IND vs SA : 'कसोटी सामने जिंकायचे असतील, तर...', लाजिरवाण्या पराभवानंतर रोहित शर्माची प्रतिक्रिया India captain Rohit Sharma blamed the bowling and batting for the humiliating defeat in the first Test against South Africa

Rohit Sharma Reaction : सामना संपल्यानंतर रोहित म्हणाला, आम्ही जिंकू शकलो नाही. प्रथम फलंदाजीसाठी आमंत्रित केल्यानंतर, केएल राहुलने चांगली फलंदाजी केली आणि आम्हाला चांगल्या धावसंख्येपर्यंत नेले, परंतु नंतर आम्ही गोलंदाजीतही परिस्थितीचा फायदा घेऊ शकलो नाही.

रोहित शर्माची भारताच्या पराभव प्रतिक्रिया (फोटो-संग्रहित छायाचित्र इंडियन एक्सप्रेस)

Rohit Sharma reacts to the defeat in the first Test : भारत आणि दक्षिण आफ्रिका संघातील पहिला कसोटी सामना सेंच्युरियनमध्ये गुरुवारी पार पडला. या सामन्यात भारताचा डाव आणि ३२ धावांनी पराभव झाला. कर्णधार रोहित शर्माने लाजिरवाण्या पराभवासाठी सामूहिक प्रयत्नांच्या अभावाला जबाबदार धरत, आपला संघ दक्षिण आफ्रिकेला आव्हान देऊ शकला नसल्याची कबुली दिली. भारताने फलंदाजी आणि गोलंदाजी या दोन्ही बाबतीत खराब कामगिरी केली. पहिल्या डावात दक्षिण आफ्रिकेला १०८.४ षटकांत ४०८ धावांत गुंडाळल्यानंतर, टीम इंडिया दुसऱ्या डावात ३४.१ षटकांत १३१ धावांत गारद झाला. पाहुण्या संघाने पहिल्या डावात २४५ धावा केल्या होत्या.

एक युनिट म्हणून कामगिरी करावी लागेल –

सामना संपल्यानंतर रोहित शर्मा म्हणाला, ‘आम्ही जिंकू शकलो नाही. प्रथम फलंदाजीसाठी आमंत्रित केल्यानंतर, केएल राहुलने चांगली फलंदाजी केली आणि आम्हाला चांगल्या धावसंख्येपर्यंत नेले, परंतु नंतर आम्ही गोलंदाजीतही परिस्थितीचा फायदा घेऊ शकलो नाही. त्यानंतर फलंदाजीत चांगली कामगिरी करू शकलो नाही. आम्हाला कसोटी सामने जिंकायचे असतील, तर आम्हाला एकत्र येऊन एक युनिट म्हणून कामगिरी करावी लागेल आणि आम्ही तसे केले नाही. यापूर्वीही येथे खेळाडू येऊन खेळले आहेत. आम्हाला येथे काय करायचे आहे हे माहित आहे आणि प्रत्येकाला त्यांची योजना माहित आहे.’

आणखी वाचा

Virat Kohli comes now it seems like he can be dismissed without any issues says Aakash Chopra

Virat Kohli : ‘आता असं वाटतं की विराटला कोणत्याही अडचणीशिवाय…’, भारताच्या रनमशीनबद्दल आकाश चोप्राचे मोठे वक्तव्य

IND vs NZ AB de Villiers on Rishabh Pant Controversial Dismissal

IND vs NZ : ऋषभ पंतच्या वादग्रस्त विकेटवर…

India Senior Players Refuse to Play Duleep Trophy Before Home Test Series Rohit Sharma Virat Kohli IND vs NZ

भारताच्या वरिष्ठ खेळाडूंनी BCCI च्या निर्णयानंतरही दुलीप ट्रॉफी खेळण्यास दिलेला नकार, किवींविरूद्ध लाजिरवाण्या पराभवानंतर मोठा खुलासा?

IND vs NZ Anil Kumble Lashes Out At Rohit Sharma and Gautam Gambhir

IND vs NZ : ‘तुम्ही फलंदाजांना दोष देऊ नका…’, मालिका गमावल्यानंतर अनिल कुंबळे रोहित-गौतमवर संतापले

Rohit Sharma Statement Rishabh Pant Controversial Wicket in IND vs NZ Mumbai test said The bat was close to the pads

IND vs NZ: “सर्वांसाठी सारखेच नियम ठेवा…”, ऋषभ पंतच्या वादग्रस्त विकेटवर रोहित शर्मा भडकला, खरंच पंत नॉट आऊट होता?

Rohit Sharma Statement on India Series Defeat IND vs NZ Said I wasnt at my best with both bat and as a captain

IND vs NZ: “एक कर्णधार व फलंदाज म्हणून मी…”, भारताच्या दारूण पराभवानंतर रोहित शर्माचं भावुक वक्तव्य; व्हाईट वॉशचं खापर कोणावर फोडलं?

Rishabh Pant Shubman Gill Hits Fiery Fifty against New Zealand as India Got Good Start IND vs NZ 3rd Test Day 2

IND vs NZ: भारतीय संघाची टी-२० स्टाईल सुरूवात, पंत-गिलची झंझावाती अर्धशतकं; किवी गोलंदाजांना दिवसा दाखवले तारे

IND vs NZ India Lost 3 Wickets in Just 9 Balls Yashasvi Jaiswal Bowled Virat Kohli Suicidal Run Out on Day 1 of Mumbai test

IND vs NZ: ९ चेंडूत ३ विकेट्स आणि टीम इंडियाची हाराकिरी, रोहित-विराटने पुन्हा केलं निराश

परिस्थितीशी नीट जुळवून घेऊ शकलो नाही –

रोहित शर्मा पुढे म्हणाला, ‘आमच्या फलंदाजांना आव्हान होते आणि आम्ही स्वत:ला येथील परिस्थितीशी नीट जुळवून घेऊ शकलो नाही. आम्ही त्यांना धावा करताना पाहिले, पण आम्हाला विरोधी संघाला आणि त्यांची ताकदही समजून घेण्याची गरज आहे. आम्ही दोन्ही डावात चांगली फलंदाजी केली नाही, त्यामुळेच आम्ही येथे उभे आहोत. आमच्याकडे खूप सकारात्मक गोष्टी नाहीत, परंतु केएलने अशा खेळपट्टीवर आम्हाला काय करण्याची आवश्यकता आहे, हे दाखवून दिले.’

हेही वाचा – IND vs SA : विराट कोहलीने रचला इतिहास! १४६ वर्षांच्या क्रिकेट इतिहासात ‘हा’ पराक्रम करणारा ठरला पहिलाच फलंदाज

सामन्याबद्दल बोलायचे, तर सेंच्युरियनमध्ये भारताने दक्षिण आफ्रिकेविरुद्धच्या दोन कसोटी सामन्यांच्या मालिकेतील पहिला सामना एक डाव आणि ३२ धावांनी गमावला. गुरुवारी (२८ डिसेंबर) सामन्याच्या तिसर्‍या दिवशी टीम इंडिया दुसऱ्या डावात १३१ धावांवर सर्वबाद झाली. तत्पूर्वी, भारताने पहिल्या डावात २४५ धावा केल्या होत्या. यामध्ये केएल राहुलच्या शतकाचा समावेश होता. त्याचवेळी दक्षिण आफ्रिकेने पहिल्या डावात ४०८ धावा केल्या. आफ्रिकन संघाकडे पहिल्या डावात १६३ धावांची आघाडी होती. दक्षिण आफ्रिकेच्या या विजयात डीन एल्गर, मार्को जॅन्सेन आणि कागिसो रबाडाने मोलाचे योगदान दिले. हा सामना जिंकून दक्षिण आफ्रिकेने मालिकेत १-० अशी अभेद्य आघाडी घेतली आहे.

First published on: 29-12-2023 at 12:29 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: India captain rohit sharma blamed the bowling and batting for the humiliating defeat in the first test against south africa vbm

IND vs SA : ‘कसोटी सामने जिंकायचे असतील, तर…’, लाजिरवाण्या पराभवानंतर रोहित शर्माची प्रतिक्रिया

एक युनिट म्हणून कामगिरी करावी लागेल –

परिस्थितीशी नीट जुळवून घेऊ शकलो नाही –