2024 Paris Olympic Highlights , Day 1 : पॅरिस ऑलिम्पिकचा पहिला दिवस भारतासाठी शानदार ठरला. नेमबाजीत मनू भाकरने १० मीटर एअर पिस्तुलची अंतिम फेरी गाठली आहे. त्याचबरोबर त्याने बॅडमिंटन आणि हॉकीमध्येही चांगली सुरुवात केली आहे. टोकियो ऑलिम्पिकमध्ये कांस्यपदक जिंकणाऱ्या भारतीय संघाने न्यूझीलंड संघाला कडवी टक्कर दिली, पण सामना भारताच्या झोळीतच राहिला. बॅडमिंटनमध्ये आपल्या पहिल्या ऑलिम्पिकमध्ये खेळणाऱ्या लक्ष्य सेनने अप्रतिम कामगिरी करत ग्वाटेमालाच्या पाच वेळा ऑलिम्पियन केविन कॉर्डनचा पराभव केला. पुरुष दुहेरीत चिराग आणि सात्विक जोडीने विजयाची नोंद केली.
India at Olympic Games Paris 2024 Highlights : पॅरिस ऑलिम्पिकमधील भारताचा पहिला दिवस खास राहिला. नेमबाजीत मनू भाकरने १० मीटर एअर पिस्तुलची अंतिम फेरी गाठली आहे. त्याचबरोबर त्याने बॅडमिंटन आणि हॉकीमध्येही चांगली सुरुवात केली.
अश्विनी पोनप्पा आणि तनिषा क्रास्टो यांचा पराभव
अश्विनी पोनप्पा आणि तनिषा क्रॅस्टो यांना पहिल्या गटातील लढतीत पराभव पत्करावा लागला. किम सो इंग आणि कोंग ही योंग या जोडीने भारतीय जोडीचा पराभव केला. किम सो इंग आणि काँग ही योंग या जोडीने अश्विनी पोनप्पा आणि तनिषा क्रास्टो या जोडीचा 18-21, 10-21 असा पराभव केला. किम सो इंग आणि कोंग ही योंग या जोडीने टोकियो ऑलिम्पिकमध्ये पदक जिंकले होते.
भारतीय बॉक्सर प्रीती पवारने 54 किलो गटात प्री-क्वार्टर फायनल गाठली आहे. प्रीती पवारने व्हिएतनामच्या वो ति किम आहचा 5-0 ने पराभव केला.
कोरियाने पहिल्या गेममध्ये भारताचा २१-१८ असा पराभव केला
कोरियासाठी गेम पॉइंट कारण दीर्घ रॅलीनंतर त्यांना आता अंतिम निर्णय घेण्याची संधी आहे. तनिषा क्रॅस्टोने गॅप शोधून भारतासाठी महत्त्वपूर्ण गुण मिळवला. अश्विनी पोनप्पाने जोरदार फटकेबाजी करत भारताचे अंतर पुार केले. कोरियाने पहिल्या गेममध्ये भारतावर १७-२० अशी आघाडी घेतली होती. सलग तीन गुण घेत भारतीय जोडीने शानदार खेळ दाखवला. मात्र यानंतर पुनरागमन कठिण झाले. ज्यामुळे कोरियन जोडी विजयाकडे वाटचाल करत आहे. कोरियन जोडीने पहिल्या गेमध्ये २१-१८ अशा फरकाने बाजी मारली.
बॅडमिंटन, महिला दुहेरी गट क - अश्विन-तनिषा 11-17 किम-काँग
कोरियन खेळाडूंनी खेळाच्या मध्यांतरानंतर या सामन्यात आघाडी घेण्यास सुरुवात केली आहे.
पहिल्या दिवसाचा शेवटचा इव्हेंट बॉक्सिंगचा आहे
महिलांच्या ५४ किलो ३२ च्या फेरीत प्रीती पवारचा सामना किम आन्ह वोशी होईल. हा सामना रात्री उशिरा १२.०२ वाजता सुरू होईल. राऊंड ऑफ १६ मध्ये जाण्यासाठी एक विजय आवश्यक आहे.
टेनिसपटू बोपण्णा-बालाजी जोडीचा सामना पुढे ढकलला
टेनिसपटू रोहन बोपण्णा आणि एन श्रीराम बालाजी या भारतीय पुरुष दुहेरी जोडीचा पहिला सामना उद्यापर्यंत पुढे ढकलण्यात आला आहे कारण मैदानी कोर्टवर पावसामुळे आज टेनिस खेळणे अशक्य झाले. दरम्यान, सेंट्रल कोर्टवर कोणताही परिणाम झाला नाही.
बॅडमिंटनचा महिला दुहेरी गटातील तनिषा क्रास्टो आणि अश्विनी पोनप्पा या जोडीचा सामना एच.वाय. काँग आणि एस.वाय. किमचे यांच्याशी होत आहे.
आजच्या दिवसाचा नववा सामना बॅडमिंटनचा होणार आहे.
महिला दुहेरी गटात तनिषा क्रास्टो आणि अश्विनी पोनप्पा या जोडीचा सामना एच.वाय. काँग आणि एस.वाय. किमचे होणार आहे. हा सामना रात्री 11.50 वाजता सुरू होईल. ग्रुप स्टेजमध्ये जाण्यासाठी जिंकणे आवश्यक आहे
भारतीय हॉकी संघाची विजयी सलामी, न्यूझीलंडचा ३-२ असा पराभव
कर्णधार हरमनप्रीतने ५९ व्या मिनिटाला केलेल्या गोलमुळे भारतीय पुरुष हॉकी संघाने पूल-बी मधील पहिल्या सामन्यात न्यूझीलंडचा ३-२ असा पराभव केला. या रोमांचक सामन्यात पहिल्या क्वार्टरमध्ये सॅम लेनच्या गोलमुळे टीम इंडिया 1-0 ने पिछाडीवर होती. मात्र, दुसऱ्या क्वार्टरमध्ये मनदीप सिंगच्या गोलने भारतीय संघाने दमदार पुनरागमन केले. यानंतर तिसऱ्या क्वार्टरमध्ये विवेकच्या गोलमुळे टीम इंडिया 2-1 अशी आघाडीवर होती. चौथ्या क्वार्टरमध्ये न्यूझीलंडच्या सायमन चाइल्डने गोल करत स्कोअर 2-2 असा बरोबरीत आणला. सामना बरोबरीत संपेल असे वाटत होते, पण पूर्ण वेळेच्या एक मिनिट आधी कर्णधार हरमनप्रीतने पेनल्टी स्ट्रोकवर गोल करत भारताला 3-2 अशी आघाडी मिळवून दिली आणि टीम इंडियाने 3-2 असा विजय मिळवला.
https://twitter.com/priyanshusports/status/1817246304826712392
न्यूझीलंडने अजून एक गोल करत भारताची बरोबरीने केली आहे.
न्यूझीलंडने चमकदार कामगिरी करत आणखी एक गोल केला. आता भारत आणि न्यूझीलंडचे संघ २-२ ने बरोबरीत आले आहेत. हा सामना जिंकण्यासाठी भारतीय हॉकी संघाला आणखी मेहनत करावी लागणार आहे. चाहते गोलची वाट पाहत आहेत.
भारतीय हॉकी संघाने 2-1 अशी आघाडी घेतली
टीम इंडियाने दुसरा गोल केला. भारताला न्यूझीलंडविरुद्ध आघाडी मिळाली आहे. टीम इंडियासाठी विवेक सागरने गोल केला. त्यासाठी रिव्ह्यू घेण्यात आला. भारताने 2-1 अशी आघाडी घेतली आहे.
हॉकीमध्ये भारत-न्यूझीलंड हाफ टाईम 1-1 असा बरोबरीत होता
पुरुष हॉकीच्या ब गटात भारत आणि न्यूझीलंड यांच्यात सामना होत आहे. हा सामना अर्ध्या वेळेपर्यंत १-१ असा बरोबरीत आहे.
https://twitter.com/sportwalkmedia/status/1817231610887934093
भारतीय हॉकी संघाने १-१ अशी बरोबरी साधली
टीम इंडियाने दुसऱ्या क्वार्टरमध्ये शानदार कामगिरी करत एक गोल केला. भारताने न्यूझीलंडशी आता बरोबरी केली आहे. आता सामना १-१ असा बरोबरीत आहे
हॉकीमध्ये न्यूझीलंडने भारताविरुद्ध 0-1 अशी आघाडी घेतली आहे
टीम इंडियासाठी पहिला क्वार्टर चांगला राहिला नाही. न्यूझीलंडने 0-1 अशी आघाडी घेतली आहे. भारतीय हॉकी संघाने या काळात गोल करण्यासाठी सर्वतोपरी प्रयत्न केले. मात्र, यश मिळाले नाही.
न्यूझीलंडने पहिला गोल केला
पॅरिस ऑलिम्पिकमध्ये भारत विरुद्ध हॉकी सामन्यात न्यूझीलंड संघाने पहिल्या क्वार्टरमध्ये पहिला गोल केला आहे. आता या सामन्यात किवी हॉकी संघ १-० ने आघाडीवर आहे.
पुरुष हॉकीमध्ये भारताचा न्यूझीलंडशी सामना
भारतीय हॉकी पुरुष संघ आपल्या पहिल्या सामन्यासाठी मैदानात उतरला आहे. पुरुष हॉकीमध्ये भारताचा पहिला सामना न्यूझीलंडशी होत आहे.
https://twitter.com/AdityaR76251276/status/1817222314481553882
टीम इंडियाच्या बॅडमिंटनपटू सात्विक-चिरागने शानदार कामगिरी करत विजयाची नोंद केली
बॅडमिंटन पुरुष दुहेरीच्या सामन्यात भारताच्या सात्विक आणि चिरागने चमकदार कामगिरी करत सामना जिंकला. त्यांनी कोर्वी आणि लाबर या फ्रेंच जोडीचा पराभव केला.
https://twitter.com/ShwetaD93/status/1817220579621032136
चिराग आणि सात्विकने दोन्ही गेम जिंकले. त्यांनी पहिला गेम 21-17 अशा फरकाने तर दुसरा गेम 21-14 अशा फरकाने जिंकला. या भारतीय जोडीने पुढील फेरीत प्रवेश केला आहे.
ऑलिम्पिकमध्ये सुरू असलेल्या पुरूष दुहेरी बॅडमिंटन स्पर्धेत सात्त्विक-चिरागच्या जोडीने कोरवी-लाबर जोडीविरूद्ध २१-१७ च्या जोडीने पहिला सेट जिंकला आहे.
https://twitter.com/sportwalkmedia/status/1817213256236220522
बॅडमिंटन एमडी गट क, सात्विक-चिराग १३-९ कोरवी-लाबर
मध्यंतरानंतर फ्रेंच जोडीने शानदारपणे दोन गुण मिळवले, मात्र त्यानंतर सात्विक-चिराग जोडीने 14-9 अशी आघाडी घेतली. त्यानंतर चिरागच्या सर्व्हिसमध्ये चूक झाली, कारण त्याने झटपट सर्व्ह करण्याचा प्रयत्न केला, पण चेंडू टेपवरून गेला.
सात्विक-चिराग सामना सुरु झाला आहे.
भारतीय स्टार पुरुष दुहेरी जोडी सात्विकसाईराज रँकीरेड्डी आणि चिराग शेट्टी यांच्यातील सामना सुरू झाला आहे. या भारतीय जोडीचा सामना क गटातील लढतीत फ्रेंच जोडी कॉर्वे आणि लाबर यांच्याशी होत आहे.
लक्ष्य सेनने पहिला गट सामना जिंकला
https://twitter.com/sportwalkmedia/status/1817205422413283459
पॅरिस ऑलिम्पिकमधील पुरुष एकेरीच्या बॅडमिंटन स्पर्धेत लक्ष्य सेनने एल गटातील पहिला सामना सलग 2 सेटमध्ये जिंकून शानदार सुरुवात केली आहे. त्याने ग्वाटेमालाचा खेळाडू केविन कॉर्डनचा पराभव केला. सेनने 21-8 आणि 22-20 असे दोन्ही सेट जिंकले.
हरमीतची सुरुवात विजयाने झाली आहे.
भारतीय टेबल टेनिसपटू हरमीत देसाईने पॅरिस ऑलिम्पिकमध्ये विजयी सुरुवात केली. पुरुष एकेरीच्या लढतीत हरमीतने झायद अबो यामनचा एकतर्फी 4-0 असा पराभव केला. 30 मिनिटे चाललेल्या या सामन्यात हरमीतने 11-7, 11-9, 11-5, 11-5 असा विजय मिळवला.
हरमीत देसाईने आपल्या अभियानाला सुरुवात केली आहे.
भारताचा एकेरी टेबल टेनिसपटू हरमीत देसाईने पॅरिस ऑलिम्पिकमध्ये आपल्या मोहिमेला सुरुवात केली आहे. हरमीतचा सामना झायेद अबो यमन विरुद्ध आहे. हरमीतने चांगली सुरुवात करत पहिले दोन गेम जिंकून आघाडी घेतली आहे.
पहिल्या दिवशी आतापर्यंत एकूण पाच देशांनी पदके जिंकली आहेत.
चीन - 2 सुवर्ण
दक्षिण कोरिया - 1 रौप्य
यूएसए - 1 कांस्य
ग्रेट ब्रिटन - 1 कांस्य
कझाकस्तान - 1 कांस्य
नोव्हाक जोकोविचची शानदार सुरुवात
सर्बियाचा स्टार टेनिसपटू नोव्हाक जोकोविचने पॅरिस ऑलिम्पिक 2024 मध्ये विजयासह कारकिर्दीची सुरुवात केली आहे. त्याने पहिल्या फेरीत ऑस्ट्रेलियाच्या मॅथ्यू एबडेनचा 6-0 आणि 6-1 असा पराभव केला आहे.
लक्ष्य सेनने घेतली आघाडी
भारतीय खेळाडू लक्ष्य सेनचा सामना सुरु झाला आहे. त्याचा सामना केविन कॉर्डेनशी आहे. लक्ष्यकडे सध्या १-० अशी आघाडी आहे. हा ग्रुप स्टेजचा सामना आहे.
हॉकी: भारत विरुद्ध न्यूझीलंड: रात्री 9 वाजता IST
बॅडमिंटन: पुरुष एकेरी गट एल (लक्ष्य सेन विरुद्ध केविन कॉर्डन): संध्याकाळी 7.10 IST
पुरुष दुहेरी गट क (सात्विक-चिराग विरुद्ध कोरवी-लेबर): रात्री 8 वाजता IST
महिला दुहेरी गट क (अश्विनी-तनिषा विरुद्ध किम-काँग): रात्री 11.50 IST
बॉक्सिंग: महिलांची 54 किलो 32ची फेरी- प्रीती विरुद्ध थी किम आह वो
टेबल टेनिस: पुरुष एकेरी - हरमीत देसाई विरुद्ध जैद अबो यमन - 7.15 वा.
टेनिस: पुरुष दुहेरीची पहिली फेरी (बालाजी-बोपण्णा वि. रेबुल-रोझ व्हॅसेलिन)
मनू भाकर ही अशी खेळाडू ठरली आहे, जी 20 वर्षांनंतर नेमबाजी ऑलिम्पिकच्या वैयक्तिक स्पर्धेच्या अंतिम फेरीत पोहोचली आहे. तिच्या आधी सुमा शिरूर 2004 ऑलिम्पिकमध्ये 10 मीटर एअर रायफल प्रकारात अंतिम फेरीत पोहोचली होती.
रात्री 8.30 वाजेपूर्वी टेनिस दुहेरीचा कोणताही सामना सुरू होणार नाही
पॅरिस ऑलिम्पिक 2024 च्या पहिल्या दिवशी पावसामुळे, मैदानी क्ले कोर्टवर होणारे टेनिस दुहेरीचे सामने भारतीय वेळेनुसार रात्री 8:30 च्या आधी सुरू होणार नाहीत.
Kangana Ranaut on Olympics : “सेक्स बेडरुमपर्यंत मर्यादित का राहू शकत नाही?” ऑलिम्पिकच्या उद्घाटन सोहळ्यावरून कंगना रणौतची संतप्त प्रतिक्रिया!
India at Paris Olympic 2024 Highlights : पॅरिस ऑलिम्पिक २०२४ सुरूवातक झाली आहे. क्रीडा महाकुंभाच्या पहिल्या दिवशी सात वेगवेगळ्या खेळांमध्ये भारतीय खेळाडू प्रतिनिधित्व करताना दिसले. ज्यापैकी हॉकी आणि टेनिससह काही खेळांत भारताने दमदार कामगिरी केली.
