vs ZIM 2nd T20I : अभिषेक शर्माच्या शतकाच्या जोरावर भारताचा झिम्बाब्वेवर दणदणीत विजय, १०० धावांनी उडवला धुव्वा IND vs ZIM 2nd T20I Match Updates India beat Zimbabwe by 100 runs Abhishek Sharma's century

IND vs ZIM 2nd T20I Match Updates : प्रथम फलंदाजी करताना भारतीय संघाने २० षटकात २ बाद २३४ धावा केल्या होत्या. प्रत्युत्तरात झिम्बाब्वेचा संघ केवळ १३४ धावा करू शकला. या मैदानावर झिम्बाब्वेविरुद्ध कोणत्याही संघाने केलेली ही सर्वोच्च धावसंख्या आहे. २०१८ मध्ये ऑस्ट्रेलियाने २२९/२ धावा केल्या होत्या.

India vs Zimbabwe 2nd T20I Updates Cricket Score in Marathi

अभिषेक शर्माच्या शतकाच्या जोरावर भारताचा झिम्बाब्वेवर दणदणीत विजय (फोटो-लोकसत्ता ग्राफिक्स टीम)

India beat Zimbabwe by 100 runs : भारत आणि झिम्बाब्वे यांच्यातील पाच सामन्यांच्या टी-२० मालिकेतील दुसरा सामना हरारे येथे पार पडला. या सामन्यात भारतीय संघाने पहिल्या सामन्यातील पराभवाचा बदला घेतला. भारताने अभिषेक शर्माच्या वादळी शतकाच्या जोरावर झिम्बाब्वेचा १०० धावांनी धुव्वा उडवला. या सामन्यात भारतीय संघाने नाणेफेक जिंकून प्रथम फलंदाजी करताना अभिषेक-ऋतुराजच्या १३७ धावांच्या भागीदारीच्या जोरावर २ गडी गमावून २३४ धावांचा डोंगर उभारला होता. मात्र, प्रत्युत्तरात झिम्बाब्वे संघ १८.४ षटकांत १३४ धावांवर गारद झाला. त्याचबरोबर मालिकेत १-१ ने बरोबरी साधली.

अभिषेक-ऋतुराजची १३७ धावांची उत्कृष्ट भागीदारी –

अभिषेक शर्मा आणि ऋतुराज गायकवाड यांनी १३७ धावांची उत्कृष्ट भागीदारी करत भारतीय संघाच्या विजयाचा पाया रचला. अभिषेकने ४७ चेंडूत १०० धावा केल्या, तर दुसरीकडे ऋतुराज गायकवाडने ४७ चेंडूत ७७ धावा केल्या. या शानदार खेळीच्या जोरावर भारताने पहिल्या खेळात २३४ धावा केल्या होत्या. यजमान झिम्बाब्वे जेव्हा लक्ष्याचा पाठलाग करण्यासाठी मैदानात उतरला तेव्हा संघाला खराब सुरुवातीच्या धक्क्यातून सावरता आले नाही. वेस्ली मधवेरेने खूप प्रयत्न केले, पण तो ३९ चेंडूत ४३ धावा करून बाद झाला.

आणखी वाचा

Nitish Rana and Ayush Badoni Engage in Heated Exchange in Delhi vs Uttar Pradesh SMAT 2024 Video

SMAT 2024: लाईव्ह सामन्यात भिडले भारताचे दोन खेळाडू, नितीश राणा युवा खेळाडूवर संतापला; नेमकं काय घडलं? पाहा VIDEO

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

INDW vs AUSW Arundhati Reddy Dismissed Top 4 Batters of Australia Top Order Becomes

INDW vs AUSW: अरूंधती रेड्डीचा ऐतिहासिक पराक्रम, ‘ही’ कामगिरी करणारी पहिली भारतीय गोलंदाज

India Women Vs Australia Women Cricket 2nd ODI India loses against Australia sport news

भारतीय महिला संघाची पुन्हा हाराकिरी ; दुसऱ्या सामन्यात ऑस्ट्रेलियाची सर्वोच्च धावसंख्येसह सरशी

U19 Asia Cup Final Bangladesh Beat India by 59 Runs And Successfully Defend the Title INDU19 vs BANU19

IND U19 vs BAN U19: बांगलादेशची पोरं हुशार; युवा भारतीय संघाला नमवत पटकावलं U19 आशिया कपचं जेतेपद

Australia Beat India by 10 Wickets in Pink Ball Test Pat Cummins 5 Wickets Nitish Reddy 42 Runs Inning

IND vs AUS: पिंक बॉल कसोटीत ऑस्ट्रेलियाची बाजी; भारतावर १० विकेट्सनी दणदणीत विजय

England Beat New Zealand by 323 Runs in 2nd Test and win Series Joe Root Harry Brook Century

NZ vs ENG: न्यूझीलंडचा मोठा पराभव! टीम इंडियाला चीतपट करणाऱ्या किवींची घरच्या मैदानावर इंग्लंडसमोर शरणागती

India vs Australia Border Gavaskar Trophy Australia dominate in second Test sport news

पिछाडीनंतर पडझड, भारतीय फलंदाजांकडून निराशाच; हेडच्या शतकामुळे ऑस्ट्रेलियाचा दबदबा

२३५ धावांच्या लक्ष्याचा पाठलाग करण्यासाठी आलेल्या झिम्बाब्वे संघाला पहिल्याच षटकातच मुकेश कुमारने इनोसंट कैयाला अवघ्या ४ धावांवर क्लीन बोल्ड केल्याने मोठा धक्का बसला. वेस्ली माधवेरे आणि ब्रायन बेनेट यांनी मिळून ३६ धावांची भर घातली असली तरी मोठा फटका खेळण्याचा प्रयत्न करताना बेनेट मुकेशच्या गोलंदाजीवर बाद झाला. एकेकाळी झिम्बाब्वेची धावसंख्या एका विकेटवर ४०धावा होती, पण पुढच्या ६ धावांतच संघाने ३ महत्त्वाच्या विकेट्स गमावल्या.

सातत्याने विकेट्स गमावल्याचा झिम्बाब्वेला फटका –

दुसऱ्या टी-२० सामन्यात झिम्बाब्वेने एकाच वेळी अनेक विकेट्स गमावल्या. एका विकेटवर ४० धावांवरून संघाची धावसंख्या ४ गडी बाद ४६ अशी झाली. कर्णधार सिकंदर रझालाही केवळ ४ धावा करता आल्या. झिम्बाब्वेसोबतच्या एकाच सामन्यात दुसऱ्यांदा असे घडले की संघाने ४ गडी गमावून ७२ धावा केल्या होत्या. पण इथून झिम्बाब्वेने ४ धावांतच ३ विकेट्स गमावल्या. एकाच वेळी बसलेल्या अनेक धक्क्यातून संघ सावरू शकला नाही.

टीम इंडियाची दमदार गोलंदाजी –

मुकेश कुमारने टीम इंडियासाठी विकेट्स घेण्यास सुरुवात केली. त्याने सलामीच्या स्पेलमध्ये २ महत्त्वपूर्ण विकेट्स घेतल्या. रवी बिश्नोई पुन्हा एकदा यशस्वी ठरला त्याने ४ षटकांत केवळ ११ धावांत २ विकेट्स घेतल्या. भारताकडून आवेश खान आणि मुकेश कुमार यांनी सर्वाधिक विकेट्स घेतल्या, या दोघांनी प्रत्येकी ३ विकेट्स घेतल्या. त्याच्याशिवाय वॉशिंग्टन सुंदरलाही एक विकेट घेण्यात यश आले.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ind vs zim 2nd t20i match updates india beat zimbabwe by 100 runs abhishek sharmas century vbm