कनिष्ठ डेव्हिस चषक स्पर्धा
कनिष्ठ डेव्हिस चषक स्पर्धेत न्यूझीलंडकडून पराभूत झालेल्या भारतीय संघाने इंडोनेशियाला ३-० असे पराभूत केले. अजय मलिकने एकेरी आणि दुहेरी टेनिसच्या दोन्ही सामन्यात बाजी मारत भारताच्या विजयात मोलाचे योगदान दिले.
भारताच्या अजयने एकेरी इंडोनेशियाच्या मोहगुनवान त्रिसमुवांतरा याच्यावर ६-४,६-२ अशी मात केली. त्यानंतर सुशांत डबास याने भारताच्या दुसरा एकेरी सामना जिंकला. तर दुहेरीत अजय आणि दिवेश गेहलोत यांनी अगातरा आणि लकी कुरनिआवान या जोडीचा ६-७, ६-२, १०-४ असे पराभूत करीत विजयावर शिक्कामोर्तब केले. भारताला आता पुढील लढतीत ऑस्ट्रेलियाशी झुंजावे लागणार असून ऑस्ट्रेलिया हा गटातील सर्वाधिक मजबूत संघ मानला जातो.
