भारताची दिव्या देशमुख विजेती;अंतिम फेरीत बल्गेरियाच्या बेलोस्लाव क्रास्तेवावर मात

अखेरच्या फेरीतील विजयासह ‘लोकसत्ता तरुण तेजांकित पुरस्कार’ विजेती दिव्याने ११ फेऱ्यांच्या स्पर्धेत १० गुणांसह निर्विवाद वर्चस्वासह विजेतेपदावर शिक्कामोर्तब केले

Divya Deshmukh wins World Junior Girls chess title

भारताची आंतरराष्ट्रीय मास्टर दिव्या देशमुख

गांधीनगर : भारताची आंतरराष्ट्रीय मास्टर दिव्या देशमुखने गुरुवारी कनिष्ठ गटाच्या जागतिक बुद्धिबळ स्पर्धेत मुलींच्या गटात विजेतेपद मिळवले. दिव्याने अखेरच्या फेरीत बल्गेरियाच्या बेलोस्लाव क्रास्तेवाचा पराभव केला.

अखेरच्या फेरीतील विजयासह ‘लोकसत्ता तरुण तेजांकित पुरस्कार’ विजेती दिव्याने ११ फेऱ्यांच्या स्पर्धेत १० गुणांसह निर्विवाद वर्चस्वासह विजेतेपदावर शिक्कामोर्तब केले. अर्मेनियाची मरियम मकरतच्यान दुसऱ्या स्थानावर राहिली. दिव्याने मरियमला अवघ्या अर्ध्या गुणाने मागे टाकले. अखेरच्या फेरीत मरियमने एकतर्फी लढतीत भारताच्या रक्षिता रवीचा पराभव करून तिच्या पदकांच्या अपेक्षांवर पाणी फेरले. अझरबैजानच्या अयान अल्लाहवेरदियेवाने रशियाच्या नॉर्मन सेनियाचा पराभव करुन ८.५ गुणांसह कांस्यपदक पटकावले.

आणखी वाचा

‘पुष्पा’साठी राष्ट्रीय पुरस्कार घेताना अल्लू अर्जुन दु:खी का होता? स्वत: सांगितलं कारण

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

Sanskruti More, a visually challenged chess player, satara district

अंधत्वावर मात करून यशशिखर गाठणारी बुद्धीबळपटू संस्कृती मोरे

preliminary round of loksatta lokankika one act play competition

‘लोकसत्ता लोकांकिका’ची पहिली घंटा; प्राथमिक फेरी ३० नोव्हेंबरपासून; मुंबईत २१ डिसेंबरला महाअंतिम फेरी

Border Gavaskar Trophy IND vs AUS Memorable Innings in Marathi

Border Gavaskar Trophy Best Innings: सचिन, द्रविड, पंत अन् बुमराहचा स्लोअर बॉल…, बॉर्डर गावस्कर ट्रॉफीच्या इतिहासातील संस्मरणीय क्षण

Border Gavaskar Trophy History Stats Records Head to Head All You need To Know About India vs Australia Test Series

Border Gavaskar Trophy: भारत-ऑस्ट्रेलिया कसोटी मालिकेला ‘बॉर्डर-गावस्कर ट्रॉफी’ हे नाव का देण्यात आलं? सर्वाधिक मालिका कोणी जिंकल्यात? वाचा इतिहास

Korea Masters Badminton Tournament Kiran George in semifinals sport news

कोरिया मास्टर्स बॅडमिंटन स्पर्धा: किरण जॉर्ज उपांत्य फेरीत

“दोन्ही वर्षी पुरस्कार मिळाला नाही, थोडं हिरमुसल्यासारखं…”, ऐश्वर्या नारकरांनी हुकलेल्या अवॉर्डवर मांडलं मत, म्हणाल्या…

हेही वाचा >>> Nadal Withdraws from Wimbledon : नदालची विम्बल्डनमधून माघार

स्पर्धेत नागपूरच्या १८ वर्षीय दिव्याने आपली छाप पाडली. दिव्याने क्वीन पॉन पद्धतीने सुरुवात करताना डावाच्या मध्यात बेलोस्लावविरुद्ध आपली बाजू भक्कम ठेवली होती. अचूक चाली करत दिव्याने बेलोस्लाववरील दडपण वाढवत डावावरील पकड घट्ट केली. ही पकड दिव्याने अखेरपर्यंत निसटू दिली नाही आणि विजेतेपदावर शिक्कामोर्तब केले. ‘‘विजेतेपदाच्या प्रवासात अयान अल्लाहवेरदियेवावर मिळवलेला विजय सर्वात महत्त्वाचा ठरला,’’ असे दिव्याने सांगितले.

खुल्या गटात कझाकस्तानच्या नोगेरबेक काजिबेकने अखेरच्या फेरीपर्यंत आघाडीवर असलेल्या अर्मेनियाच्या मामिकोन घारबयानचा पराभव करून विजेतेपद मिळवले. टायब्रेकमध्ये सर्वोत्तम सरासरीवर नोगेरबेकने अर्मेनियाच्या एमिन ओहानयनला मागे टाकले. नोगेरबेक आणि एमिन दोघांचेही ८.५ गुण झाले होते. टायब्रेकमध्ये सरासरी गुणांच्या आधारावर नोगेरबेकला विजयी घोषित करण्यात आले. सर्बियाचा लुका बुदिसावलजेविच ८ गुणांसह तिसऱ्या स्थानावर राहिला. हा निर्णयही टायब्रेकरच्या सरासरी गुणांवर निश्चित झाला. त्याने जर्मनीच्या टोबियास कोलला मागे टाकले.

खुल्या गटात भारताचा ग्रँडमास्टर प्रणव आनंद ७.५ गुणांसह दहाव्या स्थानावर राहिला. अखेरच्या फेरीत त्याने अर्मेनियाच्या आर्सेन दावत्यानचा पराभव केला. आदित्य सावंत ११, तर अनुज श्रीवास्तव १२व्या स्थानावर राहिला. दिव्याची ‘लाइव्ह रेटिंग’ २४६४ असून या कामगिरीनंतर तो जगातील आघाडीच्या २० महिला बुद्धिबळपटूंमध्ये सहभागी झाली आहे.

अल्लाहवेरदियेवाविरुद्ध मी चांगल्या स्थितीत नव्हते. पण, जिद्दीने खेळ करून विजय मिळवला. ती लढत जिंकली नसती, तर कदाचित मी आज विश्वविजेती ठरली नसते.- दिव्या देशमुख

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: India divya deshmukh wins world junior girls chess championship 2024 title zws