IND W vs AUS W: भारताची प्लेईंग सामना सुरू होण्याच्या काही मिनिटांपूर्वीच पुन्हा बदलली, आशा शोभना अचानक का झाली संघाबाहेर?

टीम इंडियाच्या प्लेईंग इलेव्हनमध्ये बदल

ऑस्ट्रेलियाविरुद्धचा सामना सुरू होण्याच्या काही वेळापूर्वीच आशा शोभनाला सामन्यामधून बाहेर व्हावे लागले. आशाच्या जागी राधा यादवचा संघात समावेश करण्यात आला. सरावादरम्यान झालेल्या दुखापतीमुळे आशा शोभना या सामन्यातून बाहेर पडल्याचे समजले आहे. नाणेफेकीच्या वेळी टीम इंडियाने प्लेइंग इलेव्हनमध्ये तिचे नाव होते. त्यामुळे राधा यादवला या सामन्यात उतरवण्यासाठी ऑस्ट्रेलियन संघाची परवानगी आवश्यक होती. तर ऑस्ट्रेलियन संघाने त्याला मान्यता दिली आणि भारतीय संघाला प्लेइंग इलेव्हनमध्ये बदल करण्याची संधी मिळाली.

हेही वाचा – IND W vs AUS W: भारताला उपांत्य फेरीत पोहोचण्यासाठी ऑस्ट्रेलियाविरूद्ध किती धावांनी विजय आवश्यक? कसं आहे समीकरण

आशा शोभना ही टीम इंडियाच्या महत्त्वाच्या गोलंदाजांपैकी एक आहे. अशा स्थितीत तिची दुखापत टीम इंडियासाठी डोकेदुखी ठरू शकते. याआधी ती पहिल्या तीन सामन्यांमध्ये टीम इंडियाच्या प्लेइंग इलेव्हनचा भाग होती. या काळात तिने एकूण ५ विकेट्स घेतल्या होत्या. आशा शोभनाने या स्पर्धेत आतापर्यंत ५.४१ च्या इकॉनॉमीने धावा दिल्या आहेत.

हेही वाचा – IND-W vs AUS-W Live score : टीम इंडियाची दमदार गोलंदाजी, ऑस्ट्रेलियाचा निम्मा संघ परतला तंबूत

पण राधा यादवनेही आशा शोभनाच्या जागी चांगली कामगिरी केली आहे. राधा यादव एक उत्कृष्ट फिल्डर आहे. तिने श्रीलंकाविरूद्धच्या सामन्यात तीन उत्कृष्ट झेल टिपले आहेत. याशिवाय राधाने या सामन्यातही उत्कृष्ट झेल टिपत बेथ मुनीला झेलबाद केले. तर गोलंदाजीतही एक विकेट घेतली.

भारतीय महिला संघाची प्लेइंग इलेव्हन:

शफाली वर्मा, स्मृती मानधना, हरमनप्रीत कौर (कर्णधार), जेमिमाह रॉड्रिग्ज, रिचा घोष (यष्टीरक्षक), दीप्ती शर्मा, पूजा वस्त्राकर, अरुंधती रेड्डी, श्रेयंका पाटील, राधा यादव, रेणुका ठाकूर सिंग.

ऑस्ट्रेलिया:

बेथ मूनी (यष्टीरक्षक), ग्रेस हॅरिस, एलिस पेरी, ऍशले गार्डनर, फोबी लिचफील्ड, ताहलिया मॅकग्रा (कर्णधार), जॉर्जिया वेअरहॅम, ॲनाबेल सदरलँड, सोफी मोलिनक्स, मेगन शुट, डार्सी ब्राउन.